scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଶେଷ ହେଲା ମା’ କାଳୀଙ୍କ ପୂଜା, ଭଷାଣୀରେ ମନମୋହିଲା ଅଘୋରୀଙ୍କ ତାଣ୍ଡବ

7/11/2022 at 8:26 AM

ଯାଜପୁର ୦୭।୧୧:  ଶେଷ ହୋଇଛି ବ୍ୟାସନଗର ସହରର ଗଣପର୍ବ କାଳୀପୂଜା । ଦୀର୍ଘ ୧୪ ଦିନ ଧରି ସହରର ୧୪ଟି ମଣ୍ଡପରେ ପୂଜା ପାଉଥିଲେ ମା’ ଶ୍ୟାମାକାଳୀ  । ଏବେ ମେଲାଣି ନେଇଛନ୍ତି ମାଆ। କରୋନା କଟକଣା ନଥିବାରୁ ବେଶ୍ ଧୁମଧାମରେ ପାଳନ କରାଯାଇଛି ମା’ଙ୍କ ଭଷାଣ ଉତ୍ସବ ।

ପ୍ରତିବର୍ଷ ପରି ଚାଳିତଥର ମଧ୍ୟ ମଣ୍ଡପରୁ ମେଢ଼ ଗୁଡିକ ବାହାରି  ଗୋପବନ୍ଧୁ ଛକ ଠାରୁ କାଳୀ ମେଲଣ ପଡିଆ ଯାଏଁ ଧାଡ଼ିଧାଡି ହୋଇ ଯାଇଥିଲା । ଏହି ସମୟରେ ବିଭିନ୍ନ କମିଟି ଦ୍ୱାରା ସଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା। ଯାହାକୁ ଦେଖିବାକୁ ପାଖାପାଖି ୧ ଲକ୍ଷରୁ ଅଧିକ ଲୋକଙ୍କ ଜନ ସମାବେଶ ହୋଇଥିଲା।  ଓଡ଼ିଶୀ ନୃତ୍ୟ, ଆଦିବାସୀ ନୃତ୍ୟ, ଘୋଡା ନାଚ, ବଳଦ ନାଚ, ସିଙ୍ଘ ବାଜା ସାଙ୍ଗକୁ ଡିଜେ ଧ୍ୱନୀରେ କମ୍ପିଥିଲା ପରିବେଶ ।

ତେବେ ଉତ୍ତରପ୍ରଦେଶରୁ ଆସିଥିବା ଅଘୋରୀଙ୍କ ନୃତ୍ୟ ଦର୍ଶକଙ୍କୁ ବିଶେଷ ଭାବେ ଆକର୍ଷିତ କରିଥିଲା। ଷ୍ଟିଲସିଟି ପୂଜା କମିଟି ତରଫରୁ ଅଘୋରୀ ନୃତ୍ୟ ମଣ୍ଡଳୀକୁ କାଳୀପୂଜା ଭଷାଣି ଶୋଭାଯାତ୍ରାରେ ସାମିଲ କରାଯାଇଥିଲା ।  ଉତ୍ତରପ୍ରଦେଶର ଏହି ଟିମ୍ ମହାକାଳ ଶିବଙ୍କ ଅଭିନୟ ପ୍ରଦର୍ଶନ କରିଛନ୍ତି। ଯାହା ଆକର୍ଷଣର କେନ୍ଦ୍ରବିନ୍ଦୁ ପାଲଟିଥିଲା । ଅନ୍ୟପଟେ ଜନସମାଗମକୁ ଦୃଷ୍ଟିରେ ରଖି  ପୂଜା କମିଟି ଗୁଡିକ ପକ୍ଷରୁ ବ୍ୟାପକ ବନ୍ଦୋବସ୍ତ କରାଯାଉଥିଲା । ଶାନ୍ତିଶୃଙ୍ଖଳା ପାଇଁ ପୋଲିସ ପ୍ରଶାସନ ପକ୍ଷରୁ ବ୍ୟାପକ ବନ୍ଦୋବସ୍ତ ମଧ୍ୟ କରାଯାଇଥିଲା। ସହରର ସମସ୍ତ ମଣ୍ଡପର ମେଢ଼କୁ ଏକତ୍ରିତ କରାଯିବା ପରେ ପ୍ରଶାସନ ଦ୍ବାରା ସ୍ଥିର ହୋଇଥିବା ସ୍ଥାନରେ ବିସର୍ଜନ କରାଯାଇଛି ।

   Related Posts