scan steel
web-baneer-728x90
krs-728-90-banner (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ମା ଭଦ୍ରକାଳୀଙ୍କ ପୀଠରେ ପୂଜା ଆରମ୍ଭ, ମଣ୍ଡପରେ ଚକ୍ଷୁଦାନ ପାଇବେ ମା କାଳୀ

12/11/2023 at 7:38 PM

ଭଦ୍ରକ: କାଳୀପୂଜା ଅବସରରେ ଭଦ୍ରକର ଅଧିଷ୍ଠାତ୍ରୀ ଦେବୀ ମା ଭଦ୍ରକାଳୀଙ୍କ ପୀଠରେ ଆଜି ଠାରୁ ଆରମ୍ଭ ହୋଇଛି ସପ୍ତଦିବସ ବ୍ୟାପୀ ମହାପୂଜା । ଅମାବାସ୍ୟା ତିଥି ଠାରୁ ମା ଭଦ୍ରକାଳୀଙ୍କୁ ସପ୍ତମାତୃକା ବେଶରେ ସଜ୍ଜିତ କରି ପୂଜାର୍ଚ୍ଚନା କରାଯାଉଥିବାବେଳେ , ଆଜି ମା ଭଦ୍ରକାଳୀଙ୍କୁ ପ୍ରଥମ ଦିବସରେ ବେଦମାତା ବେଶରେ ପୂଜାର୍ଚ୍ଚନା କରାଯାଇଛି ।  ଏହି ବେଶରେ ମାଙ୍କୁ ଦର୍ଶନ କଲେ ମହାଜ୍ଞାନ ପ୍ରାପ୍ତି ହୋଇଥାଏ ବୋଲି ବିଶ୍ବାସ ରହିଛି । ଅନ୍ୟପଟେ ମଣ୍ଡପ ରେ ସ୍ଥାପିତ ମୃଣ୍ମୟୀ ମୂର୍ତ୍ତି ଆଜି ମଧ୍ୟରାତ୍ରରୁ ଜୀବଦାନ ପାଇବେ ।

Also read- ବିନା ୟୁନିଫର୍ମରେ ବୁଲିବେ ପୋଲିସ, ମଦ ପିଇ ଉତ୍ପାତ କଲେ କାର୍ଯ୍ୟାନୁଷ୍ଠାନ

ଭଦ୍ରକର ଅଧିଷ୍ଠାତ୍ରୀ ଦେବୀ ହେଉଛନ୍ତି ମା ଭଦ୍ରକାଳୀ । ମା ହେଉଛନ୍ତି ସର୍ବଶକ୍ତି ର ଆଧାର ଓ ଆଦ୍ୟାଶକ୍ତି । ସ୍ତୁତିଗାନ ରେ କନିକା ପୁରାଣ ଓ ଯୋଗିନୀ ତନ୍ତ୍ରରେ ମଧ୍ୟ ଭଦ୍ରକାଳୀ ପୀଠ ଏକ ମହାନ ଶକ୍ତିପିଠ ରୂପେ ବର୍ଣ୍ଣିତ ହୋଇଛି । ମା କାଳୀଙ୍କ ପୂଜା ଅବସରରେ  ଅମାବାସ୍ୟାତିଥି ଠାରୁ ମା ଭଦ୍ରକାଳୀଙ୍କ ପୀଠରେ ମା ଙ୍କୁ ସପ୍ତମାତୃକା ବେଶରେ ପୂଜାର୍ଚ୍ଚନା କରାଯାଉଛି । ତେବେ ପ୍ରତ୍ୟୁଷରୁ ମା ଭଦ୍ରକାଳୀଙ୍କ ବିଶେଷ ପୂଜାର୍ଚ୍ଚନା ପାଇଁ ନିକଟସ୍ଥ ସାଳନ୍ଦୀ ନଦୀଘାଟରୁ  ସେବାୟତମାନଙ୍କ ଦ୍ଵାରା ନଦୀରୁ ଜଳ ଅଣାଯାଇ ଘଟସ୍ଥାପନ ସହ ରୀତିନୀତି ଅନୁସାରେ ମା ଙ୍କର ପୂଜାର୍ଚ୍ଚନା କରାଯାଇଛି ।

ତେବେ ସପ୍ତଦିବସ ବ୍ୟାପୀ ଅନୁଷ୍ଠିତ ହେଉଥିବା ମା ଭଦ୍ରକାଳୀଙ୍କ ସପ୍ତମାତୃକା ବେଶ ମଧ୍ୟରୁ ଆଜି ମା ଙ୍କୁ ପ୍ରଥମ ଦିବସ ରେ ବେଦମାତା ବେଶରେ ସଜ୍ଜିତ କରି ପୂଜାର୍ଚ୍ଚନା କରାଯାଇଛି । ଏ ନେଇ  ଆଜିଠାରୁ ମାଙ୍କ ପୀଠରେ ମହାଯଜ୍ଞ, ଚଣ୍ଡିପାଠ, ହୋମଯଜ୍ଞ ଆୟୋଜନ କରାଯାଇଛି । ତେବେ ଆଜି ମା ଭଦ୍ରକାଳୀ ଙ୍କୁ ବେଦମାତା ରୂପରେ ଦର୍ଶନ କଲେ ମହାଜ୍ଞାନ ପ୍ରାପ୍ତି ହୋଇଥାଏ ବୋଲି ବିଶ୍ଵାସ ରହିଛି । ଦେବୀଙ୍କର ସାତଟି ରୂପ ମଧ୍ୟରୁ ବେଦମାତା ଅର୍ଥାତ୍ ଗାୟତ୍ରୀ ରୂପ ଦର୍ଶନ କଲେ ଜ୍ଞାନର ଭଣ୍ଡାର ଉଦୟ ହୋଇଥାଏ ବୋଲି ମା ଙ୍କ ସେବାୟତ କହିଛନ୍ତି । ତେବେ ମା ଭଦ୍ରକାଳୀ ବେଦମାତI ରୂପରେ ପୂଜାପାଉଥିବାବେଳେ ମାଙ୍କୁ ପାଖରୁ ଦର୍ଶନ କରି ସାନିଧ୍ୟ ଲାଭ କରିଛନ୍ତି ଶ୍ରଦ୍ଧାଳୁ ।

ଅନ୍ୟ ପଟେ ଭଦ୍ରକ ଜିଲ୍ଲା ର ଥିବା ମଣ୍ଡପ ଗୁଡିକ ରେ ଆଜି ମଧ୍ୟରାତ୍ରୀ ରୁ ପୂଜା ଆରମ୍ଭ ହେବ । ରୀତିନୀତି ରେ ମୃଣ୍ମୟୀ ମୂର୍ତ୍ତି ପୂଜା ସହ ଚକ୍ଷୁଦାନ ଓ ଜୀବନ୍ୟାସ କରାଯିବ । ବାଇପାସ ଓ ଚରମ୍ପା ଅଞ୍ଚଳ ରେ ସାତ ଦିନ ଧରି ଆୟୋଜିତ ହେବାକୁ ଥିବା ଏହି ମେଳା ଆସନ୍ତାକାଲି ଠାରୁ ଜମିବ । ଅପେରା ଓ ମିନାବଜାର ସହ ରାଜ୍ୟ ବାହାର ର ଦୋକାନୀ ଙ୍କ ପସରା ର ମଜା ଉଠାଇବେ ଶ୍ରଦ୍ଧାଳୁ । ତେବେ ପୂଜା କମିଟି ଗୁଡିକ ଶ୍ରଦ୍ଧାଳୁ ଙ୍କ ଶୃଙ୍ଖଳିତ ଦର୍ଶନ ପାଇଁ ପ୍ରଶାସନ କୁ ସହଯୋଗ କରୁଛନ୍ତି । ଜିଲ୍ଲା ପୋଲିସ ତରଫରୁ ୨ ଜଣ ଅତିରିକ୍ତ ଏସପି , ୬ ଜଣ ଡ଼ିଏସପି , ୧୯ ଇନ୍ସପେକ୍ଟର ୨୦ ପ୍ଲାଟୁନ ଫୋର୍ସ ମୃତୟନ କରାଯାଇଛି । ଅସ୍ଥାୟୀ ଫାଣ୍ଡି ତିଆରି କରିଛି ଭଦ୍ରକ ପୋଲିସ । ଐତିହାସିକ କାଳୀପୂଜା ପାଇଁ ଭଦ୍ରକରେ ଉତ୍ସଵ ର ମହୋଲ । ପୂଜା କମିଟି , ପୋଲିସ ଓ ପ୍ରଶାସନ ତରଫରୁ ବ୍ୟାପକ ବ୍ୟବସ୍ଥା କାଳୀପୂଜାକୁ ସରସ ସୁନ୍ଦର କରିବ ।

   Related Posts