ତେଲକୋଇ ୧୩।୩: କେନ୍ଦୁଝର ଜିଲ୍ଲା ତେଲକୋଇ ରେଞ୍ଜ କଳାପାଟ ସଂରକ୍ଷିତ ଜଙ୍ଗଲରେ ନିଆଁ ଲାଗି ଏକର ଏକର ମୂଲ୍ୟବାନ ଜଙ୍ଗଲ ଜଳିଯାଉଛି । ତେଲକୋଇ ଫରେଷ୍ଟ ବିଟ୍ ଖୁଣ୍ଟାପଡା ପଞ୍ଚାୟତର ବେଣା ଓ କଲାଡେରା ଗାଁ ନିକଟରେ ଥିବା କଳାପାଟ ସଂରକ୍ଷିତ ଜଙ୍ଗଲର କିର୍କିଞ୍ଚିଆ ପାହାଡ, ଡାଇଁଆଗିରି, ପୁଢେଇଦୁଆ, ଗଞ୍ଜିଆଘର, ବିରିଙ୍ଗାପାହାଡ, ଭାଲୁମଡକ, ବାଘୁଆସରେଇ, ଦୟାଗିରି ଆଦି ପାହାଡରେ ଦିନରାତି ନିଆଁ ହୁତୁହୁତୁ ହୋଇ ଜଳୁଛି । ଫଳରେ ମୂଲ୍ୟବାନ ଗଛଲତା ସହ ଔଷଧୀୟ ଗୁଳ୍ମ ମଧ୍ୟ ଜଳିପୋଡି ନଷ୍ଟ ହୋଇଯାଉଛି ।
{"id":757281,"sizeSlug":"full","linkDestination":"none"}
ଜଙ୍ଗଲ ଜଳିବା ଦ୍ବାରା ବନ୍ୟଜନ୍ତୁ ନିଆଁ ତାପରୁ ବର୍ତ୍ତିବା ପାଇଁ ଗାଁ ମୁହାଁ ହେବା ସହ ହାତୀ ପଲ ମଧ୍ୟ ଗାଁ ନିକଟରେ ଡେରା ପକାଉଛନ୍ତି । ବିରଳ ପ୍ରଜାତିର ସରୀସୃପ ଜଳିପୋଡି ନିଆଁର ଆଁ ଭିତରେ ଲୀନ ହୋଇଯାଉଛନ୍ତି । ଯାହାକୁ ନେଇ ପରିବେଶବିତ୍ଙ୍କ ମଧ୍ୟରେ ଉଦବେଗ ପ୍ରକାଶ ପାଇଛି । ତେବେ ଖବର ପାଇ ବନ ବିଭାଗ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିବା ପାଇଁ ଉଦ୍ୟମ ଜାରି ରଖିଥିଲେ ମଧ୍ୟ ନିଆଁ ଲିଭାଇବା କର୍ମଚାରୀଙ୍କ ସଂଖ୍ୟା କମ୍ ଥିବାରୁ ନିଆଁକୁ ଆୟତ୍ତ କରିବା ସମ୍ଭବ ହେଉନଥିବା ଜଣାପଡିଛି ।
