ମୁନିଗୁଡା ୨୪।୫: ରାୟଗଡା ଜିଲ୍ଲା ବିଷମକଟକ ବ୍ଲକର ବିଭିନ୍ନ ସ୍ଥାନରେ କାଳବୈଶାଖୀର ତାଣ୍ଡବ ଦେଖିବାକୁ ମିଳିଛି l ବୁଧବାର ଅପରାହ୍ନ ସମୟରେ ଘଡଘଡି ବର୍ଷା ସାଙ୍ଗକୁ ପ୍ରବଳ ବେଗରେ ପବନର   ବହିବା ଯୋଗୁଁ ଚାଟିକଣା ପଞ୍ଚାୟତରେ ଅନେକ ଘର ଓ ଦୋକାନର ଛାତ ଉଡିଯାଇଥିବା ବେଳେ ଅନେକ ସ୍ଥାନରେ ଗଛପଡି ରାସ୍ତା ଅବରୋଧ ହୋଇଥିବା ସହ ଗାଡି ଉପରେ ଗଛପଡି ଯାଇଥିବା ଦେଖିବାକୁ ମିଳିଛି l

{"id":791767,"width":737,"height":405,"sizeSlug":"full","linkDestination":"none"}

ରାସ୍ତାରେ ଗଛପଡି ଯାଇଥିବା ଯୋଗୁଁ ଗାଡି ଚଳାଚଳରେ ଆଂଶିକ ବାଧା ଦେଖାଦେଉଥିବା ଦେଖିବାକୁ ମିଳିଛି l ବିଷମକଟକ ଅଗ୍ନିଶମ ବାହିନୀ ବିଭିନ୍ନ ସ୍ଥାନରେ ପହଞ୍ଚି ରାସ୍ତାରେ ପଡିରହିଥିବା ଗଛକୁ କାଟି ଗଛ ଗୁଡିକୁ ହଟେଇବା କାର୍ଯ୍ୟ ଜାରି ରଖିଛି ।

{"id":791768,"width":738,"height":405,"sizeSlug":"full","linkDestination":"none"}

ଅନ୍ୟପଟେ ପ୍ରଗତି ସଂସ୍ଥାର ସାର ଗୋଦାମ ଗୃହର ଟିଣ ଛପର ଉଡାଇ ଲକ୍ଷାଧିକ ଟଙ୍କାର ସାର ନଷ୍ଟ ହୋଇଛି । ସେହିପରି ବିଷମକଟକ ଥାନା ବଡମଟକବାଡି ମଶାଣି ଆମ୍ବଗଛ ଠାରେ ବଜ୍ରପାତରେ ଜଣେ ଯୁବକଙ୍କ ମୃତ୍ୟୁ ଘଟିଛି l ଯୁବକ ଜଣଙ୍କ ଆମ୍ବ ତୋଳିବା ପାଇଁ ଜଙ୍ଗଲକୁ ଯାଇଥିବା ବେଳେ ବଜ୍ରପାତର ଶିକାର ହୋଇଛନ୍ତି । ମୃତ ଯୁବକ ଜଣଙ୍କ ବଡମଟକବାଡି ଗ୍ରାମର ଇନିସ କନ୍ଦପାଣି ବୋଲି ସୂଚନା ମିଳିଛି l