ମୁମ୍ଵାଇ ୧୩।୦୮: ଟିଭିର ଲୋକପ୍ରିୟ ଶୋ’ ତାରକ ମେହେତା କା ଓଲଟା ଚଷମା। ପ୍ରଶଂସକମାନେ ଏହି ଶୋ’କୁ ଦୀର୍ଘ ଦିନ ଧରି ଦେଖି ଆସୁଛନ୍ତି। ହେଲେ ଦୟାବେନ୍ ଶୋ’ ଛାଡିବା ପରେ ବି ଦିଶାଙ୍କ ଫେରିବା ପାଇଁ ଉତ୍ସାହର ସହିତ ଅପେକ୍ଷା କରିଥିଲେ । ତେବେ ନିର୍ମାତା ସ୍ପଷ୍ଟ କରିଥିଲେ ଯେ ଦିଶା ଶୋ’କୁ ଫେରି ନାହାଁନ୍ତି । କିନ୍ତୁ ଏକ ନୂଆ ଦୟା ବେନ୍ ଖୋଜୁଛନ୍ତି। ଅତୀତରେ, ଅନେକ ଅଭିନେତ୍ରୀଙ୍କ ନାମ ମଧ୍ୟ ସାମ୍ନାକୁ ଆସିଥିଲା । ହେଲେ କାହା ସହ ଡିଲ୍ ହୋଇପାରିଲା ନାହିଁ । ଏହି ସମୟରେ ଅନ୍ୟ ଜଣେ ଟିଭି ଅଭିନେତ୍ରୀଙ୍କ ନାମ ସାମ୍ନାକୁ ଆସିଛି ଯିଏ ଦୟା ବେନ୍ ଭୂମିକାରେ ଅଭିନୟ କରିପାରନ୍ତି।
ଗଣମାଧ୍ୟମ ରିପୋର୍ଟ ଅନୁଯାୟୀ, ତାରକ ମେହେତା ଶୋ’ରେ ଦୟା ବେନଙ୍କ ଭୂମିକା ପାଇଁ ଏକ ଚେହେରା ଦେଖିବାକୁ ମିଳିଛି। କୁହାଯାଉଛି ଯେ ଟିଭି ଅଭିନେତ୍ରୀ କାଜଲ ପିସାଲ ଏହି ଭୂମିକାରେ ଅଭିନୟ କରିପାରନ୍ତି। କାଜଲଙ୍କୁ ଶେଷ ଥର ପାଇଁ ସୋ 'ସିର୍ଫ ତୁମ୍'ରେ ଦେଖିବାକୁ ମିଳିଥିଲା। ଏବେ କୁହାଯାଉଛି ଯେ କାଜଲ ପିସାଲ ଦୟାବେନ ଭୂମିକାରେ ନଜର ଆସିବେ।
ତେବେ ଶୋ’ର ନିର୍ମାତା ଅସିତ ମୋଦୀ ଏକ ସାକ୍ଷାତକାରରେ କହିଛନ୍ତି ଯେ କାଜଲ ପିସାଲଙ୍କ ବିଷୟରେ ଆସୁଥିବା ଖବରରେ କୌଣସି ସତ୍ୟତା ନାହିଁ। ସେ କାଜଲଙ୍କୁ ମଧ୍ୟ ଜାଣନ୍ତି ନାହିଁ। କିମ୍ବା ଆମେ କେବେ ସାକ୍ଷାତ କରିନାହୁଁ । ଏଭଳି ପରିସ୍ଥିତିରେ କିଏ ଏହି ଗୁଜବ ପ୍ରଚାର କରୁଛି, ସେମାନେ ଜାଣନ୍ତି ନାହାନ୍ତି। ବର୍ତ୍ତମାନ ଏହି ଚରିତ୍ର ପାଇଁ ଅଡିସନ ଚାଲିଛି କିନ୍ତୁ କାହାକୁ ଚୂଡାନ୍ତ କରାଯାଇ ନାହିଁ। ଯେତେବେଳେ ଏହା ଘଟିବ, ଏହାର ଅଫିସିଆଲି ଆନାଉନସ୍ କରଯିବ ।
