scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ବାଙ୍ଗର ଜେଲରେ କଏଦୀ ଆତ୍ମହତ୍ୟା ଘଟଣା, ପୁଅକୁ ହତ୍ୟା କରାଯାଇଥିବା ଅଭିଯୋଗ ଆଣିଲେ ପରିବାର

13/08/2022 at 8:07 AM

ପୁରୀ ୧୩/୦୮: ପୁରୀ ବ୍ରହ୍ମଗିରି ବାଙ୍ଗର ଜେଲରେ କଏଦୀ ବିଶ୍ବନାଥର ଆତ୍ମହତ୍ୟାକୁ ନେଇ ହସ୍ପିଟାଲରେ ଉତ୍ତେଜନା । ଜେଲ୍ ଭିତରେ ପୁଅକୁ ହତ୍ୟା କରି ଆତ୍ମହତ୍ୟାର ରୂପ ଦିଆଯାଇଥିବା ଅଭିଯୋଗ କରିଛନ୍ତି ମୃତ ବିଶ୍ବନାଥଙ୍କ ମାଆ । ତେବେ ମୃତଦେହ ବ୍ୟବଚ୍ଛେଦ ପାଇଁ ସଦର ମୁଖ୍ୟ ଚିକିତ୍ସାଳୟରେ ମୃତଦେହ ଭର୍ତ୍ତି କରାଯାଇଥିବା ବେଳେ ପରିବାର ଲୋକେ ସେଠାରେ ଉତ୍ତେଜନା ମୂଳକ ପରିସ୍ଥିତି ସୃଷ୍ଟି କରିଥିଲେ।

ମୃତଦେହକୁ ହସ୍ପିଟାଲ ଆଉଟଡୋରରେ ରଖି ପରିବାର ଲୋକେ ବିକ୍ଷୋଭ ପ୍ରଦର୍ଶନ କରିଥିଲେ । ଘଟଣାସ୍ଥଳରେ ପୋଲିସ ପହଞ୍ଚି ବୁଝାସୁଝା କରୁଥିବା ବେଳେ ରାମଚଣ୍ଡୀ ଥାନା ସବ୍ ଇନ୍ସପେକ୍ଟରଙ୍କ ଗାଲକୁ ମୃତକଙ୍କ ମାଆ ଚାପୁଡା ମାରିଥିଲେ । ପରବର୍ତ୍ତୀ ସମୟରେ ପରିସ୍ଥିତି ଶାନ୍ତ ପଡିଥିଲା। ଗତକାଲି ବ୍ରହ୍ମଗିରି ଥାନା ଅନ୍ତର୍ଗତ ଶିଶାପୁର ଗାଁର ବିଶ୍ବନାଥ ବାରିକ ବାରଙ୍ଗ ଜେଲର ବାଥ୍ ରୁମ୍ ଘରେ ବେକରେ ଗାମୁଛା ଲଗାଇ ଆତ୍ମହତ୍ୟା କରିଥିଲେ।

ତେବେ କାହିଁକି ସେ ଆତ୍ମହତ୍ୟା କଲେ ତାହା ସ୍ପଷ୍ଟ ହୋଇନାହିଁ। ଦୁଷ୍କର୍ମ କରି ପୋସ୍କୋ ଆକ୍ଟରେ ବିଶ୍ଵନାଥ ଜେଲରେ ଥିବାବେଳେ କେଉଁ କାରଣରୁ ସେ ଆତ୍ମହତ୍ୟା କରିଛନ୍ତି ତାହା ସମସ୍ତଙ୍କୁ ସନ୍ଦେହ ସୃଷ୍ଟି କରିଛି। ବାଙ୍ଗର ଜେଲରେ ଏତେ କଡା ସୁରକ୍ଷା ଭିତରେ କଏଦୀ ଆତ୍ମହତ୍ୟା କରିବା ଘଟଣା ଜେଲ୍ ପୋଲିସ ଓ ସୁରକ୍ଷା ବ୍ୟବସ୍ଥାକୁ ନେଇ ପ୍ରଶ୍ନବାଚୀ ସୃଷ୍ଟି କରିଛି।

   Related Posts