Showcase2022
Showcase2022
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଠଗଡ: ହଟିଲା କଟକଣା, ନୂଆ ବର୍ଷରୁ ବାବା ଧବଳେଶ୍ୱରଙ୍କୁ ଦର୍ଶନ କରିବେ ଭକ୍ତ
  • ||
  • ଭୁବନେଶ୍ୱର: ସନ୍ଧ୍ୟା ସୁଦ୍ଧା ବାତ୍ୟାର ରୂପନେବ ଗଭୀର ଅବପାତ, ବର୍ଷାରେ ଭିଜିବ ଦକ୍ଷିଣ ଓଡିଶା
  • ||
  • ୧୭ ଜଣିଆ ରଣଜୀ ଟିମ୍ ଘୋଷଣା : ଶୁଭ୍ରାଂଶୁ ସେନାପତି ଅଧିନାୟକ, ୪ ନୂଆ ମୁହଁ
  • ||
  • ପୋଲିସକୁ ସଫଳତା, ନକଲି ସୁନା ଦେଇ ଋଣ କରି ୫୨ ଲକ୍ଷ ଟଙ୍କା ଠକେଇ ଘଟଣାର ପର୍ଦାଫାସ
  • ||
  • ଖଲ୍ଲିକୋଟ ଉଚ୍ଚ ବିଦ୍ୟାଳୟରେ ରାଗିଂ ଘଟଣା, ୭ ଛାତ୍ରଙ୍କୁ ବହିଷ୍କାର କଲେ ଅଧ୍ୟକ୍ଷ
  • ||

କାବୁଲ ସିରିଜ ବିସ୍ଫୋରଣ : ମୃତ୍ୟୁସଂଖ୍ୟା ୭୨କୁ ବୃଦ୍ଧି, ୧୪୦ ଆହତ

27/08/2021 at 7:35 AM

କାବୁଲ, ୨୭|୦୮:  କାବୁଲ ବିମାନ ବନ୍ଦର ନିକଟରେ ସିରିଜ୍ ବିସ୍ଫୋରଣ। ବିସ୍ପୋରଣରେ ମୃତ୍ୟୁ ସଂଖ୍ୟା ୭୨ କୁ ବୃଦ୍ଧି ପାଇଛି। ୧୪୦ ଜଣ ଆହତ ହୋଇଛନ୍ତି । ବିସ୍ଫୋରଣରେ ୧୨ ଆମେରିକୀୟ ଯବାନଙ୍କ ମୃତ୍ୟୁ ହୋଇଥିବା ବେଳେ ୩ଜଣ ଆହତ ହୋଇଛନ୍ତି । ଅତିକମରେ ୬୦ ଜଣ ଗୁରୁତର ଆହତ ଅବସ୍ଥାରେ ନିକଟସ୍ଥ ହସ୍ପିଟାଲରେ ଭର୍ତ୍ତି ହୋଇଛନ୍ତି।

କାବୁଲ ବିମାନବନ୍ଦର ଆବେ ଗେଟ୍ ନିକଟରେ ପ୍ରଥମ ବିସ୍ଫୋରଣ ହୋଇଥିବା ବେଳେ ପରେ ପରେ ଗୁଳି ଶବ୍ଦ ଶୁଭିଥିଲା। ପରେ ପରେ ବ୍ୟାରନ ହୋଟେଲ ନିକଟରେ ହୋଇଥିଲା ଆଉ ଏକ ବିସ୍ଫୋରଣ। ଆମେରିକାରୁ ଏୟାରଲିଫ୍ଟ ପାଇଁ ଅପେକ୍ଷାରେ ଥିବା କିଛି ଆମେରିକୀୟ ନାଗରିକ ଏହି ହୋଟେଲରେ ଏକାଠି ହୋଇଥିଲେ। ଏଣୁ ଏହି ବିସ୍ଫୋରଣରେ ଜଣେ ଆମେରିକୀୟ ନାଗରିକଙ୍କ ମୃତ୍ୟୁ ହୋଇଥିବା ପେଣ୍ଟାଗନ୍ ସ୍ପଷ୍ଟ କରିଛି। ତେବେ ୩ ଜଣ ଆମେରିକୀୟ ଆହତ ହୋଇଥିବା ଅନ୍ୟ ଏକ ସୂତ୍ରରୁ ଖବର ପ୍ରକାଶ ପାଇଛି। ତାଲିବାନ କାବୁଲ ଦଖଲ କରିବା ପରଠାରୁ ହମିଦ କାର୍ଜାଇ ବିମାନ ବନ୍ଦରରେ ହଜାର ହଜାର ଲୋକ ଏକାଠି ହେଉଥିଲେ।

ବିଭିନ୍ନ ଦେଶ ସେମାନଙ୍କ ନାଗରିକଙ୍କୁ ଏୟାରଲିଫ୍ଟ ପ୍ରକ୍ରିୟା ଜାରି ରଖିଥିବା ବେଳେ, ବହୁ ସଂଖ୍ୟାରେ ଆଫଗାନ ନାଗରିକ ଦେଶ ଛାଡ଼ିବା ପାଇଁ ମଧ୍ୟ ସେଠାରେ ଏକାଠି ହେଉଥିଲେ। ଏପରିକି ସେଠାରେ ବହୁବାର ଗୁଳିକାଣ୍ଡ ମଧ୍ୟ ଘଟିଥିଲା। ତେବେ ଗତ ରାତିରେ କାବୁଲ ବିମାନ ବନ୍ଦର ନିକଟରେ ଆତ୍ମଘାତୀ ବିସ୍ଫୋରଣ ହେବା ନେଇ ଆଲର୍ଟ ଦେଇଥିଲା ବ୍ରିଟେନ ଏବଂ ଆମେରିକା । ପରେ ପରେ ଅଷ୍ଟ୍ରେଲିଆ ସମେତ ଅନେକ ଦେଶ ନିଜ ନିଜ ନାଗରିକଙ୍କୁ କାବୁଲ ବିମାନ ବନ୍ଦର ନିକଟକୁ ନ ଆସିବା ଲାଗି ଆଲର୍ଟ ଜାରି କରିଥିଲେ। ଗୁଇନ୍ଦା ସୂଚନା ଆସିବାର ମାତ୍ର କେଇ ଘଣ୍ଟା ମଧ୍ୟରେ ବିମାନ ବନ୍ଦର ନିକଟରେ ବିସ୍ଫୋରଣ ଘଟିଥିଲା। ଏହା ପରେ ପରେ ଫ୍ରାନସ ରାଷ୍ଟ୍ରଦୂତଙ୍କ ନିକଟକୁ ଦ୍ବିତୀୟ ବିସ୍ଫୋରଣ ସୂଚନା ଆସିଥିବା ନେଇ ସେ ଟ୍ବିଟ କରି ଜଣାଇଥିଲେ।

ବିସ୍ଫୋରଣ ପରେ ସେଠାରେ ଧାଁ ଦଉଡ଼ ଓ ଦଳାଚକଟା ମଧ୍ୟ ହୋଇଯାଇଥିଲା। ବିମାନ ବନ୍ଦରରେ ଆତଙ୍କବାଦୀ ଆକ୍ରମଣ କରିଛନ୍ତି ବୋଲି ଘୋଷଣା କରିଛି ତାଲିବାନ। ତେବେ ଆଫଗାନ ବିରୋଧୀ ଶକ୍ତି କିମ୍ବା ଆଇ.ଏସ.ଆଇ.ଏସ ଆଡ଼କୁ ଇସାରା କରିଛି ତାଲିବାନ। ଆଇ.ଏସ.ଆଇ.ଏସ.ର ଆଫଗାନିସ୍ତାନ ଶାଖା ଚଳାଉଥିବା ଆଇ.ଏସ.କେ. ବିସ୍ଫୋରଣ ଘଟାଇବା ନେଇ ଧମକ ମଧ୍ୟ ଦେଇଥିଲା। ବିସ୍ଫୋରଣ ପରେ ବ୍ରିଟେନ ଓ ଫ୍ରାନ୍ସ ଜରୁରୀ ବୈଠକ ଡାକି ସ୍ଥିତିର ସମୀକ୍ଷା କରିଛନ୍ତି।

   Related Posts