ଭଦ୍ରକ ୧୪/୦୨: ଭଉଣୀ ଓ ଭିଣୋଇଙ୍କ ସହ କୀର୍ତ୍ତନ ଦେଖିବା ପାଇଁ ଆସିଥିଲେ । କିନ୍ତୁ ସେହିଠାରୁ ନିଖୋଜ ହୋଇଯାଇଥିଲେ । ସକାଳୁ ଝୁଲନ୍ତା ଅବସ୍ଥାରେ ଗଛରୁ ଯୁବତୀଙ୍କ ମୃତଦେହ ଉଦ୍ଧାର ହୋଇଛି । ମୃତ ଯୁବତୀ ଜଣକ ହେଲେ ଭଦ୍ରକ ଜିଲ୍ଲା ତିହିଡି ଥାନା ଅଧିନ ଗୋପସାହି ଗ୍ରାମର ପୁଷ୍ପାଞ୍ଜଳି ସାହୁ ।

ସୂଚନା ଅନୁଯାୟୀ, ଯୁବତୀ ଜଣକ ଅଷ୍ଟପ୍ରହରୀ ସଂକୀର୍ତ୍ତନ ଦେଖିବାକୁ ଯାଇଥିବା ବେଳେ ଆଉ ଘରକୁ ଫେରିନଥିଲେ । ଘର ଲୋକ ବହୁ ଖୋଜାଖୋଜି କରିବା ପରେ ତିହିଡି ଥାନା ଅନ୍ତର୍ଗତ ବୁଧୁପୁର ନିକଟ ରାସ୍ତାକଡରେ ଥିବା ଗଛରୁ ସନ୍ଦେହ ଜନକ ଅବସ୍ଥାରେ ଝୁଲନ୍ତା ମୃତ ଶରୀର ଦେଖିଥିଲେ । ଏନେଇ ପୋଲିସକୁ ଖବର ଦେବା ପରେ ତିହିଡି ପୋଲିସ ଘଟଣା ସ୍ଥଳରେ ପହଞ୍ଚି ଅଧିକ ତଦନ୍ତ ଚଳାଇଛି । ପରିବାର ଲୋକ ହତ୍ୟା ଅଭିଯୋଗ ଆଣିଥିବା ବେଳେ, ଏହା ହତ୍ୟା ନା ଆତ୍ମହତ୍ୟା ପୋଲିସ ତଦନ୍ତ ପରେ ସ୍ପଷ୍ଟ ସୂଚନା ଆସିବ ।