ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମିଶନ୍‌ ଶକ୍ତିକୁ ନେଇ ମୁଖ୍ୟମନ୍ତ୍ରୀଙ୍କ ବଡ଼ ଘୋଷଣା, ବଢ଼ିଲା ଋଣ ପରିମାଣ
  • ||

ହାତରେ ଚକୋଲେଟ୍ ଧରି ଚାକିରି ଖୋଜା, ଦୁବାଇ ଟ୍ରାଫିକ୍ ପୋଷ୍ଟ୍ ନିକଟରେ ଅଭିନବ ଉପାୟରେ ଜବ୍ ପାଇଁ ଗୁହାରି, ସିଭିରେ ଟଫି ଯୋଡ଼ି ବାଣ୍ଟିଲେ ଯୁବକ

10/11/2022 at 8:37 PM

ନୂଆଦିଲ୍ଲୀ: ଟ୍ରାଫିକ୍ ସିଗ୍‌ନାଲ ନିକଟରେ ଚାକିରି ଖୋଜା। ପ୍ରତି ସିଭିରେ ଯୋଡ଼ାଯାଇଛି ଚକୋଲେଟ୍ । ଲୋକଙ୍କୁ ବାୟୋଡାଟା ଦେବା ସହିତ ଚକୋଲେଟ୍‌ର ଗୋଟିଏ ଛୋଟ ବାର୍ ଦେଉଛନ୍ତି। ଏଭଳି ଅଭିନବ ଉପାୟରେ ଚାକିରି ଖୋଜୁଛନ୍ତି ଦୁବାଇର ଜଣେ ଯୁବକ । ମାରିନା ଟ୍ରାଫିକ୍ ସିଗ୍‌ନାଲ ନିକଟରେ ଛିଡ଼ା ହୋଇ ଚାକିରି ପାଇଁ ଲୋକଙ୍କୁ ଗୁହାରି କରିବା ସହିତ ନିଜର ସିଭି ଓ ଟଫି ଦେଉଛନ୍ତି ।

ଅଭିନବ ଉପାୟରେ ଚାକିରି ଖୋଜୁଛନ୍ତି ଦୁବାଇର ଯୁବକ । ଚାକିରି ଚାଲିଯିବା ଓ ବିଭିନ୍ନ ରୋଜଗାର ଓ୍ବେବସାଇଟ୍‌ରୁ ଜବ୍ ଖୋଜି ବିଫଳ ହେବା ପରେ ନିରାଶ ନହୋଇ ନୂଆ ଉପାୟ ଆପଣାଇଛନ୍ତି ନଓ୍ବାର ମୌଖାଲଲାତି । ମାରିନା ଟ୍ରାଫିକ୍ ପୋଷ୍ଟ୍ ନିକଟରେ ଛିଡ଼ା ହୋଇ ଚାକିରି ପାଇଁ ସମସ୍ତଙ୍କୁ ଗୁହାରି କରୁଛନ୍ତି । ନିଜର ବାୟୋଡାଟାରେ ଚକୋଲେଟ୍ ଯୋଡ଼ି ବାଣ୍ଟିବା ଆରମ୍ଭ କରିଦେଇଛନ୍ତି । ଚାକିରି ଖୋଜିବାରେ ସହଯୋଗ କଲେ ମୁଁ ଆପଣଙ୍କ ନିକଟରେ କୃତଜ୍ଞ ରହିବି ବୋଲି ନୋଟ୍ ପ୍ୟାଡ୍‌ରେ ଉଲ୍ଲେଖ କରିଛନ୍ତି ।

ଲିଓ୍ବନ ଦୁବାଇର ରିପୋର୍ଟ ଅନୁଯାୟୀ, ନଓ୍ବାର ମୌଖାଲଲାତି ନିଜ ସିଭିରେ ଅଲ୍ ଜରକା ବିଶ୍ବବିଦ୍ୟାଳୟରୁ ମାର୍କେଟିଂରେ ମାଷ୍ଟର ଡିଗ୍ରୀ କରିଥିବା ଉଲ୍ଲେଖ କରିଛନ୍ତି । ପାଠପଢ଼ା ସରିବା ପରେ ଏକ କମ୍ପାନୀରେ ସେଲ୍ସ ମ୍ୟାନ୍ ଭାବେ ଚାକିରି କରୁଥିଲେ ଏବଂ  ବିଭିନ୍ନ ବ୍ୟବସାୟିକ କ୍ଷେତ୍ରରେ ଅଭିଜ୍ଞତା ରହିଛି ବୋଲି ଉଲ୍ଲେଖ କରିଛନ୍ତି । ଲିଙ୍କ୍‌ଡେନ୍‌ରୁ ଚାକିରି ଖୋଜି ଅସଫଳ ହେବା ପରେ ଏଭଳି ଉପାୟ ଆପଣାଇଛି ବୋଲି ନଓ୍ବାର ଏକ ପୋଷ୍ଟରେ ଲେଖିଛନ୍ତି । ଏହା ସହିତ ଶୀଘ୍ର କାମ ମିଳିଯିବା ନେଇ ଆଶା ମଧ୍ୟ ରଖିଛନ୍ତି ।    

ସେପଟେ ଯୁବକଙ୍କ ଏପରି ଭିନ୍ନ ତରିକାକୁ ସମସ୍ତେ ପସନ୍ଦ କରିଛନ୍ତି । ସୋସିଆଲ ମିଡିଆ ମାଧ୍ୟମରେ ନଓ୍ବାରଙ୍କୁ ଚାକିରି ଦେବାକୁ ବିଭିନ୍ନ କମ୍ପାନୀମାନଙ୍କୁ ନିବେଦନ କରିଛନ୍ତି । ମାକେର୍ଟିଂରେ ଯୁବକ କମ୍ପାନୀ ପାଇଁ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରିବେ ବୋଲି ପୋଷ୍ଟରେ ଲେଖିଛନ୍ତି । ଅନ୍ୟଜଣେ ମଧ୍ୟ ନଓ୍ବାରଙ୍କୁ ସହଯୋଗର ହାତ ବଢ଼ାଇଛନ୍ତି । ସିଭିକୁ ମାର୍କେଟିଂ କମ୍ପାନୀମାନଙ୍କୁ ପଠାଇଥିବା ପୋଷ୍ଟରେ କହିଛନ୍ତି । ତେବେ ଚାକିରି ପାଇଁ ଦୁବାଇ ଯୁବକଙ୍କ ଏଭଳି ଅଭିନବ ପ୍ରୟାସକୁ ସମସ୍ତେ ପସନ୍ଦ କରିଛନ୍ତି ।

   Related Posts