scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

‘ନମୋ ଷ୍ଟାଡିୟମର ପିଚ୍ ଖେଳିବା ଉପଯୋଗୀ ଥିଲା ନା ନାହିଁ ଆଇସିସି ନିଷ୍ପତ୍ତି ନେବ’, ପରାଜୟ ପରେ ଏମିତି କହିଲେ ଜୋ ରୁଟ୍…

26/02/2021 at 11:06 AM

ଅହମ୍ମଦାବାଦ, ୨୬/୦୨ :   ଅହମ୍ମଦାବାଦ ଟେଷ୍ଟରେ ଇଂଲଣ୍ଡ ଭାରତଠୁ ୧୦ ଓ୍ୱିକେଟରେ ପରାସ୍ତ ହୋଇଛି । ପରାଜୟ ପରେ ଅଧିନାୟକ ଜୋ ରୁଟ ଷ୍ଟାଡିୟମର ପିଚ୍ ଟେଷ୍ଟ ଖେଳିବାକୁ ଅନୁକୂଳ ନା ନାହିଁ ତାହା ଆଇସିସି ନିଷ୍ପତ୍ତି ନେବ ବୋଲି କହିଛନ୍ତି । ଇଂଲଣ୍ଡ ଉଭୟ ପାଳିରେ ବହୁତ କମ୍ ରନରେ ଅଲଆଉଟ୍ ହୋଇଯାଇଥିଲା । ପ୍ରଥମ ପାଳିରେ ଭ୍ରମଣକାରୀ ଦଳ ୧୧୨ ଓ ଦ୍ୱିତୀୟ ପାଳିରେ ୮୧ ରନ୍ କରିଥିଲା ।

ଭାରତ ୧୦ ଓ୍ୱିକେଟରେ ମ୍ୟାଚ୍ ଜିତିଥିଲା । କିନ୍ତୁ ରୁଟ୍ ପିଚକୁ ଏଥିପାଇଁ ଦୋଷ ଦେଇନଥିଲେ । ତେବେ ସେ କହିଛନ୍ତି ଯେ, ଏହି ପିଚ୍ ଟେଷ୍ଟ ଅନୁକୂଳ ନା ନାହିଁ ତାହା ଆଇସିସି ବିଚାର କରିବ । ଏହି ପିଚ୍ ବହୁତ ଚ୍ୟାଲେଞ୍ଜିଂ । ବ୍ୟାଟସମ୍ୟାନଙ୍କ ପାଇଁ ଏହା ବହୁତ କଠିନ ଥିଲା । ଖେଳାଳି ଭାବେ ସେମାନେ ସବୁ ପରିସ୍ଥିତିର ମୁକାବିଲା କରିଛନ୍ତି । ସର୍ବଶ୍ରେଷ୍ଠ ପ୍ରଦର୍ଶନ କରିଛନ୍ତି । ତାଙ୍କ ଦଳ ପ୍ରଥମ ଇନିଂସରେ ବଡ ସ୍କୋର କରିବାର ସୁଯୋଗ ହରାଇଥିଲା । ଯାହା ସମ୍ଭବ ଥିଲା ।

ସେ ଆହୁରି ମଧ୍ୟ କହିଛନ୍ତି ଯେ, ସେ ପ୍ରଥମ ଇନିଂସରେ ସୁଯୋଗକୁ ହାତଛଡା କରିଥିଲେ । ଦଳର ସ୍କୋର ଗୋଟିଏ ସମୟରେ ୭୪ ରନରେ ୨ ଓ୍ୱିକେଟ ଥିଲା । ବଡ ସ୍କୋର ହୋଇପାରିଥାନ୍ତା ବୋଲି ସେ କହିଛନ୍ତି ।

ତେବେ ଭାରତୀୟ ଦଳର ଅଧିନାୟକ ବିରାଟ କୋହଲି ଦଳର ବ୍ୟାଟିଂକୁ ନେଇ ଚିନ୍ତା ପ୍ରକାଶ କରିଛନ୍ତି । କୋହଲି କହିଛନ୍ତି ଯେ, ଉଭୟ ଦଳ ବ୍ୟାଟିଂରେ ଶ୍ରେଷ୍ଠ ପ୍ରଦର୍ଶନ କରିପାରି ନାହାଁନ୍ତି । ବ୍ୟାଟସମ୍ୟାନଙ୍କ ପାଖରେ ସ୍କିଲର ଅଭାବ ଥିବା ଦେଖିବାକୁ ମିଳିଥିଲା । ପ୍ରଥମ ଇନିଂସରେ ବ୍ୟାଟିଂ କରିବା ପାଇଁ ଭଲ ସୁଯୋଗ ଥିଲା । ଉଭୟ ଦଳ ଖରାପ ବ୍ୟାଟିଂ କରିଥିବା ସ୍ୱୀକାର କରିଛନ୍ତି କୋହଲି ।

   Related Posts