ନୂଆଦିଲ୍ଲୀ, ୧୩|୦୯ ଗୁଜୁରାଟର ଦଳିତ ନେତା ତଥା ବଡଗାମ ଆସନର ବିଧାୟକ ଜିଗ୍ନେଶ ମେଓ୍ୱାନୀଙ୍କୁ ଆକ୍ରମଣ । ଅହମ୍ମଦାବାଦରେ ଏକ ଜନସଭାକୁ ସମ୍ବୋଧନ ବେଳେ ତାଙ୍କୁ ଆକ୍ରମଣ କରାଯାଇଥିବା ଅଭିଯୋଗ ହୋଇଛି । ତେବେ ତାଙ୍କୁ ଆକ୍ରମଣ କରିଥିବା ବ୍ୟକ୍ତି ପୂର୍ବତନ ଗୃହମନ୍ତ୍ରୀ ପ୍ରଦୀପ ସିଂ ଜାଡେଜାଙ୍କ ସମ୍ପର୍କୀୟ ବୋଲି କୁହାଯାଉଛି ।
ସୂଚନାନୁସାରେ, ଅହମ୍ମଦାବାଦର ବସ୍ତ୍ରାଳରେ ଏକ ଜନସଭାକୁ ସମ୍ବୋଧନ କରୁଥିଲେ ଜିଗ୍ନେଶ । ସେଠାରେ କଂଗ୍ରେସ ନେତା ହିତେନ୍ଦ୍ର ପିଥାଡିଆ ମଧ୍ୟ ଉପସ୍ଥିତ ଥିଲେ । ହିତେନ୍ଦ୍ର ଦାବି କରିଛନ୍ତି ଯେ, ସେମାନଙ୍କୁ ଜଣେ ପୂର୍ବତନ ମନ୍ତ୍ରୀଙ୍କ ପାଖ ଲୋକ ଆକ୍ରମଣ କରିଥିଲେ । ଏହାସହ ସଭାକୁ ଭଣ୍ଡୁର କରିବା ପାଇଁ ଉଦ୍ୟମ ହୋଇଥିଲା । ପୋଲିସ ଉପସ୍ଥିତିରେ ଏହି ଆକ୍ରମଣ କରାଯାଇଥିବା ମଧ୍ୟ ସେ ଅଭିଯୋଗ କରିଛନ୍ତି । ଆହୁରି ମଧ୍ୟ ସେ ରାଜ୍ୟର ଆଇନବ୍ୟବସ୍ଥାକୁ ଅଙ୍ଗୁଳି ନିର୍ଦ୍ଦେଶ କରିଛନ୍ତି ।
wp:html/wp:htmlवस्त्राल के नर्मदा अपार्टमेंट में @jigneshmevani80 व हमारी सभा चल रही थी, सभा में पूर्व गृह मंत्री @PradipsinhGuj के आदमी लाभु देसाई द्वारा हमला किया गया और सभा बर्खास्त करने के लिए जबरजस्ती की गई। पुलिस की उपस्थिति में हुआ ये हमला, गुजरात में क़ानून व्यवस्था की स्थिति दर्शाता है pic.twitter.com/tNK5FKs9iI
— Hitendra Pithadiya हितेंद्र હિતેન્દ્ર ہٹندر 🇮🇳 (@HitenPithadiya) September 12, 2022
ଘଟଣାକୁ ନେଇ ଜିଗ୍ନେଶ ମେଓ୍ୱାନୀ କହିଛନ୍ତି ଯେ, ପୋଲିସ ଉପସ୍ଥିତିରେ ତାଙ୍କୁ ଆକ୍ରମଣ କରାଯାଇଛି । ଆକ୍ରମଣକାରୀ ପୂର୍ବତନ ଗୃହମନ୍ତ୍ରୀଙ୍କ ଖାସ୍ ଲୋକ । ପୂର୍ବତନମନ୍ତ୍ରୀଙ୍କ ମଧ୍ୟ ଏହା ପଛରେ ହାତ ରହିଛି । ଏହାକୁ ସେ ନିନ୍ଦା କରିଛନ୍ତି ।
ସୂଚନାଯୋଗ୍ୟ, ସୋମବାର ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ୱାଲ ଜଣେ ଅଟୋଚାଳକଙ୍କ ନିମନ୍ତ୍ରଣ ରକ୍ଷା କରି ତାଙ୍କ ଘରକୁ ବାହାରିଥିଲେ । କିନ୍ତୁ ଗୁଜୁରାଟ ପୋଲିସ ସୁରକ୍ଷାକାରଣରୁ ଅଟୋରେ ଯିବାକୁ ତାଙ୍କୁ ବାରଣ କରିଥିଲା । ଯାହାକୁ ନେଇ ରାସ୍ତାରେ ଜୋରରେ ହଙ୍ଗାମା ହୋଇଥିଲା ।
