scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଶେଷରେ କଂଗ୍ରେସ ଛାଡିଲେ ଝାରସୁଗୁଡା ବିଧାୟକ ନବ କିଶୋର ଦାସ ; ନିରଞ୍ଜନ କହିଲେ ଯାହାର ଯେଉଁଠି ସ୍ବାର୍ଥ ସେ ଦଳବଦଳ କରୁଛି

16/01/2019 at 2:22 PM

ଭୁବନେଶ୍ବର ୧୬|୧: ଶେଷରେ କଂଗ୍ରେସ ଛାଡିଲେ ଝାରସୁଗୁଡା ବିଧାୟକ ନବ କିଶୋର ଦାସ । ଦୁଇ ଦିନ ତଳେ ସେ କଂଗ୍ରେସ ଛାଡି ଆସନ୍ତା ୨୪ତାରିଖ ଦିନ ବିଜେଡିରେ ଯୋଗ ଦେଉଥିବା ସ୍ପଷ୍ଟ କରିଥିଲେ । ଗତ କିଛି ଦିନ ହେଲା ନବକିଶୋର ଦାସ କଂଗ୍ରେସ ଛାଡିବେ ବୋଲି ଚର୍ଚ୍ଚା ହେଉଥିଲା । କିନ୍ତୁ ନବ ବାରମ୍ବାର କହୁଥିଲେ ଯେ, ସେ କଂଗ୍ରେସ ଛାଡିବେ ନାହିଁ । ବରଂ ୨୦୧୯ ନିର୍ବାଚନରେ ସେ ହାତ ଚିହ୍ନରେ ହିଁ ଲଢିବେ । ଏଭଳି ମନ୍ତବ୍ୟ ଦେବାର ୨୪ଘଣ୍ଟା ନପୁରୁଣୁ ବିଜେଡିରେ ଯୋଗଦେବା ନେଇ ନବ ଝାରସୁଗୁଡା ଜିଲ୍ଲା ବିଭିନ୍ନ କର୍ମୀ ସମ୍ମିଳନୀରେ ଆଲୋଚନା କରୁଥିବା କଥା ପଦାକୁ ଆସିଥିଲା । ଏହାପରେ ନବ ଦାସ ବାଧ୍ୟ ହୋଇ ଗଣମାଧ୍ୟମକୁ ସେ ବିଜେଡିରେ ଯୋଗଦେବା ପାଇଁ ମନସ୍ତ କରିଥିବା ପ୍ରକାଶ କରିଥିଲେ । କର୍ମୀ ଓ ଭୋଟରଙ୍କ ମତାମତ ନେଇ ସେ ଏଭଳି ପଦକ୍ଷେପ ନେଇଥିବା କହିଥିଲେ ।

ଆସନ୍ତା ୨୪ତାରିଖ ଦିନ ମୁଖ୍ୟମନ୍ତ୍ରୀ ଝାରସୁଗୁଡାଠାରେ କ୍ୟାନସର ହସ୍ପିଟାଲର  ଶିଳାନ୍ୟାସ ସହ ବିଭିନ୍ନ ପ୍ରକଳ୍ପର ଉଦଘାଟନ କାଯ୍ୟକ୍ରମ ରହିଛି । ଏହି ସମୟରେ ନବ ନିଜ ସମର୍ଥକଙ୍କ ସହ ବିଜେଡିରେ ଆନୁଷ୍ଠାନିକ ଭାବେ ଯୋଗଦେବେ । ନବଙ୍କ ପରେ ପରେ ସୁନ୍ଦରଗଡ ବିଧାୟକ ଯୋଗେଶ ସିଂ, ସାଲେପୁର ବିଧାୟକ ପ୍ରକାଶ ବେହେରା ମଧ୍ୟ ବିଜେଡିରେ ଯୋଗଦେବା ପାଇଁ ପ୍ରକ୍ରିୟା ଚାଲିଥିବା ସୂଚନା ମିଳିଛି । ଏପରିକି ତଳସରା ବିଧାୟକ ପ୍ରଫୁଲ୍ଲ ମାଝୀ ମଧ୍ୟ କଂଗ୍ରେସ ଛାଡି ବିଜେଡିରେ ଯୋଗଦେବା ନେଇ ଚର୍ଚ୍ଚା ଚାଲିଥିଲା । କିନ୍ତୁ ଆଜି ପ୍ରଫୁଲ୍ଲ ଏଭଳି ସମ୍ଭାବନାକୁ ଅସ୍ବୀକାର କରିଛନ୍ତି ।

ଅପରପକ୍ଷରେ ନବ ଦାସ ଦଳ ଛାଡିବା ନେଇ ଚର୍ଚ୍ଚା ହେଉଥିବା ବେଳେ ପିସିସି ସଭାପତି ନିରଞ୍ଜନ ପଟ୍ଟନାୟକ କହିଥିଲେ ଯେ, ଯାହାର ଦଳ ଛାଡିବା କଥା ସେ ଶୀଘ୍ର ଦଳ ଛାଡନ୍ତୁ । ତେବେ ଆଜି ନବ ଦାସ ଇସ୍ତଫା ଦେବା ପରେ ପିସିସି ସଭାପତି କହିଛନ୍ତି ଯେ, ଏ ଖବର ଶୁଣି ସେ ଅତ୍ୟନ୍ତ ଦଃଖିତ । ରାଜନୀତିର ବ୍ୟବସାୟୀକରଣ ହୋଇସାରିଲାଣି । ଯେଉଁ ଦଳରୁ ଯାହାକୁ ଫାଇଦା ମିଳୁଛି ସେ ଦଳକୁ ସେ ଯାଉଛି । ଆଦର୍ଶର ରାଜନୀତି ଆଉ ନାହିଁ ବୋଲି ନିରଞ୍ଜନ କ୍ଷୋଭର ସହ ପ୍ରକାଶ କରିଛନ୍ତି ।

ନବ ଦାସ ତାଙ୍କ ଇସ୍ତଫା ପତ୍ର ଏଆଇସିସି ଅଧ୍ୟକ୍ଷ ରାହୁଲ ଗାନ୍ଧିଙ୍କ ପାଖକୁ ପଠାଇ ଦେଇଥିବା ସୂଚନା ଦେଇଛନ୍ତି ।

   Related Posts