ଝାରସୁଗୁଡା ୨୨/୧୦ : ଝାରସୁଗୁଡା ସହରରେ ହୋଇଛି ଚୋରୀ | ସହରର ମାରୱାଡିପଡାରେ ଥିବା ଏକ ଫଳ ଗୋଦାମର ପଛ କବାଟ ଭାଙ୍ଗି ଚୋର ମାନେ ଚୋରୀ କରିନେଇଛନ୍ତି ନଗଦ ସାଢେ ୪ ଲକ୍ଷ ଟଙ୍କା | ଫଳଗୋଦାମ ମାଲିକ ମେଘନାଦ ଗୁପ୍ତା ବ୍ୟବସାୟୀ ମାନଙ୍କ ଠାରୁ ଆଦାୟ କରିଥିବା ସାଢେ ୪ ଲକ୍ଷ ଟଙ୍କା ଗତ ରାତିରେ ଗୋଦାମରେ ଛାଡି ଘରକୁ ଯାଇଥିଲେ | ଆଜି ସକାଳୁ ତାଙ୍କ କର୍ମଚାରୀ ମାନେ ଆସି ଗୋଦାମ କବାଟ ଭଙ୍ଗାଯାଇଥିବା ଦେଖି ମାଲିକଙ୍କୁ ଖବର ଦେବା ପରେ ମେଘନାଦ ଆସି ଦେଖିଲା ବେଳକୁ ଟଙ୍କା ଗାଏବ ହୋଇଯାଇଛି | ଖବରପାଇ ଝାରସୁଗୁଡା ଟାଉନ୍ ଥାନା ପୋଲିସ ଘଟଣାସ୍ଥଳରେ ସାଇଣ୍ଟିଫିକ୍ ଟିମ ସହ ପହଞ୍ଚି ତଦନ୍ତ ଆରମ୍ଭ କରିଛି |