ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଠମଲ୍ଲିକ: ଦନ୍ତା ହାତୀର ମୃତଦେହ ଠାବ, ଶରୀରରେ ରହିଛି ଅନେକ କ୍ଷତଚିହ୍ନ
  • ||
  • ସମ୍ୱଲପୁର: ଜଳିଗଲା ଘରୋଇ ବସ୍ ନାଗରାଜ୍, ଅଳ୍ପକେ ବର୍ତ୍ତିଗଲେ କଣ୍ଡକ୍ଟର
  • ||
  • ବୌଦ୍ଧ: ନାଳରୁ ବ୍ୟାଙ୍କ୍ କର୍ମଚାରୀଙ୍କ ମୃତଦେହ ଉଦ୍ଧାର, ପାଖରେ ପଡିଛି ବାଇକ ଓ ମଦବୋତଲ
  • ||
  • ଭୁବନେଶ୍ୱର: ବରିଷ୍ଠ ଅଭିନେତ୍ରୀଙ୍କ ବିୟୋଗରେ ମୁଖ୍ୟମନ୍ତ୍ରୀଙ୍କ ଶୋକ
  • ||
  • ଭଦ୍ରକ: ଭୟାବହ ଅଗ୍ନିକାଣ୍ଡରେ ଜଳିଗଲା ୧୫ ବଖରା, ୨ ଗୋ-ମାତା ଜୀବନ୍ତ ଦଗ୍ଧ
  • ||
  • କଟକ: ବରିଷ୍ଠ ଅଭିନେତ୍ରୀ ଝରଣା ଦାସଙ୍କ ପରଲୋକ, ୮୨ ବର୍ଷ ବୟସରେ ଦେହାନ୍ତ
  • ||

ବସ୍‌ରୁ ଡେଇଁ ଝାଡଖଣ୍ଡର ମହିଳା ସୋରରୁ ନିଖୋଜ

29/11/2019 at 11:46 AM

ସୋର ୨୯।୧୧: ଝାଡଖଣ୍ଡର ଜଣେ ମହିଳା ବିଳମ୍ବିତ ରାତିରେ ବସରୁ ଡେଇଁ ନିଖୋଜ ହୋଇଯାଇଛନ୍ତି । ଗତ ୧୩ ତାରିଖରେ ଘଟଣା ଘଟିବା ଦିନରୁ ସ୍ବାମୀ ଖୋଜୁଥିବା ବେଳେ ମହିଳାଙ୍କର ପତ୍ତା ମିଳିପାରି ନାହଁ ।

ଝାଡଖଣ୍ଡ ଧାନବାଦ ଜିଲ୍ଲା ବାଲିଆ ଥାନାର ଚାଲଧୂଆ ଗ୍ରାମର ବିଶ୍ବନାଥ ମୁର୍ମୁଙ୍କ ସ୍ତ୍ରୀ ଶାନ୍ତିଦେବୀ ଓ ଛଅ ବର୍ଷର ଝିଅ ଇସ୍ତ୍ରୀ କୁମାରୀଙ୍କ ସହ ଗତ ୧୦ ତାରିଖରେ ଗାଁରୁ କଟକର ଏକ ଘରୋଇ ଡାକ୍ତରଖାନାକୁ ଝିଅର ଗ୍ରହଣଖଣ୍ଡିଆ ଚିକିତ୍ସା କରାଇବାକୁ ଆସିଥିଲେ । ପୂର୍ବରୁ ଧାନବାଦ ଆମଟାଲ ଅଞ୍ଚଳର ଏଜେଣ୍ଟ ପ୍ରଦୀପ ରାଓବାନୀଙ୍କ ସହ ଚିକିତ୍ସା ନିମନ୍ତେ ଯୋଗାଯୋଗ ହୋଇଥିଲା । କୌଣସି କାରଣରୁ ଝିଅର ଗ୍ରହଣ ଖଣ୍ଡିଆ ଚିକିତ୍ସା ନହେବାରୁ ସ୍ତ୍ରୀ ଓ ଝିଅ ସହ ୧୧ ତାରିଖ ରାତିରେ କଟକ ବସଷ୍ଟାଣ୍ଡରୁ ଟାଟାବସ୍ ଯୋଗେ ଫେରୁଥିଲେ । ବସଟି ବିଳମ୍ବିତ ରାତିରେ ସୋର ଦହିସଡାଠାରେ ଯାତ୍ରୀମାନେ ପରିସ୍ରା କରିବାକୁ ଅଟକିଥିଲା । ବିଶ୍ବନାଥ ବସରୁ ଓହ୍ଲାଇ ପରିସ୍ରା କରିବାକୁ ଯାଇଥିବା ବେଳେ ସ୍ତ୍ରୀ ଶାନ୍ତିଦେବୀ ବସ୍ ଝରକା ଦେଇ ଡେଇଁ ପଳାଇ ଯାଇଥିବାର ବସ୍ ଡ୍ରାଇଭର କହିଥିଲେ । 

ବିଶ୍ବନାଥ ବସ୍ ଡ୍ରାଇଭର, କର୍ମଚାରୀ ଓ ବସଯାତ୍ରୀ ରାତିରେ ସେଠାରେ ଖୋଜାଖୋଜି କରିଥିଲେ ବି ତାଙ୍କର କୌଣସି ଖୋଜଖବର ମିଳିନଥିଲା । ବସ୍ ସେଠାରୁ ଚାଲିଯିବାରୁ ବିଶ୍ବନାଥ ତାଙ୍କୁ ଖୋଜାଖୋଜି କରି ସେହି ରାତିରେ ଏକ ହୋଟେଲରେ ପହଞ୍ଚଥିଲେ । ସେଠାରୁ ଥାନାକୁ ଯାଇ ଅଭିଯୋଗ କରିବାରୁ ବାଲିଆପୁର ଥାନା ସୋର ଥାନାକୁ ଶାନ୍ତିଦେବୀ ନିଖୋଜ ଅଭିଯୋଗ ଜଣାଇଥିଲା । ସୋର ପୋଲିସ ବିଭିନ୍ନ ସ୍ଥାନରେ ଖୋଜିଥିଲେ ମଧ୍ୟ ଶାନ୍ତିଙ୍କର କୌଣସି ଖବର ମିଳିନାହଁ।  ଝାଡଖଣ୍ଡ ସିନ୍ଧିର ବିଧାନସଭାକ୍ଷେତ୍ରର ବିଧାୟକ  ଫୁଲଚାନ୍ଦ ମଣ୍ଡଳ ସୋର ପୋଲିସକୁ ତଦନ୍ତ କରିବାକୁ ପତ୍ର ମାଧ୍ୟମରେ ଜଣାଇଛନ୍ତି ।

   Related Posts