ରାଞ୍ଚୀ ୨୧।୯: ଝାଡ଼ଖଣ୍ଡ ସରକାର ତାଙ୍କ କର୍ମଚାରୀଙ୍କୁ ନୂଆ ଓ ପୂରୁଣା ପେନସନ୍ ଯୋଜନା ଚୟନ କରିବାକୁ ବିକଳ୍ପ ଦେଇଛନ୍ତି। ୧୫ ନଭେମ୍ବର ୨୦୨୨ ସୁଦ୍ଧା କର୍ମଚାରୀ ବିକଳ୍ପ ଚୟନ କରିପାରିବେ। ଏଥିଲାଗି କର୍ମଚାରୀଙ୍କୁ ଶପଥପତ୍ର ଦାଖଲ କରିବାକୁ ହେବ। ଏ ନେଇ ସରକାରଙ୍କ ପକ୍ଷରୁ ବୁଧବାର ଅଧିସୂଚନା ଜାରି ହୋଇଛି।
ରାଜ୍ୟ ଅର୍ଥମନ୍ତ୍ରାଳୟ ପକ୍ଷରୁ ଜାରି ଅଧିସୂଚନାରେ ୧ ସେପ୍ଟେମ୍ବର ୨୦୨୨ରୁ ଯେଉଁ ନୂଆ ନିଯୁକ୍ତି ହେବ ଏଥିରେ ଲୋକଙ୍କୁ ପୁରୁଣା ପେନସନ ସ୍କିମର ଲାଭ ଦିଆଯିବ ବୋଲି କୁହାଯାଇଛି। ଅର୍ଥମନ୍ତ୍ରାଳୟଙ୍କ ଅଧିସୂଚନାରେ ୧ ଡିସେମ୍ବର ୨୦୦୪ରୁ ୩୧ ଅଗଷ୍ଟ ୨୦୨୨ ପର୍ଯ୍ୟନ୍ତ ନୂଆ ଅଂଶଦାୟୀ ପେନସନ ଯୋଜନା ( ନ୍ୟୁ କଣ୍ଟ୍ରିବ୍ୟୁଟାରୀ ପେନସନ ସ୍କିମ୍) ରେ ନିଯୁକ୍ତ କର୍ମଚାରୀ ଏକ ଶପଥପତ୍ର ଜମା କରି ପୁରୁଣା ପେନସନ ଯୋଜନା (ଓପିଏସ୍) ବିକଳ୍ପ ବାଛିପାରିବେ।
{"id":686887,"width":841,"height":526,"sizeSlug":"full","linkDestination":"none"}
ଯଦି କେହି ନୂଆ ପେନସନ୍ ସ୍କିମରେ ରହିବାକୁ ଚାହୁଁଛନ୍ତି ତେବେ ତାଙ୍କୁ ମଧ୍ୟ ଶପଥପତ୍ର ଦାଖଲ କରିବାକୁ ହେବ। ପୁରୁଣା ପେନସନ ଯୋଜନାକୁ ବିକଳ୍ପ ବାଛୁଥିବା କର୍ମଚାରୀ ଅନୁଲଗ୍ନକ-୧(ଆନେକ୍ସର -୧) ରେ ଶପଥପାଠ କରିବାକୁ ହେବ। ସେହିପରି ଯେଉଁମାନେ ନୂଆ ପେନସନ ସ୍କିମ୍ରେ କାମ କରିବାକୁ ଆଗ୍ରହୀ ସେମାନେ ଆନେକ୍ସର-୨ରେ ଶପଥପତ୍ର ଦାଖଲ କରିବେ।
ପୁରୁଣା ପେନସନ ଯୋଜନା ବିକଳ୍ପ ବାଛୁଥିବା କର୍ମଚାରୀଙ୍କୁ ଏମ୍ପ୍ଲଇ ପୋର୍ଟାଲରେ ଲଗଇନ କରି ଶପଥ ପତ୍ର ଲାଗି ଆନେକ୍ସର-୧ ଡାଉନଲୋଡ କରିବାକୁ ହେବ। ଏହି ଶପଥ ପତ୍ର ଅନୁରୂପ ଏକ ଶପଥପତ୍ର ତିଆରି କରି ଏମ୍ପ୍ଲଇ ପୋର୍ଟାଲରେ ଅପଲୋଡ କରିବାକୁ ହେବ। ମୂଳ ନକଲକୁ ଭବିଷ୍ୟନିଧି ନିର୍ଦ୍ଦେଶାଳୟ ନୋଡାଲ ଅଧିକାରୀଙ୍କ ନିକଟରେ ଜମା କରିବାକୁ ହେବ।
