Showcase2022
Showcase2022
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ନୀଳଗିରିରରେ ଝାଡଖଣ୍ଡୀ ହାତୀପଲଙ୍କ ଉପଦ୍ରବ, ବ୍ୟାପକ ଫସଲ ନଷ୍ଟ

26/11/2019 at 9:08 AM

ନୀଳଗିରି ୨୬।୧୧: ଝାଡ଼ଖଣ୍ଡରୁ ଆସିଥିବା ହାତୀପଲଙ୍କ  ଉପଦ୍ରବରେ ଭୟଭୀତ ଚାଷୀ । ଧାନ ଅମଳ ବେଳେ କ୍ଷେତରେ ପଶି ବ୍ୟାପକ ଧାନ ଫସଲ ନଷ୍ଟ କରିବାରେ ଲାଗିଛନ୍ତି ହାତୀପଲ । ହାତୀପଲଙ୍କୁ ଘଉଡାଇବା ପାଇଁ ବନ ବିଭାଗ ପକ୍ଷରୁ ଉଦ୍ୟମ ଜାରି ରହିଛି ।

ସୂଚନାଯୋଗ୍ୟ ଯେ, ବାଲେଶ୍ଵର ଜିଲ୍ଲା ନୀଳଗିରି ଅଞ୍ଚଳରେ ସୋମବାର ସକାଳୁ ୪୩ ଟି ଝାଡ଼ଖଣ୍ଡୀ ହାତୀ ପ୍ରବେଶ କରିଛନ୍ତି  । ଏନେଇ ସ୍ଥାନୀୟ ଅଞ୍ଚଳର ଲୋକେ ଭୟବୀତ ଅବସ୍ଥାରେ ଅଛନ୍ତି । ଫସଲ ଅମଳ ହୋଇନଥିବାରୁ ବ୍ୟାପକ ଫସଲହାନି ହେବାର ଆଶଙ୍କା ଘାରିଛି ଚାଷୀଙ୍କୁ । ଏହି ହାତୀପଲ  କିଛିଦିନ ଧରି ନୀଳଗିରି ସୀମାନ୍ତ ମୟୁରଭଞ୍ଜ ଜିଲ୍ଲାରେ ରହିଥିଲେ । ଆସିବା ବାଟରେ ବ୍ୟାପକ ଫସଲ ହାନୀ କରିଛନ୍ତି ।

ହାତୀପଲ ଗୋପାଳପୁର ସଂରକ୍ଷିତ ଜଙ୍ଗଲରେ ବାହାରି ଆଖପାଖ ଅଞ୍ଚଳରେ ଧାନଫସଲ ନଷ୍ଟ କରିବା ସହ ଉପଦ୍ରବ କରିଛନ୍ତି । ହାତୀପଲ ତେରଲଡ଼ିହି ଓ ହାତିମୁଣ୍ଡା ଅଂଚଳରେ ବ୍ୟାପକ ଫସଲ ନଷ୍ଟ କରିଥିବା ଦେଖାଯାଇଛି । ଏବେ ହାତୀପଲ ସେଠାରୁ ବାହାରି ତିନିକୋଶିଆ ଜଙ୍ଗଲ ଆଡକୁ ମୁହାଁଉଛନ୍ତି ।  ତେଣୁ ଗୋପାଳପୁର, ଜଡିବାଲି, କାନ୍ଥସିମୁଳିଆ, ବୟାର ସାହି,ତୁଳସିଡ଼ିହା ଗାଁର ଲୋକଙ୍କ ନିଦ ହଜିଯାଇଛି । ବନ ବିଭାଗ ପକ୍ଷରୁ ହାତୀଙ୍କୁ ଘଉଡାଇବା ପାଇଁ ଉଦ୍ୟମ ଜାରି ରହିଛି ।

   Related Posts