ନିଶ୍ଚିନ୍ତକୋଇଲି ୨୭/୦୧: ଗୁରୁବାର ବିଳମ୍ବିତ ରାତିରେ କଟକ-କେନ୍ଦ୍ରାପଡା ରାସ୍ତାର କଟିକଟା ବଜାର ସ୍ଥିତ କ୍ରିଷ୍ଣା ଜୁଏଲାରୀ ଦୋକାନରୁ ଲୁଟ୍ । ତାଲା ଭାଙ୍ଗି ୮ ରୁ ୧୦ ଜଣ ଲୁଟେରା ଲୁଟି ନେଲେ ୧୦ ଲକ୍ଷ ଟଙ୍କା ରୁ ଅଧିକ ସୁନା, ରୂପା ଗହଣା ଓ ନଗଦ ୯୦ ହଜାର ଟଙ୍କା । ଲୁଟେରାଙ୍କ ଲୁଟ୍ ସମୟର ଘଟଣା ସିସିଟିଭିରେ କଏଦ୍ ।

ଏଭଳି ଘଟଣା ଘଟିଛି କଟକ ଜିଲ୍ଲା ନିଶ୍ଚିନ୍ତକୋଇଲି ଥାନା କଟିକଟା ବଜାରରେ ଥିବା କ୍ରିଷ୍ଣା ଜୁଏଲାରୀରେ । ଦୋକାନର ସଟର ଏକ ସାବଳରେ ଭାଙ୍ଗି ଭିତରକୁ ୮ ରୁ ୧୦ ଜଣ ଦୁର୍ବୃତ୍ତ ସୁନା ଓ ରୂପା ଗହଣା ଲୁଟୁଥିବାର ଭିଜୁଆଲ ସିସିଟିଭି ରେ କଏଦ୍ ହୋଇଛି । ଖବର ପାଇ ଦୋକାନ ମାଲିକ ପହଞ୍ଚିଲା ବେଳକୁ ଦୋକାନରୁ ସବୁ ଲୁଟ୍ ହୋଇଯାଇଛି । ଖବର ପାଇ ନିଶ୍ଚିନ୍ତକୋଇଲି ଥାନା ପୋଲିସ ଘଟଣାସ୍ଥଳରେ ପହଂଚି ତଦନ୍ତ ଆରମ୍ଭ କରିଛି ।

ସିସିଟିଭି ଫୁଟେଜରୁ ଯାହା ଜଣାଯାଉଛି ଲୁଟ୍ କରୁଥିବା ଲୁଟେରା କମ୍ ବୟସର ଯୁବକ ବୋଲି । ତେଣୁ ବାରମ୍ବାର ଏହି ଅଂଚଳରେ ଲୁଟ୍, ରାହାଜାନୀ ଓ ଛିନତାଇ ଭଳି ଅଘଟଣ ଘଟୁଥିଲେ ମଧ୍ୟ ପୋଲିସର କୈାଣସି ଠୋସ୍ ପଦକ୍ଷେପ ନହେବାରୁ ଦିନକୁ ଦିନ ଏଭଳି ଘଟଣା ଦେଖିବାକୁ ମିଳୁଛି ।