ନୂଆଦିଲ୍ଳୀ ୦୭।୦୯: ନିକଟରେ କାର୍ତ୍ତିକ ଆର୍ଯ୍ୟନ୍ ଆଶିକି -୩ ଫିଲ୍ମରେ ନଜର ଆସିବେ। ଏହି ଫିଲ୍ମକୁ ନେଇ ସେ ଅଫିସିଆଲି ଭାବେ ଘୋଷଣା କରିଛନ୍ତି । ଏହି ଚଳଚ୍ଚିତ୍ର ୧୯୯୦ରେ ଆଶିକି ଏବଂ ୨୦୧୩ରେ ଆଶିକି-୨ ଆସିଥିଲେ। ତେବେ ଫିଲ୍ମରେ କାର୍ତ୍ତିକଙ୍କ ବିପକ୍ଷରେ ମୁଖ୍ୟ ଅଭିନେତ୍ରୀ କିଏ ହେବେ ତାହା ଏପର୍ଯ୍ୟନ୍ତ ଜଣାପଡିନାହିଁ। ମିଡିଆ ରିପୋର୍ଟ ଅନୁଯାୟୀ, ଲୋକପ୍ରିୟ ଟିଭି ତାରକା ଜେନିଫର୍ ୱିଙ୍ଗେଟ୍ ଆଶିକି ମାଧ୍ୟମରେ ଡେବ୍ୟୁ କରିପାରନ୍ତି। ଟିଭି ସିରିଏଲ୍ ବ୍ୟତୀତ ଜେନିଫର୍ ୱିଙ୍ଗେଟ୍ କିଛି ୱେବ୍ ସିରିଜ୍ ରେ ମଧ୍ୟ ଅଭିନୟ କରିଛନ୍ତି।

ମିଡିଆ ରିପୋର୍ଟ ଅନୁଯାୟୀ କାର୍ତ୍ତିକ ଆର୍ଯ୍ୟନ ଏବଂ ଜେନିଫର ୱିଙ୍ଗେଟଙ୍କୁ ଏହି ଫିଲ୍ମରେ ଏକାଠି ଦେଖିବାକୁ ମିଳିବ ବୋଲି କୁହାଯାଉଛି। ତେବେ ଅଭିନେତ୍ରୀ ଏବଂ ନିର୍ମାତାମାନେ ଏ ବିଷୟରେ କିଛି ନିଶ୍ଚିତ କରିନାହାଁନ୍ତି। କହିବାକୁ ଗଲେ  ଯେ ନିର୍ଦ୍ଦେଶକ ଅନୁରାଗ ବସୁ ଆଶିକି-୩ ନିର୍ଦ୍ଦେଶନା ଦେଉଛନ୍ତି। କିଛି ରିପୋର୍ଟରେ ଦର୍ଶାଯାଇଛି ଯେ କାର୍ତ୍ତିକ ଆର୍ଯ୍ୟନ୍ ଆଶିକି -୩ ପାଇଁ ପ୍ରଥମ ପସନ୍ଦ ନଥିଲେ। ନିର୍ମାତାମାନେ ସିଦ୍ଧାର୍ଥ ମଲହୋତ୍ରା ଏବଂ ଆଲିଆ ଭଟ୍ଟଙ୍କ ସହ ଏହି ଫିଲ୍ମ କରିବାକୁ ଚାହୁଁଥିଲେ। ଏଥି ସହିତ କିଛି ପ୍ରଶଂସକ କହିଛନ୍ତି ଯେ ସେମାନେ ଫିଲ୍ମରେ କାର୍ତ୍ତିକଙ୍କ ବିପକ୍ଷରେ ଆଶିକି-୨ ଅଭିନେତ୍ରୀ ଶ୍ରଦ୍ଧା କପୁରଙ୍କୁ ଦେଖିବାକୁ ଚାହୁଁଛନ୍ତି।

ଜେନିଫର୍ ୱିଙ୍ଗେଟ୍ ଟିଭି ସିରିଏଲ୍ ବେହଦ୍ ଏବଂ ବେପନାହରେ କାମ କରିଛନ୍ତି । ଏହା ବ୍ୟତୀତ ସେ ସରସ୍ୱତୀଚନ୍ଦ୍ର ସିରିଏଲରେ ମଧ୍ୟ ଅଭିନୟ କରିଛନ୍ତି। ଜେନିଫର୍ ଅମୀର ଖାନଙ୍କ ଆକେଲେ ହମ୍ ଆକେଲେ ତୁମ୍ ରେ ଶିଶୁ କଳାକାର ଭାବରେ ନିଜର କ୍ୟାରିଅର୍ ଆରମ୍ଭ କରିଥିଲେ । ଟିଭିରେ ଜେନିଫର୍‌ଙ୍କର ପ୍ରଥମ ବଡ ଭୂମିକା ଥିଲା ସିରିଏଲ୍ କସୋଟି ଜିନ୍ଦାଗି କି’ରେ ସ୍ନେହା ବଜାଜଙ୍କ ଚରିତ୍ରରେ ଅଭିନୟ କରିଥିଲେ । ଟିଭି ବ୍ୟତୀତ ଜେନିଫର୍ ୱେବ୍ ସିରିଜ୍ କୋଡ୍ M ଏବଂ କୋଡ୍ M2 ରେ ମଧ୍ୟ କାମ କରିଛନ୍ତି ।