ପାଟଣା, ୩୦|୦୫: କେନ୍ଦୁଝର ଜିଲ୍ଲା ତୁରୁମୁଙ୍ଗା ଥନା ବଡ଼ ଗମ୍ଭାରୀଆ ଗାଁରେ ଅଘଟଣ । ଛାତ ଉପରକୁ ଉଠି ଆମ୍ବ ତୋଳିବା ବେଳେ ମାରିଲା କରେଣ୍ଟ । ଗୁରୁତର ଅବସ୍ଥାରେ ହସ୍ପିଟାଲରେ ଭର୍ତ୍ତି ହେଲେ ବ୍ୟକ୍ତି ।
ସୂଚନା ଅନୁସାରେ ଜୟହରି ନାଏକ ନାମକ ଜଣେ ବ୍ୟକ୍ତି ଗାଁ ମୁଣ୍ଡରେ ଥିବା କ୍ଲବ୍ ଘର ଉପରକୁ ଉଠି ଆମ୍ବ ତୋଳୁଥିଲେ । ତେବେ ସେ ଛାତ ଉପର ଦେଇ ଯାଇଥିବା ୧୧କେଭି ବିଦ୍ୟୁତ ତାର ସଂସ୍ପର୍ଶରେ ଆସିଯାଇଥିଲେ । ଫଳରେ ସେ ଗୁରୁତର ହୋଇ ପଡିଥିଲେ । ବିଦ୍ୟୁତ ଆଘାତରେ ତାଙ୍କର ଦେହର କିଛି ଅଂଶ ଜଳି ଯାଇଥିବା ବେଳେ ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରିଛନ୍ତି। ତେବେ ଜୟହରିଙ୍କ ଅବସ୍ଥା ସଙ୍କଟାପନ୍ନ ଥିବା ଜଣାପଡିଛି।
