ମୁମ୍ବାଇ 10/09 :  ଶାହାରୁଖ ଖାନଙ୍କ ଫିଲ୍ମ ‘ଜୱାନ’  ଲେଖିଛି ଏକ ସଫଳତାର କାହାଣୀ। ଚଳଚ୍ଚିତ୍ରଟି ପ୍ରଥମ ଦିନରୁ ଭଲ ରୋଜଗାର ଆରମ୍ଭ କରିଥିଲା। ଆଉ ତିନି ଦିନ ମଧ୍ୟରେ ଯାହା ରୋଜଗାର କରିଛି ତାହା ଐତିହାସିକ। ଏମିତି କି  ଜୱାନ ପଠାନ୍ ଓ ଗଦର-2ର ରେକର୍ଡକୁ ଭାଙ୍ଗି ଦେଇଛି ।

ଚଳିତ ବର୍ଷ ଜାନୁଆରୀରେ ମୁକ୍ତିଲାଭ କରିଥିବା ଫିଲ୍ମ ‘ପଠାନ’ ସହିତ ଶାହାରୁଖ ଖାନ 4ବର୍ଷ ପରେ ବଡ ପରଦାକୁ ଫେରିଥିଲେ। ଏବେ ପୁଣି ଶାହାରୁଖଙ୍କ ନୂଆ ଚଳଚ୍ଚିତ୍ର ‘ଜୱାନ’ ପ୍ରେକ୍ଷାଳୟରେ ଚାଲିଛି। ଯଦି ‘ପଠାନ୍’ ଶାହାରୁଖଙ୍କ ପ୍ରତ୍ୟାବର୍ତ୍ତନ ଥିଲା, ତେବେ ‘ଜୱାନ୍’ ସହିତ ସେ ବକ୍ସ ଅଫିସରେ  ପୁଣି ନିଜ ଦବଦବାକୁ କରିଛନ୍ତି ମଜଭୁଦ୍।

‘ଜବାନ୍’ରେ ଶାହାରୁଖଙ୍କ ଏମିତି ଅବତାରରେ ଦେଖିବାକୁ ମିଳିଛି, ଯେଉଁଥିରେ ତାଙ୍କୁ ପୂର୍ବରୁ କେବେ ଦେଖିବାକୁ ମିଳି ନଥିଲା। ଶାହାରୁଖଙ୍କ ଆକ୍ସନ, ଇଟେନ୍ସ ଲୁକ୍ ଏବଂ ସ୍ୱାଗର କ୍ରେଜ୍ ପ୍ରେକ୍ଷାଳୟରେ ଏତେ ପରିମାଣରେ ଚାଲିଛି ଯେ ଏହି ସପ୍ତାହ ଶେଷରେ ପ୍ରେକ୍ଷାଳୟରେ ‘ଜୱାନ୍’ ପାଇଁ ଟିକେଟ ପାଇବା କଷ୍ଟକର ହୋଇପଡିଛି । ଗୁରୁବାର ପ୍ରେକ୍ଷାଳୟରେ ମୁକ୍ତିଲାଭ କରିଥିବା ‘ଜୱାନ’ ବଲିଉଡ ଇତିହାସର ସବୁଠୁ ବଡ ଓପନିଂ ଫିଲ୍ମ ପାଲଟିଛି। ଶୁକ୍ରବାର ଏକ କାର୍ଯ୍ୟ ଦିବସ ହୋଇଥିବାରୁ ଫିଲ୍ମର ରୋଜଗାରରେ ସାମାନ୍ୟ ହ୍ରାସ ଘଟିଥିଲା। କିନ୍ତୁ ଶନିବାର ଶାହାରୁଖ ଏତେ ବଡ଼ ଜମ୍ପ୍ କରିଛନ୍ତି ତାହା ବହୁତ ଆଶ୍ଚର୍ଯ୍ୟଜନକ।

‘ଜୱାନ୍’ ରିଲିଜର ପ୍ରଥମ ଦିନରେ 75 କୋଟି ଟଙ୍କା ରୋଜଗାର କରିଥିଲା। ଦ୍ୱିତୀୟ ଦିନରେ ଏହି ଚଳଚ୍ଚିତ୍ର ଭାରତରେ 53 କୋଟିରୁ ଅଧିକ ନେଟ୍ ସଂଗ୍ରହ କରିଥିଲା। କିନ୍ତୁ ଶନିବାର ଦିନ ଫିଲ୍ମଟି ବକ୍ସ ଅଫିସରେ  ମାରିଛି ବଡ଼ ଲମ୍ଫ। ରିପୋର୍ଟରୁ ଜଣାପଡିଛି ଯେ ତୃତୀୟ ଦିନରେ ଦେଶରେ ‘ଜୱାନ’ର ନିଟ୍ ସଂଗ୍ରହ 73 ରୁ 75 କୋଟି ଟଙ୍କା ମଧ୍ୟରେ ରହିଛି। ଅର୍ଥାତ୍ ମାତ୍ର ତିନି ଦିନ ମଧ୍ୟରେ ଶାହାରୁଖଙ୍କ ଫିଲ୍ମ ଭାରତରେ 200 କୋଟି ଟଙ୍କା ଅତିକ୍ରମ କରିଛି। ଶନିବାର ପରେ ‘ଜୱାନ’ର ନିଟ୍ କଲେକ୍ସନ୍ 201 କୋଟିରୁ ଅଧିକ।

ରିପୋର୍ଟରେ କୁହାଯାଇଛି ଯେ ଶନିବାର ‘ଜୱାନ’ କେବଳ ହିନ୍ଦୀରେ 65 କୋଟିରୁ ଅଧିକ ଆୟ କରିଛି। ଶାହାରୁଖଙ୍କ ସଦ୍ୟତମ ଚଳଚ୍ଚିତ୍ର ବର୍ତ୍ତମାନ ରିଲିଜ୍ ହେବାର ତୃତୀୟ ଦିନରେ ଏବଂ ପ୍ରଥମ ଶନିବାରରେ ସର୍ବାଧିକ ଆୟ କରିଥିବା ଚଳଚ୍ଚିତ୍ର ।

‘ଜୱାନ୍’ ମାତ୍ର ଦୁଇ ଦିନ ମଧ୍ୟରେ 240 କୋଟିରୁ ଅଧିକ ଟଙ୍କା ସଂଗ୍ରହ କରିଛି। ତୃତୀୟ ଦିନରେ ଏହି ଚଳଚ୍ଚିତ୍ରଟି ଭାରତରେ ପ୍ରାୟ 90 କୋଟି ଟଙ୍କା ସଂଗ୍ରହ କରିଥିବାବେଳେ ବିଦେଶ ବଜାରରେ ମଧ୍ୟ ଏହି ଫିଲ୍ମ ଶନିବାର ଦିନ ଦୃଢ ଅଭିବୃଦ୍ଧି ହାସଲ କରିଛି। ଅନ୍ତିମ ଆକଳନ ଶେଷ ହେବା ବେଳକୁ ତୃତୀୟ ଦିନର ବିଶ୍ୱରେ ‘ଜୱାନ’ର ମୋଟ ସଂଗ୍ରହ 125 କୋଟିରୁ ଅଧିକ । ଅର୍ଥାତ୍ ଶାହାରୁଖଙ୍କ ଫିଲ୍ମ ମାତ୍ର ତିନି ଦିନ ମଧ୍ୟରେ ବିଶ୍ୱ ବକ୍ସ ଅଫିସରେ ୩୫୦ କୋଟିରୁ ଅଧିକ ଟଙ୍କା ସଂଗ୍ରହ କରିଛି।

Also Read- ଜନ୍ମଦିନରେ ଫ୍ୟାନ୍ସଙ୍କୁ ସର୍‌ପ୍ରାଇଜ୍‌ ଦେଲେ ଅକ୍ଷୟ, ସେୟାର କଲେ ‘Welcome-3’ର ଟିଜର

‘ଜୱାନ୍’ ବର୍ତ୍ତମାନ ପ୍ରତ୍ୟେକ ଦିନ ସର୍ବାଧିକ ରୋଜଗାର ରେକର୍ଡ କରିବାକୁ ଚେଷ୍ଟା କରୁଛି।  ରବିବାର ପାଇଁ ଫିଲ୍ମର ଆଡଭାନ୍ସ ବୁକିଂ ଶୁକ୍ରବାର ଭଳି ଶକ୍ତିଶାଳୀ ଏବଂ ପ୍ରେକ୍ଷାଳୟରେ ବର୍ଦ୍ଧିତ ଶୋ ଫିଲ୍ମକୁ ବହୁତ ରୋଜଗାର କରିବାକୁ ଯାଉଛି ।