ମୁମ୍ଵାଇ ୧୭।୦୯: ଶାହରୁଖ ଖାନଙ୍କ ଅଭିନୀତ ତଥା ଏଟଲିଙ୍କ ନିର୍ଦ୍ଦେଶିତ ଫିଲ୍ମ ଜୱାନ ବକ୍ସ ଅଫିସରେ ଧମାଲ କରୁଛି। ଏହି ଚଳଚ୍ଚିତ୍ର ସାରା ବିଶ୍ଵରେ ୭୦୦ କୋଟି ଟଙ୍କାର କ୍ଲବରେ ଯୋଗ ଦେଇଛି। ଭାରତରେ ମଧ୍ୟ ଏହି ଫିଲ୍ମ ୧୦ ଦିନ ମଧ୍ୟରେ ୫୦୦କୋଟି ଟଙ୍କାର କ୍ଲବରେ ଯୋଗଦେବା ପାଇଁ ଅତି ନିକଟତର ହୋଇଛି। ଜୱାନଙ୍କ ସଫଳତା ପରେ ବର୍ତ୍ତମାନ ଦକ୍ଷିଣ ନିର୍ଦ୍ଦେଶକ ଏଟଲି ସଲମାନ ଖାନ ଏବଂ ହ୍ରିତିକ ରୋଶନଙ୍କ ସହ ଏକ ଫିଲ୍ମ କରିବାକୁ ଯୋଜନା କରୁଛନ୍ତି।

କହିବାକୁ ଗଲେ ଏଟଲି ଶାହାରୁଖ ଖାନଙ୍କ ‘ଜୱାନ’ ସହିତ ହିନ୍ଦୀ ଚଳଚ୍ଚିତ୍ର ନିର୍ଦ୍ଦେଶନାରେ ଡେବ୍ୟୁ କରିଛନ୍ତି। ବର୍ତ୍ତମାନ ପିଙ୍କଭିଲ୍ଲା ସହିତ କଥାବାର୍ତ୍ତା କରୁଥିବାବେଳେ ଏଟଲି ତାଙ୍କ ପରବର୍ତ୍ତୀ ଚଳଚ୍ଚିତ୍ର ବିଷୟରେ କଥା ହୋଇଛନ୍ତି। ଜୱାନ ଏବଂ ଶାହାରୁଖ ଖାନଙ୍କ ବ୍ୟତୀତ ସେ ତାଙ୍କର ପରବର୍ତ୍ତୀ ହିନ୍ଦୀ ପ୍ରୋଜେକ୍ଟ ପାଇଁ ବଲିଉଡର ଅନ୍ୟ କଳାକାରଙ୍କ ସହ ଆଲୋଚନା କରୁଛନ୍ତି ।

View this post on Instagram

A post shared by Atlee (@atlee47)

ଏନେଇ ଏଟଲି କହିଛନ୍ତି, ‘ମୁଁ ସମୟ ସମୟରେ ଅନେକ ସିନେମା ପ୍ରେମୀଙ୍କ ସହ ଅନେକ କଥା ଆଲୋଚନା କରେ। ଅବଶ୍ୟ, ମୋର ସଲମାନ ସାରଙ୍କ ମଧ୍ୟରେ ଆଲୋଚନା ହୋଇଛି। ପୂର୍ବରୁ ହ୍ରିତିକ ସାରଙ୍କ ସହ ଆଲୋଚନା ହୋଇଥିଲା।  ରଣଭୀର ସାର୍ (ସିଂ), ରଣବୀର କପୁର ସାରଙ୍କ ମଧ୍ୟରେ ଆଲୋଚନା ହୋଇଛି। ଏହା ବ୍ୟତୀତ ବିଜୟ ସାର୍ ଏବଂ ଅଲ୍ଲୁ ଅର୍ଜୁନ୍‌ଙ୍କ ସହ ମଧ୍ୟ  ଆଲୋଚନା ହୋଇଥିଲା । ସିନେମା ପ୍ରେମୀ ହୋଇଥିବାରୁ ଆମେ ଗୋଟିଏ ଜିନିଷରେ ଲାଗି ରହୁ ନାହିଁ।

ଏଟଲି ଏହା ମଧ୍ୟ ପ୍ରକାଶ କରିଛନ୍ତି, ‘ହଁ ଆମେ ଏକାଠି କରିବାକୁ ଯାଉଛୁ। ତେଣୁ, ଆମେ ସମସ୍ତେ ଚିନ୍ତାଧାରାରେ ସଂଯୁକ୍ତ, ଆମେ ଏକାଠି କାମ କରିବାକୁ ଯାଉଛୁ । ଶ୍ବରଙ୍କ ଆଶୀର୍ବାଦ ଆସିବା ପରେ, ମୁଁ ଭାବୁଛି ମୁଁ କିଛି କରିବି ଏବଂ ବହୁତ ଆଗକୁ ବଢିବି। ତେଣୁ, ଆମ ସମସ୍ତଙ୍କର ସେହି ସମନ୍ୱୟ ଅଛି, କେବଳ ଆବଶ୍ୟକତା ହେଉଛି ଇଶ୍ବରଙ୍କ ଆଶୀର୍ବାଦ ଏବଂ ଏକ ଭଲ ସ୍କ୍ରିପ୍ଟ ।