ତୋ ବାପା ପାଇଁ ମୁଁ ବେଶ୍ୟା ହୋଇଯାଇଥିଲି ..ତୁ କହୁଛୁ ମୋ ମଥାରେ ଦେବୁ ସିନ୍ଦୁର । ନାରୀ ଛାତିରୁ ଅମୃତ ପିଇଲେ ...ସେ ହେଉଛି ପୁଅ...ନାରୀ ଛାତିରୁ ବିଷ ପିଇଲେ ...ସେ ସ୍ଵାମୀ । ତୁ ମୋର ସ୍ଵାମୀ ହେବୁ ନା ପୁଅ ।
{"id":93215}![](https://www.prameyanews7.com/wp-content/uploads/2019/03/Capture-2.jpg)
ମୁଁ ଜାଣିଛି ବାବୁ ..ଏ ମଧୁମତୀ ବେଶ୍ୟା କେବେ ତମ ସ୍ତ୍ରୀ ହୋଇପାରିବନି । ଯେଉଁ ବାପ ଏ ମଧୁମତୀର ଇଜ୍ଜତ ଲୁଟିଛି .. ତା ପୁଅ ବି ଲୁଟିଛି ଇଜ୍ଜତ.. କେମିତି ବାପ-ପୁଅ ଦୁହିଁଜଣ ଇଜ୍ଜତ ଲୁଟିବା ପରେ ଘରେ କୂଳବଧୂ ହେବାକୁ ସ୍ବୀକୃତି ଦେବ ଜିତ୍ ବାବୁ । ଏହାଥିଲା ‘ଶହେ ମାନସିକ ତୋରି ପାଇଁ’ ନାଟକର ରୀନା ଓରଫ ମଧୁମତୀର ଚରିତ୍ର ।
{"id":93216}![](https://www.prameyanews7.com/wp-content/uploads/2019/03/wwwwwww.jpg)
ମଧୁମତୀ ପରିସ୍ଥିତିରେ ପଡ଼ି ବେଶ୍ୟା ହୋଇପାରେ.. ହେଲେ ତା ଭିତରେ ଅଛି ମଣିଷପଣିଆ । କାହା ସିନ୍ଦୁରରେ ଭାଗ ବସେଇବାକୁ ସେ ଚାହେଁନାହିଁ । ଯେଉଁ ସିନ୍ଦୁରକୁ ଅନେକଦିନ ହେଲା ଘୃଣା କରିଆସିଛି ..ତାକୁ କେମିତି ସିଏ ନିଜ ସିନ୍ଥିରେ ପିନ୍ଧିପାରିବ । ପାରିବନି..ପାରିବନି..ଏ ମଧୁମତୀ କେବେ ବି ସେମିତି କରିପାରିବନି ।
{"id":93217}![](https://www.prameyanews7.com/wp-content/uploads/2019/03/wewewew.jpg)
ନିଜ ଭଉଣୀ ସୁମନ ପାଇଁ ଏତିକି ତ କରିପାରିବ । ଯେଉଁ ଭଉଣୀକୁ ଏତେ ଗେହ୍ଲା କରୁଥିଲା ..ସେହି ଭଉଣୀ ପାଇଁ ଏତିକି କରିପାରିବନି । ମଧୁମତୀର ଜୀବନ ଜଣେ ସାଧାରଣ ଝିଅରୁ ବେଶ୍ୟା ପାଲଟିଗଲା ପରେ କେବେ ବି ଯାଏନି ମନ୍ଦିର , କି ଠାକୁରଙ୍କୁ ନିଜ ପାଇଁ କିଛି କରେନି ଗୁହାରୀ.. ହେଲେ ତାର ସାନଭଉଣୀ ପାଇଁ ବର୍ଷକର ଥରୁଟିଏ ଯାଏ ମନ୍ଦିର..ତା ସାନଭଉଣୀର ଜନ୍ମଦିନ କରିବାକୁ ପାଳନ । ସେହିଦିନ ହେଉଛି ତା ପାଇଁ ଶ୍ରେଷ୍ଠଦିନ । ନହେଲେ ମନ୍ଦିର କିଏ ନା ଦେବତା କିଏ ..ଏ ମଧୁମତୀ ବେଶ୍ୟାପାଇଁ । ମଧୁମତୀ ନିଜ ଦେହକୁ ବିଛଣା କରି ବିଛେଇ ଦେଇଛି ଅନେକଙ୍କ ପାଇଁ... ଅନେକଙ୍କୁ ଖୁସ୍ କରେଇଛି.. ରାତିର ସାଥିହୋଇ ମିଛିମିଛିକା ସ୍ତ୍ରୀର ଭୂମିକାରେ କରିଛି ଅଭିନୟ । ହେଲେ ସକାଳ ହେଲେ କିଏ କାହାକୁ ଚିହ୍ନେନା ... ଦିନଯାଇ ରାତି ଆସେ.. ଆସନ୍ତି ନୂଆନୂଆ ଗରାଖ..କିନ୍ତୁ କେତେଯାଇଛନ୍ତି..କେତେ ଆସିଛନ୍ତି ...ହେଲେ ବଦଳିଯାଇନି ଏ ମଧୁମତୀର ଠିକଣା । ମଧୁମତୀ ନଷ୍ଟଚରିତ୍ର ହୋଇପାରେ..ହୋଇପାରେ ରାଣୀ ମହୁମାଛି..କିନ୍ତୁ ଟୋପାଏ ଟୋପାଏ ମହୁରେ ତ ଶୋଷ ମେଣ୍ଟେଇପାରେ କେତେ ତୃଷାର୍ତ୍ତଙ୍କୁ ।
{"id":93218}![](https://www.prameyanews7.com/wp-content/uploads/2019/03/eeee.jpg)
ଏହି ହେଉଛି ଅଭିନେତ୍ରୀ ରୀନା ନାୟକଙ୍କ ମଂଚ କାହାଣୀ । ଜଣେ ମାଷ୍ଟରର ଝିଅ ହୋଇ ବି ମାଟ୍ରିକ ପରୀକ୍ଷାରେ ଫେଲ ହୋଇଥିଲେ । ଜୀବନର ଅଧା ରାସ୍ତାରେ ଝୁଣ୍ଟିପଡ଼ି ହୋଇଗଲା ରକ୍ତାକ୍ତ । ସେଦିନ ବି ଥିଲା ତା ସାନ ଭଉଣୀ ସୁମନର ଜନ୍ମଦିନ ।ସାନଭଉଣୀ ପାଇଁ ପୂଜିବାକୁ ଯାଇ ମନ୍ଦିର ଫେରିବା ବାଟରେ ହୋଇଗଲା ଦୁଷ୍କର୍ମପୀଡ଼ିତା । ତା ପରେ ଘରୁ ନିଖୋଜ ହୋଇଯାଇଥିବା ମଧୁମତୀର ରାସ୍ତା ବଦଳି ଯାଇଥିଲା । ରେଡ଼ ଲାଇଟ ଏରିଆରେ ସେ ପାଲଟିଯାଇଥିଲା ଚର୍ଚ୍ଚିତ ଚରିତ୍ର...ମଧୁମତୀ...ବେଶ୍ୟା ମଧୁମତୀ ।
{"id":93219}![](https://www.prameyanews7.com/wp-content/uploads/2019/03/ww-2.jpg)
ନାଟକର କାହାଣୀ ସିନା ଏମିତି ଲମ୍ବିଥିଲା, କିନ୍ତୁ ସରୁ ନଥିଲା ରୀନାଙ୍କର ଜୀବନ କାହାଣୀ । ୧୫ ବର୍ଷ ବୟସରୁ ଏକ ଗରୀବ ପରିବାରରୁ ଗୋଡ଼ କାଢ଼ି ଆସିଥିଲେ ରୀନା । ନିଜ ପେଟ ପୋଷିବା ସହ ବାର୍ଦ୍ଧକ୍ୟରେ ନିଜ ବାପା-ମାଆ ମୁହଁରେ ଗଣ୍ଡେ ଦାନାଦେବାପାଇଁ ନେବାକୁ ପଡ଼ିଥିଲା ଏଭଳି ନିଷ୍ପତ୍ତି । ସେତେବେଳେ ଗାଡ଼ିମୋଟରର ସୁବିଧା ନଥାଏ । ଚାଲିଚାଲି ଗାଁରୁ କିଛିମାଇଲ ଗଲାପରେ ବସ୍ ଧରିବାକୁ ହୁଏ । ପୁଣି ଝିଅଟିଏ ପାଇଁ ପାଦରେ କେତେପ୍ରକାର ସାମାଜିକ ବେଢ଼ି । ନିନ୍ଦା ଅପବାଦକୁ ଭୃକ୍ଷେପ ନ କରି ଘରୁ ଗୋଡ଼ କାଢ଼ି ଆସିଥିବା ରୀନା କେବେ ଫେରିଚାହିଁନାହାଁନ୍ତି ପଛକୁ ।
{"id":93220}![](https://www.prameyanews7.com/wp-content/uploads/2019/03/wewe.jpg)
ଭଦ୍ରକ ଜିଲ୍ଲା ବାସୁଦେବପୁର ବାହ୍ମଣୀ ଗାଁରୁ ରୀନାଙ୍କର ଏନ୍ତୁଡ଼ିର କୁଆଁକୁଆଁ ଶୁଭିଥିଲେ ବି ମାମୁଁଘରେ ରହିଥିଲେ କୋଲକାତାରେ । ଏମିତି ଏକ ପରିସ୍ଥିତିରେ ଦାସ ହୋଇ କୋଲକାତା ଛାଡ଼ି ଭାୟା ଓଡ଼ିଶା ଯାତ୍ରାପାର୍ଟିରେ କଲେ ଏଣ୍ଟ୍ରି । ସେତେବେଳକୁ ସେ ଓଡ଼ିଆର ଅ ଅକ୍ଷର ବି ଜାଣି ନଥିଲେ । ବହୁତ କଷ୍ଟରେ ସେ ଓଡ଼ିଆ ଶିଖି ଯାତ୍ରା ପାର୍ଟିରେ ଯୋଗଦେଲେ । ତାରିଣୀ ଗଣନାଟ୍ୟରେ ପ୍ରଥମେ ପାଦ ଥାପି ‘ବାଜି ରହିଲା ମୋ ସାନ ଭଉଣୀ ‘ନାଟକ ମାଧ୍ୟମରେ ନିଜର ଯାତ୍ରା କ୍ୟାରିଅର ଆରମ୍ଭ କରିଥିଲେ ।
{"id":93221}![](https://www.prameyanews7.com/wp-content/uploads/2019/03/wwwww.jpg)
ନାୟିକା ଭୂମିକାରେ ନିଜର ଅଭିନୟକୁ ଦର୍ଶକଙ୍କୁ ଅନେକବର୍ଷ ଧରି ଭେଟିଦେଇଛନ୍ତି । ଯାତ୍ରା ପାର୍ଟିରେ ୨୭ ବର୍ଷ ବିତେଇ ସାରିଲେଣି ବୋଲି କୁହନ୍ତି ରୀନା । ଯାତ୍ରା ପାର୍ଟି ତାଙ୍କ ପାଇଁ ପାଲଟିଯାଇଛି ନିଜର ଦୁନିଆ । ଏଇଠି ବିବାହ, ବୈବାହିକ ଜୀବନ, ସୁଖ-ଦୁଃଖ, ଭଲ-ମନ୍ଦର ଦସ୍ତାବିଜ ତିଆରି କରି ବାନ୍ଧିଛନ୍ତି ଘର । ଏହି ଅଭିନୟ ଭିତରେ ନିଜଗାଁ ପାଖର ରାଜୁ କୁଅଁର ନାମକ ଜଣେ ଯାତ୍ରା କଳାକାରଙ୍କୁ ନିଜର ଜୀବନସାଥୀରୁପେ ବାଛିଥିଲେ । ସ୍ଵାମୀ-ସ୍ତ୍ରୀ ଉଭୟ କଳାକାର ଥାଇ ସୁଦ୍ଧା ବି ଜୀବନରେ ସେମିତି କିଛି ବଡ଼ ଧରଣର ଝଡ଼ ଆସିନାହିଁ ବୋଲି କୁହନ୍ତି ରୀନା ।
ଗୁଜୁରାଣ ମେଣ୍ଟେଇବାକୁ ଆସିଥିବା ରୀନା କେବେ ବି ଜାଣି ନଥିଲେ ଯାତ୍ରାରେ ସେ ଏତେବଡ଼ କଳାକାର ପାଲଟିଯିବେ । ନିଜର ଅଭିନୟର ଦକ୍ଷତା ପାଇଁ ତାଙ୍କୁ ଯେମିତି ଝୁରେ ମଂଚ ସେମିତି ବି ଝୁରନ୍ତି ଦର୍ଶକ । ସେମିତିକହିଲେ ରୀନା ଜଣେ ସଫଳ ଅଭିନେତ୍ରୀ ଯାତ୍ରା ଇଣ୍ଡଷ୍ଟ୍ରୀର ।
ରୀନା ଅଭିନୟ କରିଥିବା ଯାତ୍ରାନୁଷ୍ଠାନ ଓ ନାଟକଗୁଡ଼ିକ ହେଲା-
ତାରିଣୀ-ବାଜି ରହିଲା ମୋ ସାନଭଉଣୀ, ତୁଳସୀ ଚଉରା ଚନ୍ଦନ କାଠ, ଚିଠିରେ ଚିଠିରେ ଚଉଠି ରାତି
ଗୌରୀ- ଶହେ ମାନସିକ ତୋରି ପାଇଁ, ଅଳପ ଫୁଲେଇ ଏତେ ଲାଜେଇ
କଳିଙ୍ଗ- ମିତା ମହାନ୍ତି ମିଛ କୁହନ୍ତି, ଫଗୁଣ ଦେଇଛି ପହିଲି ଚିଠି
ବିଦ୍ରୋହୀ, ଲାଲୁ ଶାସନରେ ଭାଲୁରାଜା
ପାର୍ବତୀ-ଲାଜକଥା କାହାକୁ କହିବି, ଏମିତି ଝିଅକୁ ଶହେ ସଲାମ. ଜହ୍ନରେ ରହିବି କଳଙ୍କ ହୋଇ
କୋଣାର୍କ-ବାକି ରହିଲା ହାଟ ସଉଦା , ଏମିତି କାହାଣୀ କେବେ ଶୁଣିନି, ଅଛୁଁଆ ମଣିଷ, କଙ୍କାଳକୋଠୀ. ବାହାବଜାର
ବାଘାଜତୀନ –ବାଜେ ଝିଅକୁ ଛୁଇଁବା ମନା, ସଖି ମୋର ସାକ୍ଷୀ ବିଶ୍ଵଜନନୀ- ଆଖିଲୁହ ସାଥେ କରିଛି ଘର, ଧିରେଧିରେ ବାଜେ ଶୁଭ ମହୁରୀ
ସଚ୍ଚିଦାନନ୍ଦ- ରେଫ ଆଣ୍ଡ ମର୍ଡ଼ର, ଗାୟତ୍ରୀ ଅପାର ଗୋପନ କଥା, ତୁଳସୀ ମଥାରେ ଚନ୍ଦନ ଟିପା, ମଝିଁଆପୁଅ କାହାର ନୁହଁ...
ରୀନା ନାୟକ ନିଜର ଯାତ୍ରାଜୀବନ କେବଳ ଜଣେ ସଚ୍ଚା କଳାକରଭାବେ କାଟିଛନ୍ତି । ଅନେକ ଯାତ୍ରାପାର୍ଟି, ଅନେକ ନାଟକ,ଅନେକ ପାର୍ଶ୍ଵ ଅଭିନେତାଙ୍କ ସହ କାମ କରିଆସିଥିବା ରୀନା ନିଜର ବ୍ୟବହାର ଅନ୍ୟମାନଙ୍କ ପ୍ରତି ଠିକ ରଖିଲେ ଅନ୍ୟଠୁଁ ଠିକ ବ୍ୟବହାର ମିଳିପାରିବ ବୋଲି କୁହନ୍ତି ।
ରୀନା ନାୟକଙ୍କ କଳାକାର ଜୀବନପରି ବୈବାହିକ ଜୀବନ ମଧ୍ୟ ଖୁବ୍ ସୁରୁଖୁର୍ । ସେ ଚରିତ୍ର ଭିତରେ ହଜିଗଲେ ନିଜ ଜୀବନ ଭିତରେ ନାଟକର ପ୍ରତିଫଳନ ଦେଖିପାରନ୍ତି ବୋଲି କୁହନ୍ତି ରୀନା ।
ସବୁ ନିନ୍ଦା ଅପବାଦକୁ ସାମନା କରି ଶିଖିଥିବା ଅଭିନେତ୍ରୀ ଏତିକି କହିପାରନ୍ତି.....ତମେମାନେ ଭାବୁଥିବ-ମୁଁ ବଂଚିଲି କେମିତି ? ଅଙ୍କଲ ଯେଉଁଦିନ ଆଶିଷ ମୋତେ ପ୍ରଥମଥର ପାଇଁ ଦେଖିଲେ ..କହିଥିଲେ- ଋତିକା ! ମୁଁ ତମକୁ ଭଲ ପାଏ । ସେଦିନ ମୁଁ ତାଙ୍କ ଉପରକୁ ଗରମ ଚା ଢ଼ାଳିଦେଇଥିଲି । ମୋ ସହ ଯେଉଁଦିନ ଶାରୀରିକ ସଂପର୍କ ରଖିବାକୁ ଚାହିଁଥିଲେ, ମୁଁ ତାଙ୍କୁ ବାଡ଼ିରେ ବାଡ଼େଇ ବାଡ଼େଇ ଲହୁଲୁହାଣ କରିଦେଇଥିଲି ।(ସଂଳାପ)
script-shreegobinda