ଜଟଣୀ: ପାଞ୍ଚ ଜଣିଆ ଡକାୟତ ଗ୍ୟାଙ୍କ୍କୁ ଗିରଫ କଲା ଜଟଣୀ ପୋଲିସ। ଏହି ଗ୍ୟାଙ୍ଗ୍ ଗତ କିଛିଦିନ ହେଲା କମିଶନରରେଟ ପୋଲିସର ବିଭିନ୍ନ ଥାନା ଅଞ୍ଚଳରେ ଚଳାଇଥିଲେ ଡକାୟତି। ଝରକା ତାଡି, ଘରେ କେହି ନଥିବା ସମୟରେ ଡକାୟତି କରୁଥିଲେ ଏହି ଅପରାଧୀ। ଯାହା କମିଶନରେଟ୍ ପୋଲିସ ପାଇଁ ଚାଲେଞ୍ଜ ପାଲଟିଥିଲା। ତେବେ ଗତକାଲି ରାତିରେ ଜଟଣୀ ପୋଲିସ ଏମାନଙ୍କର ଏକ ବିରାଟ ଡକାୟତ ଯୋଜନାକୁ ପଣ୍ଡ କରିବା ସହ ଏମାନଙ୍କୁ ଗିରଫ କରିଛି।
ସୂଚନା ଅନୁଯାୟୀ, ଗତକାଲି ରାତିରେ ନାଇଟ ପେଟ୍ରୋଲିଂ ବେଳେ ଜଟଣୀ ଆଇ. ଆଇ.ସି.ସୌମ୍ୟକାନ୍ତ ବଳିୟାରସିଂ ଜଟଣୀ ରେତଙ୍ଗ କଲୋନୀରେ ଥିବା କଲ୍ୟାଣ ମଣ୍ଡପ ପଛପଟେ ଅଂଚଳରେ ଚଡାଉକରି ୫ ଜଣକୁ ପୋଲିସ ଗିରଫ କରିଥିଲା। ଗିରଫ ଅପରାଧୀଙ୍କ ଠାରୁ ଦୁଇଟି ଧାରୁଆ ଛୁରୀ, ଗୋଟିଏ ଲୁହାରଡ, ଗ୍ରିଲ୍ କାଟିବା ପାଇଁ ଲୁହା କଟର, ଲଙ୍କାଗୁଣ୍ଡ, ଟର୍ଚ୍ଚ ଲାଇଟ୍, ମଦ ବୋତଲ ସହ ସିଗାରେଟ ଜବତ କରଛି।
ଆହୁରି ପଢ଼ନ୍ତୁ:
ଗିରଫ ସମସ୍ତ ଅପରାଧୀମାନେ ହେଲେ ଜଟଣୀ ଥାନା ଅଞ୍ଚଳର, ମୁଣ୍ଡିଆସାହିର ସ୍ୟାଏଦ ଫାୟାଜ ଓ ସେକ୍ ଆବିଦ, ହୋଇଥିବାବେଳେ ଗଜପତି ନଗର ଅଂଚଳର ସଞ୍ଜୟ ଦାସ ଓ ସୁଜିତ ବିଶ୍ୱାଳ ଓ ରାଜାବଜ଼ାର ର ସୋହେଲ୍ ଖାଁ, ଏଇ ମାନଙ୍କ ନାଁରେ ଅନେକ ଥାନାରେ ମାମଲା ଥିବା ପୋଲିସ ଜାଣିବାକୁ ପାଇଥିବା ବେଳେ, ଅଧିକ ତଦନ୍ତ ଜାରି ରଖିବା ସହ ଏଇ ଗ୍ୟାଙ୍ଗର ମାଷ୍ଟର ମାଇଣ୍ଡକୁ ପୋଲିସ ଖୁବ ଶୀଘ୍ର ପୋଲିସ ଫର୍ଦ୍ଦାଫାସ୍ କରିବ ବୋଲି ଜଣାପଡ଼ିଛି l
