Showcase2022
Showcase2022
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭଦ୍ରକ: ଲାଞ୍ଚ ନେଇ ନିଲମ୍ୱିତ ହେଲେ ରାଜସ୍ୱ ନିରୀକ୍ଷକ, କହିଥିଲେ ମୋ ମୁଣ୍ଡର ଦାମ୍‌ କଣ ୨୦୦ ଟଙ୍କା ?
  • ||
  • ବାରିପଦା:ସରକାରୀ ବସଷ୍ଟାଣ୍ଡ ସମ୍ମୁଖରେ ଭୟାବହ ଅଗ୍ନିକାଣ୍ଡ, ୪ ଦୋକାନ ଓ ହୋଟେଲ ଭସ୍ମୀଭୂତ
  • ||

ଓରହାନଙ୍କୁ ଡେଟ୍ କରୁଛନ୍ତି କି ଜାହ୍ନବୀ ? ପ୍ରଶ୍ନର ଏମିତି ଉତ୍ତର ରଖିଲେ ଅଭିନେତ୍ରୀ

9/11/2022 at 10:32 AM

ମୁମ୍ୱାଇ ୦୯/୧୧:ଉଭୟ ସାମାଜିକ ଓ ବ୍ୟକ୍ତିଗତ ଜୀବନକୁ ନେଇ ସର୍ବଦା ଚର୍ଚ୍ଚାରେ ଥାଆନ୍ତି ବଲିଉଡ୍‌ ଆକ୍ଟ୍ରେସ୍‌ ଜାହ୍ନବୀ କପୁର । ଜାହ୍ନବୀଙ୍କ ପ୍ରଶଂସକଙ୍କ କହିବାନୁସାରେ ଅନ୍ୟମାନେ ଯେମିତି ବ୍ୟକ୍ତିଗତ କଥା ଲୁଚାନ୍ତି, ଜାହ୍ନବୀ ସେମିତି ନୁହନ୍ତି । ବ୍ୟକ୍ତିଗତ ଜୀବନର କିଛି ଘଟଣା ମଧ୍ୟ ସେ କହିଦିଅନ୍ତି ସାକ୍ଷାତକାରରେ । ଏଇ ଯେମିତି ନିକଟରେ ସେ ଏକ ସାକ୍ଷାତକାରରେ କହିଛନ୍ତି ନାଁ କରା ବ୍ଲଗର୍‌ ଓରହାନ ଅବାତ୍ରାମଣିଙ୍କ ସମ୍ବନ୍ଧରେ ।

ବେଶ୍‌ କିଛି ଦିନ ଧରି ଜାହ୍ନବୀ ଓରହାନଙ୍କୁ ଡେଟ୍‌ କରୁଛନ୍ତି ବୋଲି ବିଭିନ୍ନ ଗଣମାଧ୍ୟମରେ ଚର୍ଚ୍ଚା ଚାଲିଥିଲା । ଏହା ଆପଣଙ୍କ ଦୃଷ୍ଟିରେ ପଡ଼ିଥିବ ନିଶ୍ଚୟ । ଏବେ ପ୍ରଥମଥର ପାଇଁ ଏ ବାବଦରେ ମୁହଁ ଖୋଲିଛନ୍ତି ଜାହ୍ନବୀ । ତାଙ୍କ କହିବାନୁସାରେ, ଓରହାନ ତାଙ୍କର ଜଣେ ଖାସ୍‌ ବନ୍ଧୁ । ତାଙ୍କର ଭାଗ୍ୟ ଯେ, ତାଙ୍କୁ ଏଭଳି ଜଣେ ବନ୍ଧୁ ମିଳିଛି ।

ଜାହ୍ନବୀ ଆହୁରି କହନ୍ତି, ଓରହାନ ଯେତେବେଳେ ତାଙ୍କ ସହିତ ଥାଆନ୍ତି, ତାଙ୍କୁ ଖୁବ୍‌ ନିରାପଦ, ସୁରକ୍ଷିତ ଲାଗେ । ମନେହୁଏ ସେ ଯେମିତି ନିଜ ଘରେ ଅଛନ୍ତି । ଓରହାନ ଏଭଳି ଜଣେ ବ୍ୟକ୍ତି, ଯାହାଙ୍କ ଉପରେ ଆଖିବୁଜି ଭରସା କରାଯାଇପାରିବ ଓ ସବୁ କଥା ସେୟାର କରାଯାଇପାରିବ ବୋଲି କହିଛନ୍ତି ଜାହ୍ନବୀ । ଏଭଳି ବନ୍ଧୁ ସମସ୍ତଙ୍କୁ ସହଜରେ ମିଳନ୍ତି ନାହିଁ । ତେବେ ଓରହାନ ଓ ଜାହ୍ନବୀଙ୍କ ସମ୍ପର୍କ କେବଳ ଯେ ବନ୍ଧୁତାରେ ସୀମିତ – ଏହା ବିଶ୍ୱାସ କରିବା ପାଇଁ ଅନେକେ ରାଜି ନୁହନ୍ତି ।

ସମାଲୋଚକଙ୍କ କହିବା କଥା, ଅଧିକାଂଶ ଉତ୍ସବ ଅନୁଷ୍ଠାନରେ ଦୁହେଁ ଏକାଠି ନଜର ଆସନ୍ତି । କେବଳ ମୁମ୍ବାଇ ବା ଭାରତରେ ନୁହେଁ ଉଭୟେ ଅନେକ ସମୟରେ ବିଦେଶରେ ବୁଲାବୁଲି କରୁଥିବାବେଳେ ବି ଧରା ପଡ଼ିଛନ୍ତି । ତେବେ ଜାହ୍ନବୀ ଅରହାନଙ୍କ ପ୍ରେମରେ ପଡ଼ିଛନ୍ତି କି ନାହିଁ – ଏହାର ସତ୍ୟାସତ୍ୟ ଜାଣିବା ପାଇଁ ପାଠକଙ୍କୁ ଆଉ କିଛି ଦିନ ଅପେକ୍ଷା କରିବାକୁ ପଡ଼ିବ ।

ଜାହ୍ନବୀ ଅଭିନୀତ ‘ମିଲି’ ଏବେ ପ୍ରେକ୍ଷାଳୟରେ ପ୍ରଦର୍ଶିତ ହେଉଛି । ଏଥିରେ ଜାହ୍ନବୀଙ୍କ ଅଭିନୟକୁ ବେଶ୍‌ ପସନ୍ଦ କରୁଛନ୍ତି ଦର୍ଶକ । ୨୦୧୯ରେ ମୁକ୍ତିପ୍ରାପ୍ତ ସୁପରହିଟ୍‌ ମଲାୟାଲମ ଚଳଚ୍ଚିତ୍ର ‘ହେଲନ୍‌’ର ରିମେକ୍‌ ହେଉଛି ‘ମିଲି’ । ଶରଣ ଶର୍ମା ନିର୍ଦ୍ଦେଶିତ ଏ ଫିଲ୍ମର କଥାବସ୍ତୁ କ୍ରିକେଟ୍‌ ଉପରେ ଆଧାରିତ ।

   Related Posts