ପାଟଣା ୨୧/୧୨: ହୁତୁହୁତୁ ହୋଇ ଜଳିଗଲା ଘର ସମ୍ମୁଖରେ ଛିଡା ହୋଇଥିବା ବୋଲେରୋ । ଘଟଣା ଘଟିଛି କେନ୍ଦୁଝର ଜିଲ୍ଲା ପାଟଣା ଥାନା ପୁଟୁଳିଆ ଗ୍ରାମରେ ।

ସବୁଦିନ ଭଳି ଗତକାଲି ଗ୍ରାମର ବୀର ମହାନ୍ତଙ୍କ ବୋଲେରୋ ଗାଡିଟି ଘର ସମୂଖରେ ଛିଡା ହୋଇଥିଲା । ବିଳମ୍ବିତ ରାତିରେ କୌଣସି କାରଣରୁ ଗାଡ଼ିରେ ଅଗ୍ନିକାଣ୍ଡ ଘଟି ଗାଡିଟି ସମ୍ପୂର୍ଣ୍ଣ ଭାବରେ ଜଳି ପୋଡି ନଷ୍ଟ ହୋଇଯାଇଛି ।

ଖବର ପାଇ ଅଗ୍ନିଶମ ବାହିନୀ ଆସି ନିଆଁକୁ ଆୟତ୍ତ କରିଥିଲେ ମଧ୍ୟ ଗାଡିଟି ସମ୍ପୂର୍ଣ୍ଣ ଜଳି ଯାଇଛି । ଅଗ୍ନିକାଣ୍ଡର କାରଣ ଅସ୍ପଷ୍ଟ ଥିବା ବେଳେ କେହି ଦୁର୍ବୃତ୍ତ ନିଆଁ ଲଗାଈ ଦେଇଥିବା କିମ୍ବା ସର୍ଟ ସର୍କିଟ ଯୋଗୁଁ ଅଗ୍ନିକାଣ୍ଡ ଘଟିଥିବା ଅନୁମାନ କରାଯାଉଛି ।