AKK 2023
Hari omm 2
AKK2023
hari om films
WEB_F-8
HARI-OMM_728X90_B
WEB_F-9
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଖୋର୍ଦ୍ଧା: ଜମିବାଡି ବିବାଦକୁ ନେଇ ଜଟଣୀ କନ୍ତିଆରେ ଫୁଟିଲା ବୋମା, ବ୍ୟବସାୟୀ ଗୁରୁତର
  • ||
  • କ୍ରାଇମବ୍ରାଞ୍ଚ ଖୋଲୁଛି ଗୋପାଳ ଗୁମର, ୪ ଦିନିଆ ରିମାଣ୍ଡରେ ଚାଲିଛି ମାରାଥନ ଜେରା
  • ||
  • ପାରାଦ୍ୱୀପ: ବାଇକ୍‌ ଓ କାର୍‌କୁ ଧକ୍କା ଦେଲା ପିକ୍‌ଅପ୍ ଭ୍ୟାନ୍, ୬ ଆହତ
  • ||
  • କରଞ୍ଜିଆ: ଥରୁଛି ଶିମିଳିପାଳ, ଉପର ବାର୍‌ହା କାମୁଡ଼ାରେ ତାପମାତ୍ରା ସର୍ବନିମ୍ନ ୪ଡିଗ୍ରୀ
  • ||

୧୨୦ ମହିଳାଙ୍କ ସହିତ ଦୁଷ୍କର୍ମ; ଭଣ୍ଡ ଜିଲାପି ବାବାକୁ ୧୪ବର୍ଷ ଜେଲ୍ ଦଣ୍ଡାଦେଶ ଶୁଣାଇଲେ କୋର୍ଟ

11/01/2023 at 12:13 PM

ଚଣ୍ଡିଗଡ଼: ଦୁଷ୍କର୍ମ ମାମଲାରେ ଦୋଷୀ ସାବ୍ୟସ୍ତ ଜିଲାପି ବାବା । ହରୟାଣାର ଫତେହବାଦରେ ଆଶ୍ରମ କରିଥିବା ବାବା ଅମରବୀରଙ୍କୁ ଜେଲ୍ ଦଣ୍ଡାଦେଶ । ଫତେହବାଦ ଜିଲ୍ଲା କୋର୍ଟ ୧୪ ବର୍ଷ ସଶ୍ରମ କାରାଦଣ୍ଡ ଶୁଣାଇଛନ୍ତି । ଅତିରିକ୍ତ ଜିଲ୍ଲା ଜର୍ଜ ଅଭିଯୁକ୍ତ ଜିଲାପି ବାବାକୁ ଦୁଷ୍କର୍ମ ମାମଲାରେ ଦଣ୍ଡିତ କରିଛନ୍ତି ।

ସୂଚନା ଅନୁଯାୟୀ, ଜିଲାପି ବାବା ହରିଆଣାର ଫତେହବାଦରେ ଏକ ଆଶ୍ରମ ଖୋଲି ସେଠାରେ ନିଜକୁ ମହନ୍ତ ବୋଲି ଦର୍ଶାଉଥିଲେ । ଦୈବୀ ଶକ୍ତି ଦ୍ବାରା ମହିଳାଙ୍କ ରୋଗ ଭଲ କରିଦେଉଥିବା ପ୍ରଚାର କରିଥିଲେ । ରୋଗ ଭଲ କରିବା ବାହାନାରେ ଚା’ରେ ନିଶା ଦେଇ ଦୁଷ୍କର୍ମ କରୁଥିଲେ । କେବଳ ଏତିକି ନୁହେଁ ଦୁଷ୍କର୍ମ ବେଳର ଭିଡିଓ ମଧ୍ୟ ରେକର୍ଡିଂ କରୁଥିଲେ । ପରବର୍ତ୍ତୀ ସମୟରେ ସେହି ମହିଳାମାନଙ୍କୁ ବ୍ଲାକମେଲିଂ କରି ଟଙ୍କା ଉପାର୍ଜନ କରୁଥିଲେ । ଶାରୀରିକ ସମ୍ପର୍କ ରଖିବାକୁ ମହିଳାଙ୍କୁ ଚାପ ପକାଉଥିଲେ । ଏନେଇ ଫତେହବାଦ ମହିଳା ଥାନାରେ ବାବା ଅମରବୀରଙ୍କ ନାଁରେ ଅଭିଯୋଗ ହୋଇଥିଲା ।

ଭଣ୍ଡବାବା ପ୍ରାୟ ୧୨୦ଜଣ ମହିଳାଙ୍କୁ ଯୌନ ଶୋଷଣ ସହ ଆର୍ଥିକ ଶୋଷଣ ମଧ୍ୟ କରୁଥିଲେ । ୨୦୧୮ରେ ଜଣେ ମହିଳାଙ୍କ ସହ ତାଙ୍କର ଆପତ୍ତିଜନକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା । ଏହାକୁ ଥାନରେ ମାମଲା ରୁଜୁ ପରେ ପୋଲିସ ଫତେହବାଦର ଶକ୍ତିନଗର ଅଞ୍ଚଳରେ ଥିବା ଘର ଉପରେ ଚଢ଼ାଉ କରି ବାବାଙ୍କୁ ଗିରଫ କରିଥିଲା । ଯାଞ୍ଚ ବେଳେ ପୋଲିସ ଆତ୍ମଘୋଷିତ ଜିଲାପି ବାବାର ୧୨୦ଜଣ ମହିଳାଙ୍କ ସହିତ ଅଶ୍ଳୀଳ ଭିଡିଓ ଦେଖିବାକୁ ପାଇଥିଲା । ଏହାକୁ ଆଧାର କରି ଫତେହବାଦ ଜିଲ୍ଲା କୋର୍ଟ ଭଣ୍ଡବାବାକୁ ଦୋଷୀ ସାବ୍ୟସ୍ତ କରିବା ସହିତ ୧୪ବର୍ଷ କାରଦଣ୍ଡ ଶୁଣାଇଛନ୍ତି  ।

ଭଣ୍ଡବାବାର ନିଜ ଘର ପଞ୍ଜାବର ମନ୍‌ସା ଜିଲ୍ଲାରେ । ଆଜକୁ ପ୍ରାୟ ୨୦ ବର୍ଷ ତଳେ ସେ ହରିଆଣା ଚାଲି ଆସିଥିଲେ । ଟୋହନା ରେଲୱେ ରୋଡ୍‌ରେ ଜିଲାପି ବିକ୍ରି ଆରମ୍ଭ କରିଥିଲେ । ପତ୍ନୀଙ୍କ ମୃତ୍ୟୁ ପରେ ସେ ଜଣେ ତାନ୍ତ୍ରିକଙ୍କ ସଂସ୍ପର୍ଶରେ ଆସିଥିଲେ । ପରେ ସେ ଜିଲାପି ବିକ୍ରି ଛାଡି ତନ୍ତ୍ରମନ୍ତ୍ର ବିଦ୍ୟା ଆରମ୍ଭ କରିଥିଲେ । ଶେଷରେ ଏକ ଆଶ୍ରମ ପ୍ରତିଷ୍ଠା କରିଥିଲେ । ଏହି କାରଣରୁ ସ୍ଥାନୀୟ ଅଞ୍ଚଳରେ ସେ ଜିଲାପି ବାବା ଭାବେ ପରିଚିତ ଥିଲେ ।

   Related Posts