ଯାଜପୁର: ଯାଜପୁର ଜିଲ୍ଲା ବଡଚଣା ଶାସନ ପୁରୁଷୋତ୍ତମପୁର ୬୦ତମ ମେଳଣ ଉତ୍ସବ ପାଳିତ ହୋଇ ଯାଇଛି। ଏହି ମେଲଣରେ  ଥାନପତି ଭାବେ ଶାସନ ପୁରୁଷୋତ୍ତମ ପୁରର ଗୋପୀନାଥ ଜୀୟୁ ଅଗ୍ରପୂଜା ସେବା ପାଇଁ ପ୍ରଥମେ ଆସିଥିଲେ। ଏହାପରେ ଆଖ ପାଖ ଅଞ୍ଚଳର ୧୬ ରୁ ଉର୍ଦ୍ଧ୍ୱ ଦୋଳ ଗୋବିନ୍ଦ ଜୀୟୁ ଶୋଭାଯାତ୍ରାରେ ଆରି ମେଳଣ ପଡ଼ିଆରେ ପହଞ୍ଚିଥିଲେ।

ବଡଚଣା ଶାସନ ପୁରୁଷୋତ୍ତମପୁର ଏହି ମେଳଣ ଖୁବ୍ ଲୋକପ୍ରିୟ। ଦୀର୍ଘ ବର୍ଷ ହେଲା ଏହି ପର୍ବ ପାଳନ ହୋଇ ଆସୁଛି। ବଡଚଣା ଶାସନ ପୁରୁଷୋତ୍ତମପୁର ଗ୍ରାମରେ ଗ୍ରାମବାସୀମାନେ ଯିଏ ଯେଉଁଠି ଥିଲେ ବି ମେଳଣ ପାଇଁ ସବୁ ଗାଁକୁ ଫେରନ୍ତି। ଧୁମ୍‌ଧାମରେ ମେଳଣ ପାଳନ ହୁଏ।

ଏଥିପାଇଁ ମେଳଣ କମିଟି ପରିଚାଳନା ଦାୟିତ୍ୱରେ ଥାଆନ୍ତି। ମେଳଣ ପଡ଼ିଆରେ ଏକତ୍ର ହୋଇ ଗ୍ରାମବାସୀମାନେ ପରସ୍ପରକୁ ଅବିର ବୋଳି ଫଗୁ ଉତ୍ସବରେ କୃଷ୍ଣ ପ୍ରେମରେ ଝୁଲନ୍ତି। ଫଗୁଣର ଏହି ଦୋଳ ଉତ୍ସବ ପ୍ରାୟ ୬୦ ବର୍ଷ ଧର ପାଳନ କରାଯାଉ ଥିବା କମିଟି ପକ୍ଷରୁ ସଭାପତି ସୂଚନା ଦେଇଥିଲେ।