ଚଣ୍ଡିଖୋଲ ୭।୨: ବହୁ ଚର୍ଚ୍ଚିତ ଯାଜପୁର ଜିଲ୍ଲା ଧର୍ମଶାଳା ହରିଦାସପୁର ପିଇଓ ସ୍ମିତାରାଣୀ ବିଶ୍ବାଳଙ୍କ ମୃତ୍ୟୁକୁ ନେଇ ବିବାଦୀୟ ସରପଞ୍ଚଙ୍କ ସ୍ବାମୀ ରୂପେଶ ଭଦ୍ରଙ୍କ ଗେଷ୍ଟ ହାଉସ ଭଙ୍ଗା ହେଉଛି । ଯାଜପୁର ଜିଲ୍ଲା ପ୍ରଶାସନ ପକ୍ଷରୁ ରଙ୍ଗଶାଳାକୁ ଭଙ୍ଗା ଯାଉଥିଲା ଜଣାପଡିଛି । ଯାଜପୁର ଉପଜିଲ୍ଲାପାଳଙ୍କ ଉପସ୍ଥିତରେ ସ୍ଥାନୀୟ ତହସିଲଦାର ଏବଂ ପୋଲିସ ଉପସ୍ଥିତରେ ଭଙ୍ଗା ଚାଲିଛି । ପୂର୍ବରୁ ଏହି ଗେଷ୍ଟ ହାଉସଟି ସରକାରୀ ଜମିରେ ଗଢି ଉଠିଥିବା ତଦନ୍ତ ପରେ ଜଣାପଡିଥିଲା ।
{"id":221246,"sizeSlug":"large"}ସରକାରୀ ଜମିରେ ଥିବା ରଙ୍ଗଶାଳା ମାଟିରେ ମିଶିବ ବୋଲି ଯାଜପୁର ଜିଲ୍ଲାପାଳଙ୍କୁ ଅବଗତ କରାଇଥିଲା ରାଜସ୍ବ ବିଭାଗ । ରଙ୍ଗଶାଳା ଭାଙ୍ଗିବ ନା ରହିବ ତାକୁ ନେଇ ଅନେକ ଦିନ ଧରି ବିତର୍କ ଚାଲିଥିଲା । ରଙ୍ଗଶାଳାକୁ ନଭାଙ୍ଗି ଅନ୍ୟ କାମରେ ବ୍ୟବହାର ପାଇଁ ରାଜସ୍ବ ବିଭାଗରୁ ଅନୁମତି ଲୋଡିଥିଲେ ଜିଲ୍ଲାପାଳ ।
{"id":221247,"sizeSlug":"large"}ରାଜସ୍ବ ବିଭାଗକୁ ଜିଲ୍ଲାପାଳ ଲେଖିଥିବା ଚିଠିରେ ସ୍ଥାନୀୟ ଲୋକ ଏବଂ କିଛି ସଂଗଠନ ସେଠାରେ ଲାଇବ୍ରେରୀ, ହସ୍ପିଟାଲ୍ କରିବା ପାଇଁ ଅନୁରୋଧ କରୁଥିବା ଉଲ୍ଲେଖ ଥିଲା । ତେଣୁ ସେଠି ଏଭଳି ବ୍ୟବସ୍ଥା କରାଯାଇ ପାରିବ କି ନାହିଁ ସେନେଇ ଜିଲ୍ଲାପାଳ ରାଜସ୍ବ ବିଭାଗକୁ ସ୍ପଷ୍ଟୀକରଣ ମାଗିଥିଲେ । ମାତ୍ର ଆଇନ ମୁତାବକ ସରକାରୀ ଜମିରେ କୌଣସି ବେଆଇନ ନିର୍ମାଣକୁ ଭାଙ୍ଗିଦେବା ପାଇଁ ନିୟମ ରହିଛି । ତେଣୁ ଗେଷ୍ଟ ହାଇସ୍ ଟି ଭଙ୍ଗାଯିବା ନେଇ ନିଷ୍ପତ୍ତି ହୋଇଥିଲା ।