ଭଲ ବିଦେଶ ନୀତି ଯୋଗୁଁ ପେଟ୍ରୋଲ ମୂଲ୍ୟ ବଢିନି...ୟୁକ୍ରେନ ଯୁଦ୍ଧ ଏବଂ ରୁଷ ସହ ସମ୍ପର୍କ ଉପରେ ବିଦେଶ ମନ୍ତ୍ରୀଙ୍କ ବୟାନ

Published By : Prameya-News7 Bureau | July 03, 2023 IST

ନୂଆଦିଲ୍ଲୀ: ବିଦେଶ ମନ୍ତ୍ରୀ ଏସ ଜୟଶଙ୍କର ବୟାନ ଏବଂ ବିଭିନ୍ନ ପ୍ରସଙ୍ଗରେ ତାଙ୍କ ପ୍ରତିକ୍ରିୟା ସହ ଦେଶବାସୀ ବେଶ ପରିଚିତ । ଦେଶ ହେଉ ବା ବିଦେଶ, ଜୟଶଙ୍କର ଯେତେବେଳେ ଉତ୍ତର ରଖନ୍ତି ସେତେବେଳେ ବିରୋଧୀଙ୍କ ମୁହଁ ବନ୍ଦ କରିଦିଅନ୍ତି । ବିଦେଶ ମନ୍ତ୍ରୀ ଏସ.ଜୟଶଙ୍କର ସୋମବାର ବିଜେପି ଜନସମ୍ପର୍କ ଅଭିଯାନରେ ଦିଲ୍ଲୀର ଏନଆଇଟି କଲେଜ ପହଞ୍ଚିଥିଲେ । ଛାତ୍ରଛାତ୍ରୀଙ୍କ ସହ ଆଲୋଚନା କରିବା ସମୟରେ ତାଙ୍କ ସାମନାରେ ପ୍ରଶ୍ନ ରଖାଯାଇଥିଲା । ଯାହାର ଜବାବ ନିଜ ଶୈଳୀରେ ରଖିଥିଲେ ବିଦେଶ ମନ୍ତ୍ରୀ । ଏହି ସମୟରେ ବିଦେଶ ମାମଲାକୁ ନେଇ ଏକ ପ୍ରଶ୍ନ କରାଯାଇଥିଲା । ଜୟଶଙ୍କର ଏହାର ଜବାବରେ କହିଥିଲେ ଯେ ଭଲ ବିଦେଶ ନୀତିର ହିଁ ପରିଣାମ, ନ ହେଲେ ଆଜି ପେଟ୍ରୋଲର ମୂଲ୍ୟ, ରୋଷେଇ ତେଲର ମୂଲ୍ୟ ଅଧିକ ରହିଥାଆନ୍ତା । ଆଇଫୋନର ମଧ୍ୟ ଅଧିକ ମହଙ୍ଗା ହୋଇଥାଆନ୍ତା ।

ଦିଲ୍ଲୀର ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲଜି ଅର୍ଥାତ୍ ଏନଆଇଟିରେ ଜନସମ୍ପର୍କ ଅଭିଯାନ ସମୟରେ ଜୟଶଙ୍କର କହିଥିଲେ ଯେ ବିଦେଶ ନୀତିର ନିଷ୍ପତ୍ତି ଆମର ଦୈନିକ ଜୀବନ ଉପରେ ପ୍ରଭାବ ପକାଇଥାଏ । ସେ କହିଛନ୍ତି ଯେ ଭଲ ବିଦେଶ ନୀତି ନଥିଲେ ଦେଶରେ ପେଟ୍ରୋଲ ମୂଲ୍ୟ ବହୁ ଅଧିକ ରହିଥାଆନ୍ତା । ରୁଷରୁ ତେଲ ଆମଦାନୀ ଜାରି ରଖିବା ପ୍ରଶ୍ନ ଉପରେ ମଧ୍ୟ ଜୟଶଙ୍କର ଜବାବ ଦେଇଛନ୍ତି । ଜୟଶଙ୍କର କହିଛନ୍ତି ଯେ ଦେଶରେ ପ୍ରତିବ୍ୟକ୍ତି ଆୟ ୨ ହଜାର ଡଲାର । ଏହା କେନ୍ଦ୍ର ସରକାରଙ୍କ ଦାୟିତ୍ୱ ଯେ ସେ ନିଜ ଲୋକଙ୍କୁ ଭଲ ଡିଲ୍ ଦେବେ ।

wp:html /wp:html

ୟୁକ୍ରେନ ଯୁଦ୍ଧ ପରେ ପାଶ୍ଚାତ୍ୟ ଦେଶ ରୁଷ ଉପରେ ଅନେକ କଟକଣା ଜାରି କରିଛନ୍ତି । ସମ୍ପର୍କ ମଧ୍ୟ ଖରାପ ହୋଇଛି, କିନ୍ତୁ ଭାରତ ନିଜ ବନ୍ଧୁ ସହ ବନ୍ଧୁତା ଜାରି ରଖିଲା । ଦୁଇ ଦେଶର ସମ୍ପର୍କ ଉପରେ ବିଦେଶ ମନ୍ତ୍ରୀ କହିଛନ୍ତି ଯେ ମୋ ମତରେ ସେ ଅନ୍ୟ ଦେଶଙ୍କ ସହ କଣ କରୁଛି, ଆମେ ଏହା ଉପରେ ଅଧିକ ଚିନ୍ତା କରିବା ଦରକାର ନାହିଁ ।

Also Read: କିଭ୍ ଉପରେ ଋଷ୍‌ର ଡ୍ରୋନ୍ ଆକ୍ରମଣ; ସମସ୍ତ ଯୁଦ୍ଧାସ୍ତ୍ରକୁ ମାରି ଖସାଇଲା ୟୁକ୍ରେନ ସେନା

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.