ନୂଆଦିଲ୍ଲୀ: ବିଦେଶ ମନ୍ତ୍ରୀ ଏସ. ଜୟଶଙ୍କର ସୋମବାର ଲଣ୍ଡନରେ ବ୍ରିଟେନର ନୂଆ ବିଦେଶ ମନ୍ତ୍ରୀ ଡେଭିଡ୍ କ୍ୟାମେରନଙ୍କୁ ଭେଟି ଶୁଭେଚ୍ଛା ଜଣାଇଛନ୍ତି । ୨୦୧୦ରୁ ୨୦୧୬ ଯାଏ ୟୁକେର ପ୍ରଧାନମନ୍ତ୍ରୀ ଥିବା କ୍ୟାମେରନଙ୍କୁ ଆଜି ହିଁ ବ୍ରିଟେନ୍ ପ୍ରଧାନମନ୍ତ୍ରୀ ଋଷି ସୁନକ ନିଯୁକ୍ତି ଦେଇଥିଲେ । ଜେମ୍ସ କ୍ଲେଭରଲୀ ସ୍ଥାନରେ ତାଙ୍କୁ ଏହି ନୂଆ ଦାୟିତ୍ୱ ଦିଆଯାଇଛି ।
ଡେଭିଡ୍ କ୍ୟାମେରନଙ୍କ ସହ ସାକ୍ଷାତ ପରେ ଏସ.ଜୟଶଙ୍କର ସୋସିଆଲ୍ ମିଡିଆ ପ୍ଲାଟଫର୍ମ ଏକ୍ସରେ ଲେଖିଛନ୍ତି, 'ଆଜି ଅପରାହ୍ମରେ ବ୍ରିଟେନ୍ ବିଦେଶ ମନ୍ତ୍ରୀ ଡେଭିଡ୍ କ୍ୟାମେରନଙ୍କୁ ତାଙ୍କ କାର୍ଯ୍ୟାଳୟରେ ଭେଟିଛି । ଆଜି ତାଙ୍କ ନିଯୁକ୍ତିର ପ୍ରଥମ ଦିନ । ନୂତନ ବିଦେଶ ମନ୍ତ୍ରୀଙ୍କୁ ଶୁଭେଚ୍ଛା'। ଦୁଇ ନେତାଙ୍କ ମଧ୍ୟରେ ଇସ୍ରାଏଲ-ହମାସ ଯୁଦ୍ଧ ଉପରେ ଆଲୋଚନା କରିଛନ୍ତି ।
wp:html/wp:htmlA pleasure to meet UK Foreign Secretary @David_Cameron this afternoon on his first day in office. Congratulated him on his appointment.
— Dr. S. Jaishankar (@DrSJaishankar) November 13, 2023
Held a detailed discussion on realizing the full potential of our strategic partnership.
Also exchanged views on the situation in West Asia,… pic.twitter.com/guxyCxLuRM
ଭାରତର ବିଦେଶ ମନ୍ତ୍ରୀ ଲେଖିଛନ୍ତି, 'ବୈଠକ ସମୟରେ ନିଜ ରଣନୀତିକ ସହଭାଗୀତାକୁ ସମ୍ପୂର୍ଣ୍ଣ କ୍ଷମତାରେ ସଫଳ କରାଇବା ଉପରେ ବିସ୍ତୃତ ଚର୍ଚ୍ଚା ହୋଇଛି । ଏହାଛଡା ବୈଠକରେ ପଶ୍ଚିମ ଏସିଆରେ ବର୍ତ୍ତମାନ ସ୍ଥିତି, ୟୁକ୍ରେନ ସଂଘର୍ଷ ଓ ଇଣ୍ଡୋ-ପେସିଫିକ ଉପରେ ଆଲୋଚନା ହୋଇଛି'। କ୍ୟାମେରନଙ୍କ ସହ ମିଶି କରିବାକୁ ଉତ୍ସୁକ ଥିବା ଜୟଶଙ୍କର କହିଛନ୍ତି ।
Also Read: ବ୍ରିଟେନ୍ର ପୂର୍ବତନ ପ୍ରଧାନମନ୍ତ୍ରୀଙ୍କୁ ଗୁରୁ ଦାୟିତ୍ୱ, ନୂଆ ବୈଦେଶିକ ମନ୍ତ୍ରୀ ହେଲେ ଡେଭିଡ୍ କ୍ୟାମେରନ୍