ପାରାଦୀପ ୧୦।୯: ଆଉ ଥରିବନି ଛାତି କି କମ୍ପିବନି କାନ । ସ୍ମୁଥ୍ ସାଉଣ୍ଡରେ ହେବ ରୋସଣୀ, ଚାଲିବ ମନୋରଞ୍ଜନ । କାରଣ ଚଳିତ ବର୍ଷ ଠାରୁ ଜଗନ୍ନାଥଙ୍କ ନାମରେ ଶପଥ ନେଇଛନ୍ତି ଜଗନ୍ନାଥ ଟେଣ୍ଡ, ଲାଇଟ୍ ଆଣ୍ଡ ସାଉଣ୍ଡ ମାଲିକ ସଂଘ । ଜଗତସିଂହପୁର ଜିଲ୍ଲା ପୋଲିସ ସହ ମିଳିତ ବୈଠକ ପରେ ସ୍ଥାନୀୟ ରାହାମା ଜିତ୍ ମଣ୍ଡପ ଠାରେ ଏକ ସାମ୍ବାଦିକ ସମ୍ମିଳନୀ କରି ସମସ୍ତଙ୍କୁ ସଚେତନ କରାଇଛନ୍ତି ସଂଘର ସଭାପତି ଶିଶିର କୁମାର ଦାସ । 

ଜଗତସିଂହପୁର ଜିଲ୍ଲାର ୮ ଗୋଟି ବ୍ଲକ୍‌ର ଟେଣ୍ଡ, ଲାଇଟ ଓ ସାଉଣ୍ଡ କରିଥିବା ମାଲିକ ମାନେ ମିଳିତ ଭାବେ ଏକତ୍ରିତ ହୋଇ ଏହି ଶପଥ ନେଇଥିବା ଦେଖିବାକୁ ମିଳିଛି । ଅନେକ ସମୟରେ ହେଭି ସାଉଣ୍ଡ ପାଇଁ ଅଭିଯୋଗ ଆସୁଥିବା ବେଳେ ଏଥିରୁ ନିବୃତ ରହି ନିୟମ ଅନୁସାରେ ସାଉଣ୍ଡ ପରିଚାଳନା କରିବାକୁ ସଂଘର ସଭାପତି ସମସ୍ତଙ୍କୁ ପ୍ରସ୍ତାବ ଦେଇଛନ୍ତି । ଅନେକ ଲାଇଟ ସାଉଣ୍ଡ ଗାଡିରେ ଆଗରୁ ୪୦ରୁ ଉର୍ଦ୍ଧ୍ବ ବକ୍ସ ଲାଗୁଥିଲା ବେଳେ ଏବେ ତାହା ୧୦/୧୨କୁ ଖସି ଆସିଲାଣି । ମିନିମମ୍ ସାଉଣ୍ଡରେ ଲୋକଙ୍କ କ୍ଷତି ନହେଲା ପରି ପରିଚାଳନା କରି ମନୋରଞ୍ଜନ କରିବାକୁ ସଂଘ ନିଷ୍ପତ୍ତି ଗ୍ରହଣ କରିଛି । ଅସୁବିଧା ସମୟରେ ସମସ୍ତ ସଦସ୍ୟ ସଂଘରୁ ସାହାଯ୍ଯ ନେଇପାରିବେ ଓ ଗାଡି ଖରାପ ହେଇଗଲେ ସଙ୍ଗେ ସଙ୍ଗେ ଗାଡି ଯୋଗାଇ ଦିଆଯିବ ବୋଲି ମଧ୍ଯ ନିଷ୍ପତ୍ତି ନିଆଯାଇଛି ।

You Can Read:

ଦୟା ନଦୀରେ ନିର୍ମାଣ ହେବ ଜଳଭଣ୍ଡାର, ଡେଲାଙ୍ଗରେ ୫ଟି ମେଗା ପାନୀୟ ଜଳ ପ୍ରକଳ୍ପ : ପଞ୍ଚାୟତିରାଜ ଓ ପାନୀୟ ଜଳ ମନ୍ତ୍ରୀ