ଭୁବନେଶ୍ୱର ୧୪।୧୨ : ଅର୍ଚ୍ଚନା ପରେ ଏବେ ଜଗବନ୍ଧୁଙ୍କ ପାଳି । ଜଗବନ୍ଧୁଙ୍କ ରିମାଣ୍ଡରେ ନେଲା ପ୍ରବର୍ତ୍ତନ ନିର୍ଦ୍ଦେଶାଳୟ । ଜଗବନ୍ଧୁଙ୍କୁ ୯ ଦିନିଆ ରିମାଣ୍ଡରେ ନେଇ ପଚରାଉଚରା କରିବ ପ୍ରବର୍ତ୍ତନ ନିର୍ଦ୍ଦେଶାଳୟ ।
ଖବର ଅନୁଯାୟୀ, ନାଗ ଦମ୍ପତ୍ତିଙ୍କ ବେଆଇନ ଆର୍ଥିକ କାରବାର ନେଇ ଖୋଳତାଡ଼ କରୁଛି ଇଡି । ଏହିକ୍ରମରେ ଉଭୟ ସ୍ୱାମୀ-ସ୍ତ୍ରୀଙ୍କୁ ରିମାଣ୍ଡରେ ନେବା ପାଇଁ ଆବେଦନ କରିଥିଲେ ଇଡି । ହେଲେ କୋର୍ଟରେ ଅର୍ଚ୍ଚନାଙ୍କୁ ୬ ଦିନ ଏବଂ ଜଗବନ୍ଧୁଙ୍କୁ ୯ଦିନିଆ ରିମାଣ୍ଡେ ନେବାକୁ ଅନୁମତି ଦେଇଥିଲେ । ଯାହାକୁ ଆଧାର କରି ଝାରପଡ଼ା ଜେଲ୍ରେ ପହଞ୍ଚିଛନ୍ତି ଇଡି ଅଧିକାରୀ । ଝାରପଡ଼ା ଜେଲ୍ରୁ ଜଗବନ୍ଧୁଙ୍କୁ ୯ ଦିନିଆ ରିମାଣ୍ଡରେ ନେବ ପ୍ରବର୍ତ୍ତନ ନିର୍ଦ୍ଦେଶାଳୟ ।
ଅନ୍ୟପଟେ ଶ୍ରଦ୍ଧାଞ୍ଜଳିଙ୍କୁ ଲାଗିଛି ହାଇକୋର୍ଟରୁ ଝଟ୍କା । ଶ୍ରଦ୍ଧାଞ୍ଜଳିଙ୍କୁ ଅନ୍ତରୀଣ ସୁରକ୍ଷା ଦେବାକୁ ମନା କରିଛନ୍ତି କୋର୍ଟ । ଇଡିକୁ ତଦନ୍ତରେ ସହଯୋଗ କରିବାକୁ ଶ୍ରଦ୍ଧାଞ୍ଜଳିଙ୍କୁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି ।
