କଟକ ୧୫।୦୩ : ଅର୍ଚ୍ଚନା ନାଗ ଗିରଫ ମାମଲା । ଅର୍ଚ୍ଚନାଙ୍କ ସ୍ୱାମୀ ଜଗବନ୍ଧୁଙ୍କୁ ମିଳିଲା ଜାମିନ୍‌ । ସର୍ତ୍ତମୂଳକ ଜାମିନ୍‌ ପ୍ରଦାନ କଲେ ହାଇକୋର୍ଟ । ୩ଟି ମାମଲାରୁ ଗୋଟିଏ ମାମଲାରେ ମିଳିଛି ଜାମିନ ।

ଖବର ଅନୁଯାୟୀ, ବ୍ଲାକମେଲିଂ ଓ ଆର୍ଥିକ ହେର୍‌ଫେର୍‌ ମାମଲାରେ ଗିରଫ ହୋଇଛନ୍ତି ଅର୍ଚ୍ଚନା । ତାପରେ ତାଙ୍କ ସହଯୋଗ କରିବା ଅଭିଯୋଗରେ ସ୍ୱାମୀ ଜଗବନ୍ଧୁ ଏବଂ ଖଗେଶ୍ୱରଙ୍କୁ ଗିରଫ କରିଥିଲା ପୋଲିସ । ସେବେଠାରୁ ସମସ୍ତ ଜେଲ୍‌ରେ ଅଛନ୍ତି । ଏହିକ୍ରମରେ ଆର୍ଥିକ ହେରଫେର୍‌ ନେଇ ଇଡି ମଧ୍ୟ ତଦନ୍ତ କରୁଛି ।

ସେହିପରି ନିକଟରେ ଅର୍ଚ୍ଚନାଙ୍କ ଜାମିନ୍‌ ଆବେଦନ ଖାରଜ କରିଥିଲେ ମାନ୍ୟବର ହାଇକୋର୍ଟ । ଆଉ ଏବେ ବୁଧବାର ଦିନ ଅର୍ଚ୍ଚନାଙ୍କ ସ୍ୱାମୀ ଜଗବନ୍ଧୁଙ୍କୁ ହାଇକୋର୍ଟରୁ ଜାମିନ ମିଳିଛି । ମାନ୍ୟବର ହାଇକୋର୍ଟ ସର୍ତ୍ତମୂଳକ ଭାବେ ଜାମିନ୍‌ ପ୍ରଦାନ କରିଛନ୍ତି । ଜଗବନ୍ଧୁଙ୍କ ବିରୋଧରେ ଥିବା ୩ଟି ମାମଲାରୁ ଗୋଟିଏର ମିଳିଛି ଜାମିନ୍‌ । ଯାହାଫଳରେ ଜଗବନ୍ଧୁଙ୍କୁ ଜାମିନ୍‌ ମିଳିଥିଲେ ବି ସେ ଜେଲ୍‌ରେ ରହିବେ ।