ଶ୍ରୀନଗର: ଜାମ୍ମୁ-କାଶ୍ମୀରର ରଜୌରୀ ସେକ୍ଟରରେ ଗୁଳିମାଡ଼ । ରବିବାର ସଂଧ୍ୟାରେ ଆତଙ୍କବାଦୀମାନେ ଆବାସିକ ଅଞ୍ଚଳରେ ଫାୟାରିଂ କରିଛନ୍ତି । ଏଥିରେ ୨ଜଣଙ୍କ ମୃତ୍ୟୁ ହୋଇଥିବା ବେଳେ ୭ଜଣ ଆହତ ହୋଇଛନ୍ତି । ଆହତଙ୍କୁ ରଜୌରୀ ମେଡିକାଲ କଲେଜରେ ଭର୍ତ୍ତି କରି ଚିକତ୍ସା କରାଯାଇଛି ।
ସୂଚନା ଅନୁଯାୟୀ, ରବିବାର ସଂଧ୍ଯାରେ ରଜୌରୀର ଡାଙ୍ଗରୀ ଗାଁରେ ଆତଙ୍କବାଦୀମାନେ ଫାୟାରିଂ କରିଥିଲେ । ୫୦ମିଟର ମଧ୍ୟରେ ୩ଟି ପୃଥକ ପୃଥକ ସ୍ଥାନରେ ଗୁଳିମାଡ଼ କରିଥିଲେ । ଏଥିରେ ୭ଜଣ ସାଧାରଣ ଲୋକ ଆହତ ହୋଇଛନ୍ତି । ଆହତଙ୍କୁ ରଜୌରୀ ମେଡିକାଲ କଲେଜରେ ଭର୍ତ୍ତି କରାଯାଇଥିଲା । ଚିକିତ୍ସା ବେଳେ ୨ଜଣଙ୍କ ମୃତ୍ୟୁ ହୋଇଥିବା ସ୍ପଷ୍ଟ କରିଛନ୍ତି ହସ୍ପିଟାଲ କର୍ତ୍ତୃପକ୍ଷ ।
ଅନ୍ୟପଟେ ଘଟଣାରେ ଖବର ପାଇ ଭାରତୀୟ ସେନା ସର୍ଚ୍ଚ ଅପରେସନ ଜାରି ରଖିଛି । ପୋଲିସ, ସିଆରପିଏଫ ଓ ସେନା ସ୍ଥାନୀୟ ଅଞ୍ଚଳକୁ ଘେରାବନ୍ଦୀ କରି ଘର ଗୁଡ଼ିକୁ ତନତନ ଛାନବିନ୍ କରୁଛି ।
