ନୂଆଦିଲ୍ଲୀ ୦୮।୦୩ : ଇଟାଲୀର ରାଜଧାନୀ ରୋମ ନିକଟରେ ଅଘଟଣ । ଏୟାରଫୋର୍ସର ଦୁଇଟି ବିମାନ ଦୁର୍ଘଟଣାଗ୍ରସ୍ତ । ଏହି ଦୁର୍ଘଟଣାରେ ଦୁଇ ଜଣ ପାଇଲଟଙ୍କର ମୃତ୍ୟୁ ହୋଇଯାଇଛି । ଇଟାଲୀ ପ୍ରଧାନମନ୍ତ୍ରୀ ଏନେଇ ଟ୍ୱିଟ୍ ଯୋଗେ ସୂଚନା ଦେଇଛନ୍ତି । ଘଟଣାସ୍ଥଳରେ ଏବେବି ଉଦ୍ଧାର କାର୍ଯ୍ୟ ଜାରି ରହିଛି ।
ଇଟାଲୀ ପ୍ରଧାନମନ୍ତ୍ରୀ ଟ୍ୱିଟ୍ରେ ଆହୁରୀ ମଧ୍ୟ ଲେଖିଛନ୍ତି ଯେ, ମଙ୍ଗଳବାର ନିୟମିତ ଭାବେ ଟ୍ରେନିଂ ପାଇଁ ଯାଇଥିଲେ ବିମାନ । ଏହି ସମୟରେ ହଠାତ୍ ଗାଇଡୋନିଆରେ ନିକଟରେ ଏହି ପରୀକ୍ଷଣ ସମୟରେ ବାୟୁସେନାର ବିମାନ ଦୁର୍ଘଟଣାଗ୍ରସ୍ତ ହୋଇଥିଲା । ଯାହାଫଳରେ ବିମାନରେ ଥିବା ଦୁଇ ଜଣ ପାଇଲଟଙ୍କର ମୃତ୍ୟୁ ହୋଇଯାଇଛି ।
ଏଠାରେ କହିରଖୁଛି ଯେ, ଦୁର୍ଘଟଣାଗ୍ରସ୍ତ ବିମାନ U-208 ଏକ ଲାଇଟ୍ ଓଜନ ଥିବା ସିଙ୍ଗଲ ଇଞ୍ଜିନ୍ ବିଶିଷ୍ଟ ପ୍ଲେନ୍ । ଯେଉଁଥିରେ ୪ଜଣ ଯାତ୍ରୀ ଯାଇପାରିବେ । ବିମାନଟି ଅତ୍ୟଧିକ ୨୮୫ କିମି ବେଗରେ ଯାଇପାରେ ।
ବିମାନ ଦୁର୍ଘଟଣା ପରେ ମୃତକଙ୍କ ପରିବାର ପ୍ରତି ପ୍ରଧାନମନ୍ତ୍ରୀ ଶୋକ ବେଦନା ଜଣାଇଛନ୍ତି । ସେହିପରି ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଆରମ୍ଭ ହୋଇଛି । ହେଲେ ବିମାନ କିଭଳି ପରିସ୍ଥିତିରେ ଦୁର୍ଘଟଣାଗ୍ରସ୍ତ ହୋଇଛି । ସେନେଇ ତଦନ୍ତ ନିର୍ଦ୍ଦେଶ ଦିଆଯାଇଛି ।
