previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟନା : ନୀତୀଶ କୁମାରଙ୍କ ଅଷ୍ଟମ ପାଳି, ମୁଖ୍ୟମନ୍ତ୍ରୀ ଭାବେ ନେଲେ ଶପଥ
  • ||
  • ରାଜ୍ୟରେ କମିଲା ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୬୫୩ କୋଭିଡ୍ ପଜିଟିଭ୍
  • ||
  • ବ୍ରହ୍ମପୁର: ଗଞ୍ଜେଇ ଚାଲାଣ ବେଳେ ଧରାପଡିଲା ସୁନା ତସ୍କରୀ, ୨୦ ସୁନା ବିସ୍କୁଟ ଜବତ
  • ||
  • ସୋର : ଭାରସାମ୍ୟ ହରାଇ ଓଲଟିଲା ତୀର୍ଥଯାତ୍ରୀ ବସ୍, ୩୦ରୁ ଅଧିକ ଆହତ
  • ||

କଂଗ୍ରେସ ପରେ ବିଜେପି : ଫେସବୁକ୍ କର୍ମଚାରୀ ପ୍ରଧାନମନ୍ତ୍ରୀଙ୍କ ବିରୋଧରେ ଖରାପ ଶବ୍ଦ ପ୍ରୟୋଗ କରୁଥିବା ଅଭିଯୋଗ କରି ଜୁକରବର୍ଗଙ୍କୁ ଚିଠି ଲେଖିଲେ ରବିଶଙ୍କର ପ୍ରସାଦ

1/09/2020 at 8:10 PM

ନୂଆଦିଲ୍ଲୀ, ୦୧|୦୯:   କେନ୍ଦ୍ରୀୟ ସୂଚନା  ଓ ପ୍ରସାରଣ ମନ୍ତ୍ରୀ ରବିଶଙ୍କର ପ୍ରସାଦ ଫେସବୁକ ସିଇଓ ମାର୍କ ଜୁକରବର୍ଗଙ୍କୁ ମଙ୍ଗଳବାର ପତ୍ର ଲେଖିଛନ୍ତି । ଏହାସହ ସେ ପତ୍ରରେ ଫେସବୁକ ଉପରେ ଭେଦଭାବର ଆରୋପ ଲଗାଇଛନ୍ତି ।

ସେ ପତ୍ରରେ ଲେଖିଛନ୍ତି ଯେ, ଫେସବୁକ କର୍ମଚାରୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ବରିଷ୍ଠ କେନ୍ଦ୍ରମନ୍ତ୍ରୀଙ୍କ ବିରୋଧରେ ଅପଶବ୍ଦ ପ୍ରୟୋଗ କରୁଛନ୍ତି । ୨୦୧୯ ଲୋକସଭା ନିର୍ବାଚନରେ ଫେସବୁକ ଅନେକ ପେଜ୍‌କୁ ଡିଲିଟ୍ କରିଛି । ଏହାକୁ ନେଇ ଫେସବୁକକୁ ଅନେକ ଇମେଲ୍ କରାଯାଇଛି । କିନ୍ତୁ ଭାରତର ଫେସବୁକ୍ ମ୍ୟାନେଜମେଣ୍ଟ କୌଣସି ଉତ୍ତର ଦେଇନଥିଲା ।

ରବିଶଙ୍କର ପ୍ରସାଦ ସେହି ସମୟରେ ପତ୍ର ଲେଖିଛନ୍ତି ଯେତେବେଳେ ଓ୍ୱାର୍ଲ୍ଡ୍ ଷ୍ଟ୍ରିଟ୍ ଜର୍ଣ୍ଣାଲର ଏକ ରିପୋର୍ଟ ସାମ୍ନାକୁ ଆସିଥିଲା । ଏହି ରିପୋର୍ଟରେ ଫେସବୁକ ବିଜେପିକୁ ସମର୍ଥନ କରୁଥିବା କୁହାଯାଇଥିଲା । ରିପୋର୍ଟରେ କୁହାଯାଇଥିଲା ଯେ, ଫେସବୁକ୍ ଭେଦଭାବ କରୁଛି । ବିଜେପି ସମର୍ଥିତ ପେଜର କଣ୍ଟେଣ୍ଟ୍ ଡିଲିଟ୍ କରୁନାହିଁ । ରିପୋର୍ଟ କରିବା ସତ୍ତ୍ୱେ ଆକାଉଣ୍ଟ ଡିଲିଟ୍ କରୁନାହିଁ । ଏହାପରେ କଂଗ୍ରେସ ବିଜେପିକୁ ଟାର୍ଗେଟ୍ କରିବା ସହ ଫେସବୁକ ବିରୋଧରେ ସଙ୍ଗୀନ ଅଭିଯୋଗ ଲଗାଇଥିଲା ।

ରବିଶଙ୍କର ପ୍ରସାଦ ଫେସବୁକ କର୍ମଚାରୀଙ୍କ ଉପରେ ଗଣତାନ୍ତ୍ରିକ ପ୍ରକ୍ରିୟାକୁ ନଷ୍ଟ କରୁଥିବା ଅଭିଯୋଗ ଲଗାଇଛନ୍ତି । ପତ୍ରରେ ଆହୁରି ଉଲ୍ଲେଖ ରହିଛି ଯେ, କୌଣସି କମ୍ପାନୀରେ କାମ କରୁଥିବା କର୍ମଚାରୀଙ୍କ ବ୍ୟକ୍ତିଗତ ପସନ୍ଦ ଓ ନାପସନ୍ଦ ରହିଥାଏ । କିନ୍ତୁ ଏହାକୁ ସାର୍ବଜନୀନ ନୀତି ଓ କମ୍ପାନୀର ପ୍ରଦର୍ଶନ ଉପରେ କୌଣସି ପ୍ରଭାବ ପକାଇବା ଅନୁଚିତ୍ ।

ସେହିପରି କଂଗ୍ରେସ ମଧ୍ୟ ଫେସବୁକ୍ ସିଇଓ ମାର୍କ ଜୁକରବର୍ଗଙ୍କୁ ପତ୍ର ଲେଖି ବିଜେପି ପ୍ରତି ଆନୁଗତ୍ୟ ଦେଖାଇଥିବା କର୍ମଚାରୀଙ୍କ ବିରୋଧରେ କଣ ପଦକ୍ଷେପ ନେଇଛ ବୋଲି ପ୍ରଶ୍ନ କରିଥିଲା । ଏହାସହ ଫେସବୁକର କିଛି କର୍ମଚାରୀ ଓ ଫେସବୁକ ମଧ୍ୟରେ ଥିବା ସମ୍ପର୍କରେ ଯାଞ୍ଚ ହେବା ଜରୁରୀ ବୋଲି କଂଗ୍ରେସ ଦାବି କରିଛି ।  

   Related Posts