ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରହ୍ମପୁର: କୋର୍ଟରେ ଜଜ୍‌ଙ୍କୁ ଛୁରାମାଡ ଉଦ୍ୟମ, କାବୁ କଲା ପୋଲିସ
  • ||
  • ଭୁବନେଶ୍ୱର: ICMRର ପରାମର୍ଶ, ସାମାନ୍ୟ ଜ୍ୱର ହେଲେ ଖାଅନି ଆଣ୍ଟିବାୟୋଟିକ୍
  • ||
  • ଶିକ୍ଷକ ନିଯୁକ୍ତି ପ୍ରସଙ୍ଗରେ ଗୃହରେ ହଙ୍ଗାମା, ଗୃହ ମୁଲତବୀ କଲେ ବାଚସ୍ପତି
  • ||
  • ପଦ୍ମପୁରରେ କେନ୍ଦ୍ରୀୟ ଟିମ୍‌ର ରେଡ୍, ୩ ବ୍ୟବସାୟୀଙ୍କ ଘରେ ଚଢାଉ
  • ||

ଇସ୍ରାଏଲରେ ପୁଣି ଆରମ୍ଭ ହେବ ନେତାନ୍ୟାହୁ ଯୁଗ, ରବିବାର ଗ୍ରହଣ କରିବେ ଦାୟିତ୍ୱ

11/11/2022 at 7:21 PM

ନୂଆଦିଲ୍ଲୀ: ଇସ୍ରାଏଲରେ ପୁଣି ଥରେ ବେଞ୍ଜାମିନ ନେତାନ୍ୟାହୁ ଯୁଗ ଆରମ୍ଭ ହେବାକୁ ଯାଉଛି । ସବୁଠୁ ଦୀର୍ଘ ସମୟ ଯାଏଁ ଦେଶର ପ୍ରଧାନମନ୍ତ୍ରୀ ଭାବେ ଶାସନ କରିଥିବା ନେତାନ୍ୟାହୁ ରବିବାର ପୁଣି ଶାସନ ଗାଦିରେ ବସିବେ । ଶୁକ୍ରବାର ଅନୁଷ୍ଠାନିକ ଭାବେ ଏହି ସୂଚନା ଦିଆଯାଇଛି । ସାଂସଦଙ୍କ ସହ ବିଚାର ବିମର୍ଶ କରିବା ପରେ ଇସ୍ରାଏଲ ରାଷ୍ଟ୍ରପତି କହିଛନ୍ତି ପୂର୍ବତନ ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟାହୁ ରବିବାର ନୂଆ ସରକାର ଗଠନ ପାଇଁ ଆନୁଷ୍ଠାନିକ ଜନାଦେଶ ହାସଲ କରିବେ । ଉଲ୍ଲେଖଯୋଗ୍ୟ ଯେ, ନଭେମ୍ୱରରେ ହୋଇଥିବା ଉପନିର୍ବାଚନରେ ନେତାନ୍ୟାହୁ ଏବଂ ଦକ୍ଷିଣପନ୍ଥୀ ସହଯୋଗୀଙ୍କ ସହ ସଂସଦରେ ସ୍ପଷ୍ଟ ବହୁମତ ହାସଲ କରିଥିଲେ । ଏହା ପରେ ଇସ୍ରାଏଲର ଏହି ରାଜନେତା ପୁଣି ଥରେ କ୍ଷମତାକୁ ଫେରିଥିଲେ ।

ଇସ୍ରାଏଲର ୧୨୦ ସଦସ୍ୟ ଥିବା ସଂସଦରେ ୬୪ ଜଣ ନେତାନ୍ୟାହୁଙ୍କୁ ପ୍ରଧାନମନ୍ତ୍ରୀ କରିବା ପାଇଁ ପତ୍ର ଲେଖିଥିଲେ । ବୟାନ ଅନୁସାରେ ରବିବାର ସରକାର ଗଠନ ପାଇଁ ନେତାନ୍ୟାହୁଙ୍କ ଆମନ୍ତ୍ରଣ କରାଯାଇଛି । ଏବେ ନେତାନ୍ୟାହୁଙ୍କ ପାଖରେ ସରକାର ଗଠନ ପାଇଁ ୨୮ ଦିନର ସମୟର ରହିଛି। ଏହାସହ ଆବଶ୍ୟକ ସ୍ଥଳେ ୧୪ ଦିନର ଅତିରିକ୍ତ ସମୟ ମଧ୍ୟ ମିଳିବ ।

ଉଲ୍ଲେଖଯୋଗ୍ୟ ଯେ, ନେତାନ୍ୟାହୁ ୧୯୯୬ରୁ ୧୯୯୯ ଯାଏଁ ଇସ୍ରାଏଲର ନେତୃତ୍ୱ ନେଇଥିଲେ । ଏହାପରେ ସେ ୨୦୦୯ରୁ ୨୦୨୧ ଯାଏ ପୁଣି ଥରେ ନିଜ ଦେଶର ନେତୃତ୍ୱ ନେଇଥିଲେ । ଏହିପରି ସେ ପ୍ରଧାନମନ୍ତ୍ରୀ ଭାବେ ସବୁଠୁ ଅଧିକ ଦିନ ଶାସନ କରିବାର ରେକର୍ଡ କରିଛନ୍ତି ।  

   Related Posts