ନୂଆଦିଲ୍ଲୀ: ଇସ୍ରାଏଲ୍ ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟାହୁ ସୋମବାର ଇରାନବାସୀଙ୍କ ଉଦ୍ଦେଶ୍ୟରେ ଏକ ସନ୍ଦେଶ ଜାରି କରିଛନ୍ତି । ଇସ୍ରାଏଲୀ ପିଏମ୍ ନିଜ ଭିଡିଓ ବାର୍ତ୍ତାରେ କହିଛନ୍ତି ଯେ ଆମ ଦେଶ ଇସ୍ରାଏଲ ସମସ୍ତ ଇରାନ ନାଗରିକଙ୍କ ସହ ଛିଡ଼ା ହୋଇଛି । ଆଜି ଯେଉଁ ସରକାରର ଅଧିନରେ ସେମାନେ ଅଛନ୍ତି, ଇସ୍ରାଏଲ ଖୁବଶୀଘ୍ର ସେମାନଙ୍କୁ ଏଥିରୁ ମୁକ୍ତି ଦେବ । ସୋସିଆଲ୍ ମିଡିଆ ଜାରି ଏକ ଭିଡିଓ ବାର୍ତ୍ତାରେ ନେତାନ୍ୟାହୁ କହିଛନ୍ତି ଯେ ଇରାନ ଲୋକ ଜାଣିବା ଦରକାର ଯେ ଇସ୍ରାଏଲ୍ ତାଙ୍କ ସହ ଛିଡ଼ା ହୋଇଛି ।
ସେ କହିଛନ୍ତି ଯେ ପ୍ରତି ଦିନ ଆପଣ ଏପରି ଏକ ଶାସନକୁ ଦେଖୁଛନ୍ତି ଯାହା ନିଜର କଟ୍ଟରତା ଅଧିନରେ ରଖେ, ଲେବାନନର ସୁରକ୍ଷା ଏବଂ ଗାଜାର ସୁରକ୍ଷା ଉପରେ ଉଗ୍ର ଭାଷଣ ଦିଏ । ଏବଂ ପ୍ରତିଦିନ ସେ ଶାସନ ଆମ କ୍ଷେତ୍ର (ମିଡିଲ ଇଷ୍ଟ) ଭିତରେ ଯୁଦ୍ଧକୁ ଅଧିକ ତୀବ୍ର କରୁଛି ।
ଇରାନକୁ ଚେତାବନୀ ଦେଇ ଇସ୍ରାଏଲ୍ ପ୍ରଧାନମନ୍ତ୍ରୀ କହିଛନ୍ତି ଯେ ମଧ୍ୟପ୍ରାଚ୍ୟରେ ଆମ ପାଇଁ କୌଣସି ସ୍ଥାନ ଅପହଞ୍ଚ ନାହିଁ । ଆମେ ସେନା ଇରାନ ସରକାର ସମର୍ଥିତ ହେଜବୁଲ୍ଲା ଉପରେ ଆକ୍ରମଣ ଆରମ୍ଭ କରିଛି । କିନ୍ତୁ ଇରାନର ନୀରିହ ନାଗରିକଙ୍କ ସହ ଆମର କୌଣସି ଶତ୍ରୁତା ନାହିଁ । ସେ କହିଛନ୍ତି, 'ଖୁବଶୀଘ୍ର ଇରାନ ସ୍ୱାଧୀନ ହେବ, ମୁଁ ଭରସା ଦେଉଛି ଯେ ସେ ଦିନ ଶୀଘ୍ର ଆସିବ ।'
The people of Iran should know - Israel stands with you pic.twitter.com/MfwfNqnTgE
— Benjamin Netanyahu - בנימין נתניהו (@netanyahu) September 30, 2024
ଏହା ପୂର୍ବରୁ ଜାତିସଂଘ ମହାସଭାରେ ନେତାନ୍ୟାହୁ ଇରାନକୁ ଧମକ ଦେଇ କହିଥିଲେ ଯେ ତେହରାନର ଏକଛତ୍ରବାଦୀ ନେତା ଜାଣି ରଖିବା ଦରକାର ଯେ ଇରାନର ଏପରି କୌଣସି ସ୍ଥାନ ନାହିଁ, ଯାହା ଆମ ପାଇଁ ଆପହଞ୍ଚ । ଯଦି ଇରାନ ପକ୍ଷରୁ କୌଣସି ଆକ୍ରମଣ କରାଯାଏ ତେବେ ପଲଟା ଆକ୍ରମଣକୁ ସାରା ଦୁନିଆ ଦେଖିବ ।
