ନୂଆଦିଲ୍ଲୀ: ଇସ୍ରାଏଲ ଓ ହମାସ୍ ମଧ୍ୟରେ ଭୀଷଣ ଯୁଦ୍ଧ ଜାରି । ଦକ୍ଷିଣ ଗାଜାର ରାଫା ସହର ସାଜିଛି ନୂଆ ରଣକ୍ଷେତ୍ର । ଆକାଶ ମାର୍ଗରୁ ଘନ ଘନ ମିସାଇଲ୍ ମାଡ଼ କରୁଛି ଇସ୍ରାଏଲ ଡିଫେନ୍ସ୍ ଫୋର୍ସ । ଶନିବାର ସାଂଘାତିକ ଆକ୍ରମଣରେ ପ୍ରାୟ ୮୦ରୁ ଅଧିକ ଲୋକ ପ୍ରାଣହରାଇଛନ୍ତି । ସେହିପରି ଶତାଧିକ ଲୋକ ଆହତ ହୋଇଛନ୍ତି । ଏହାକୁ ନେଇ ଇସ୍ରାଏଲ ସରକାରରେ ରାଜନୈତିକ ସଂକଟ ଦେଖା ଗଲାଣି । ନିଜ ଦଳର ଜଣେ କ୍ୟାବିନେଟ୍ ମନ୍ତ୍ରୀ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁଙ୍କୁ ଟାର୍ଗେଟ୍ କରିଛନ୍ତି । ସେ ନେତାନ୍ୟାହୁଙ୍କୁ ଅଲଟିମେଟମ୍ ଦେଇ କହିଛନ୍ତି, ଆସନ୍ତା ଜୁନ ୮ ତାରିଖ ପର୍ଯ୍ୟାନ୍ତ ଗାଜା ପ୍ଲାନ୍ ପ୍ରସ୍ତୁତ ନହେଲେ ସରକାରରୁ ନିଜ ସମର୍ଥନ କାଢ଼ିନେବେ । ସରକାର ଚଳାଇବା ଭୁଲି ଯିବାକୁ କହିଛନ୍ତି । ସାଥି ମନ୍ତ୍ରୀ କହିଛନ୍ତି, ଇସ୍ରାଏଲ୍ ଡିଫେନ୍ସ ଫୋର୍ସ ଗାଜାରେ ବାହାଦୂରୀ ସହିତ ଲଢ଼ୁଛି, ହେଲେ କିଛି ନେତା ଦେଶରେ ଏହାକୁ ନେଇ ରାଜନୈତିକ ରୁଟି ସେକିବାରେ ଲାଗିଛନ୍ତି । 

ହମାସ୍ ଯୁଦ୍ଧ ମଧ୍ୟରେ ଇସ୍ରାଏଲରେ ବଡ଼ ସଂକଟ ନେତାନ୍ୟାହୁଙ୍କୁ ବିଚଳିତ କରିଛି । ଦକ୍ଷିଣ ଗାଜାର ରାଫା ସହରରେ ଯୁଦ୍ଧ ଆରମ୍ଭ ବେଳେ ପ୍ରଥମେ ଆମେରିକା ଓ ଇଜିପ୍ଟ୍ ସମାଲୋଚନା କରିଥିଲେ । ଏବେ ନିଜ ଦେଶରୁ ବିରୋଧାଭାସ ଆସୁଛି । ନିଜ ସାଥୀ ମନ୍ତ୍ରୀ ସମର୍ଥନ କାଢି ନେବାକୁ ଧମକ ଦେଉଛନ୍ତି । ଇସ୍ରାଏଲ୍ କ୍ୟାବିନେଟ୍ ମନ୍ତ୍ରୀ ବେନ୍ ଗୈଣ୍ଟ୍ରଜ୍ ଶନିବାର ପ୍ରଧାନମନ୍ତ୍ରୀ ନେତାନ୍ୟାହୁ ଅଲଟିମେଟମ୍ ଦେଇଛନ୍ତି । ସେ ପ୍ରଶ୍ନ କରିଛନ୍ତି, ଗାଜାରେ ଶାସନ କିଏ ଏବଂ କିପରି କରିବେ । ଏହା ଉପରେ ପ୍ରଧାନମନ୍ତ୍ରୀ ନିଷ୍ପତ୍ତି ନିଅନ୍ତୁ । ଏଥିପାଇଁ ସେ ନେତାନ୍ୟାହୁ ଆସନ୍ତା ଜୁନ୍ 8 ତାରିଖ ପର୍ଯ୍ୟନ୍ତ ସମୟ ଦେଇଛନ୍ତି । ଏଥିରେ ବିଳମ୍ବ ହେଲେ କ୍ୟାବିନେଟ୍ ମନ୍ତ୍ରୀ ବେନ୍ ଗୈଣ୍ଟ୍ରଜ୍ ସରକାରରୁ ନିଜ ସମର୍ଥନ କାଢ଼ିନେବେ ଧମକ ମଧ୍ୟ ଦେଇଛନ୍ତି ।