ନୂଆଦିଲ୍ଲୀ,୧୬/୧୧: ଉତ୍ତର ଗାଜା ପରେ ଏବେ ଦକ୍ଷିଣ ଗାଜା ଉପରେ ଇସ୍ରାଏଲର ନଜର । ଦକ୍ଷିଣ ଗାଜାରେ ସୈନ୍ୟ ଅଭିଯାନ ଚଳାଇବାକୁ ପ୍ରସ୍ତୁତ ହେଉଛି ଇସ୍ରାଏଲ୍ । ଆଇଡିଏଫ ଦକ୍ଷିଣ ଗାଜା ଉପରେ ଆଖି ପକାଇଛି । ସମ୍ପୂର୍ଣ୍ଣ ଗାଜାପଟ୍ଟିକୁ ନିଜ ନିୟନ୍ତ୍ରଣକୁ ନେଇ ହମାସ୍ର ଫିନିସ୍ କରିବା ଲକ୍ଷ୍ୟରେ ରହିଛି ଇସ୍ରାଏଲ୍ । ଇସ୍ରାଏଲୀ ବାୟୁସେନା ବିମାନରୁ ଚିଠି ପକାଇ ଲୋକଙ୍କୁ ଦକ୍ଷିଣ ଗାଜା ଛାଡ଼ିବାକୁ ଚେତାବନୀ ଦେଇଛି । ଦକ୍ଷିଣରେ ଥିବା ଖାନ୍ ୟୁନିସ୍ ସହରର ଛାଡ଼ି ଅନ୍ୟତ୍ର ପଳାଇବାକୁ ଲୋକଙ୍କୁ ତାଗିଦ୍ କରିଛି ।
ଖବର ମୁତାବକ, ଖାନ୍ ୟୁନିସ୍ର ପୂର୍ବାଞ୍ଚଳରେ ଲିଫ୍ଲେଟ୍ ପକାଯାଇ ଲୋକଙ୍କୁ ଘର ଖାଲି କରିବାକୁ ଇସ୍ରାଏଲ୍ ସେନା ପକ୍ଷରୁ କୁହାଯାଇଛି । ହମାସ୍ ଆତଙ୍କବାଦୀଙ୍କୁ କୌଣସି ପ୍ରକାର ସହଯୋଗ ନ କରିବାକୁ ଚେତାବନୀ ଦିଆଯାଇଛି । ଯଦି ଲୋକମାନେ ନିର୍ଦ୍ଧାରିତ ସମୟସୀମା ମଧ୍ୟରେ ଖାନ୍ ୟୁନିସ୍ ନ ଛାଡ଼ନ୍ତି, ତେବେ ସେମାନେ ଆତଙ୍କୀଙ୍କୁ ସହଯୋଗ କରୁଥିବା ବିବେଚନା କରାଯିବ । ସେହି ଅନୁସାରେ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେବ । ଏହା ପୂର୍ବରୁ ଉତ୍ତର ଗାଜାରେ ସ୍ଥଳସେନା ପୂରାଇବା ପାଇଁ ଇସ୍ରାଏଲ୍ ସେନା ବିମାନରୁ ଆରବୀୟ ଭାଷାରେ ଲେଖାଯାଇଥିବା ଚିଠି ପକାଇ ଲୋକଙ୍କୁ ଚେତାବନୀ ଦେଇଥିଲା । ୧୧ ଲକ୍ଷ ଲୋକଙ୍କୁ ଘର ଛାଡ଼ି ଦକ୍ଷିଣ ପଟକୁ ଚାଲିଯିବା ପାଇଁ କହିଥିଲା । ଫଳରେ ଲୋକମାନେ ପ୍ରାଣ ବିକଳରେ ଖାନ୍ ୟୁନିସ୍ ସହର ଆଡ଼କୁ ଚାଲିଯାଇଥିଲେ । ଏବେ ପୁଣି ସମାନ ଚେତାବନୀ ଦେଇଛି ଇଲ୍ରାଏଲ ।
wp:embed {"url":"https://www.prameyanews7.com/piyush-goyal-met-the-ceo-of-micron-technology/","type":"wp-embed","providerNameSlug":"prameya-news-7"}ଗାଜାର ୨୦ ଲକ୍ଷ ଲୋକ ଏବେ କେଉଁଠାକୁ ଯିବେ, ତାହାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି । ଇସ୍ରାଏଲ୍ ସ୍ଥଳସେନା ଏବେ ଟ୍ୟାଙ୍କ୍ ସହ ଦକ୍ଷିଣ ଗାଜା ଉପରେ ଚଢ଼ଉ କରିବା ଲାଗି ପ୍ରସ୍ତୁତି ହେଉଛି । ଖାନ୍ ୟୁନିସ୍ରେ ଇସ୍ରାଏଲ୍ ଡିଫେନ୍ସ ଫୋର୍ସ ପକାଇଥିବା ଚିଠିରେ ଲେଖାଯାଇଛି ଯେ ଲୋକମାନେ ତୁରନ୍ତ ସ୍ଥାନ ଛାଡ଼ି ନ ଗଲେ ନିଜ ଜୀବନକୁ ସେମାନେ ବିପଦରେ ପକାଇବେ । ଆତଙ୍କୀମାନେ ଯେଉଁଠାରେ ଥିବା ନେଇ ଜଣାପଡ଼ିବ, ତୁରନ୍ତ ଆକ୍ରମଣ କରାଯିବ । ସେଥିଲାଗି ଲୋକମାନେ ସେମାନଙ୍କ ନିକଟରୁ ଦୂରକୁ ପଳାଇବା ଉଚିତ ବୋଲି କୁହାଯାଇଛି ।
wp:embed {"url":"https://www.prameyanews7.com/assam-rifles-patrol-party-targeted-in-an-attempted-ied-attack/","type":"wp-embed","providerNameSlug":"prameya-news-7"}ସେପଟେ ପାଲେଷ୍ଟାଇନ୍ର ଆତଙ୍କୀ ସଙ୍ଗଠନ ହମାସ୍ର ମୁଖିଆ ବୋଲାଉଥିବା ଇସ୍ମାଇଲ୍ ହାନିଏଙ୍କ ଗାଜାସ୍ଥିତ ବାସଭବନ ଉପରେ ଇସ୍ରାଏଲ୍ ସେନା ଏୟାର ଷ୍ଟ୍ରାଇକ୍ କରିଛି । ଏହି ଘରକୁ ହମାସ୍ର ବୈଠକ ଗୃହ ଭାବେ ବ୍ୟବହାର କରାଯାଉଥିଲା । ତେବେ ଇସ୍ରାଏଲୀ ବାୟୁସେନାର ହମ୍ଲା ବେଳେ ଉକ୍ତ ଘରେ କେହି ରହୁ ନ ଥିଲେ । ଅନ୍ୟପକ୍ଷରେ କେନ୍ଦ୍ରୀୟ ଗାଜାରେ ଏୟାର ଷ୍ଟ୍ରାଇକ୍ ଯୋଗୁ ପ୍ରାୟ ୫୦ ଲୋକ ପ୍ରାଣ ହରାଇଛନ୍ତି ।
ଗାଜାରେ ମୃତ୍ୟୁ ସଂଖ୍ୟା ୧୧,୫୦୦ ପାର୍ କରିଛି । କାତାର ୟୁନିଭର୍ସିଟି ପ୍ରଫେସର ମହଜୁବ ଜୁଏରି କହିଛନ୍ତି, ଗାଜା ସ୍ଥିତି ଅତି ସାଙ୍ଘାତିକ ପାଲଟିଛି । ଯୁଦ୍ଧ ଉପରେ ଜାତିସଂଘ କୌଣସି ପ୍ରଭାବ ପକାଇ ପାରିନାହିଁ । ଆମେ ଜାଣୁ ଯେ କିଛି ନିର୍ଦ୍ଦିଷ୍ଟ ଦେଶ ଦ୍ୱାରା ଜାତିସଂଘ ପରିଚାଳିତ ହେଉଛି । ଉକ୍ତ ଦେଶଗୁଡ଼ିକ ଇସ୍ରାଏଲ୍କୁ ସମର୍ଥନ କରୁଛନ୍ତି । ଅଲ୍-ସିଫା ହସ୍ପିଟାଲରେ ଘଟିଥିବା ଘଟଣା ତାହାର ପ୍ରତିଫଳନ ବୋଲି କୁହାଯାଉଛି ।
