ମୁମ୍ଵାଇ ୨୭।୦୨: ‘ଇଶକବାଜ୍’ ଫେମ୍ ଅଭିନେତ୍ରୀ ନେହା ଲକ୍ଷ୍ମୀ ଆୟର ବିବାହ କରିଛନ୍ତି । ଏହି ଅଭିନେତ୍ରୀ ତାଙ୍କର ଦୀର୍ଘ ସମୟର ପ୍ରେମିକା ରୁଦ୍ରଶ ଯୋଶୀଙ୍କ ସହ ସାତ ଫେରା ନେଇଛନ୍ତି। ଅଭିନେତ୍ରୀଙ୍କ ବିବାହ ରୀତିନୀତି ଦକ୍ଷିଣ ଭାରତୀୟ ଶୈଳୀରେ କରାଯାଇଥିଲା। ଏଥି ସହିତ, ବର୍ତ୍ତମାନ ତାଙ୍କର ବ୍ରାଇଡାଲ ଲୁକ୍ ମଧ୍ୟ ପ୍ରକାଶ ପାଇଛି । ନେହା ଲକ୍ଷ୍ମୀ ଆୟରଙ୍କ ସୋସିଆଲ ମିଡିଆ ଆକାଉଣ୍ଟରେ ଅନେକ ଫଟୋ ଏବଂ ଭିଡିଓ ସାମ୍ନାକୁ ଆସିଛି। ଯେଉଁଥିରେ ଦୁହେଁ ଖୁବ୍ ଖୁସି ଥିବାର ଦେଖିବାକୁ ମିଳିଛି ।
ଏହି ଅଭିନେତ୍ରୀଙ୍କୁ ତାଙ୍କ ବିବାହରେ ଏକ ନିଆରା ଲୁକରେ ଦେଖିବାକୁ ମିଳିଥିଲା। ତାଙ୍କ ବିବାହ ପାଇଁ ତାଙ୍କର ଦୁଇଟି ଲୁକ୍ ଥିଲା। ନେହା ଲକ୍ଷ୍ମୀ ଆୟରଙ୍କ ଇନଷ୍ଟାଗ୍ରାମ ଷ୍ଟୋରୀରେ ଏକ ଭିଡିଓ ସାମ୍ନାକୁ ଆସିଛି। ଯେଉଁଥିରେ ତାଙ୍କ ବରମାଲାର ଝଲକ ଦେଖିବାକୁ ମିଳିଥିଲା। ଏହି ଅଭିନେତ୍ରୀ ବରମାଳା ସମୟରେ ନୀଳ ରଙ୍ଗର ରେଶମ ଶାଢୀ ପିନ୍ଧିଛନ୍ତି। ଏହି ବିବାହରେ ଅଭିନେତ୍ରୀ କେତେ ଖୁସି ଅଛନ୍ତି ତାହା ସ୍ପଷ୍ଟ ଭାବରେ ଦେଖାଯାଉଛି।
ଏହା ପରେ ନେହା ଲକ୍ଷ୍ମୀ ଆୟରଙ୍କ ସାତଫେରାର ଭିଡିଓ ଦେଖିବାକୁ ମିଳିଛି। ଅଭିନେତ୍ରୀ ଏହି ସମୟରେ ତାଙ୍କ ବିବାହ ପୋଷାକ ବଦଳାଇଥିଲେ । ସେ ଏକ ଲାଲ୍ ଶାଢୀ ପିନ୍ଧି ଥିଲେ । ଯେଉଁଥିରେ ଖୁବ୍ ସୁନ୍ଦର ଦେଖାଯାଉଥିଲେ । ନେହା ଲକ୍ଷ୍ମୀ ଆୟର ଚମକଦାର ମେକଅପ୍ ଏବଂ ଭାରୀ ଅଳଙ୍କାର ସହିତ ତାଙ୍କର ଲୁକ୍କୁ କମ୍ପପ୍ଲିଟ୍ କରିଛନ୍ତି । ଏହି ଦମ୍ପତି ପରସ୍ପରର ହାତ ଧରି ଅଗ୍ନିକୁ ସାକ୍ଷୀ ରଖି ଦୁହେଁ ସାତଜନ୍ମର ସାଥୀ ହୋଇଛନ୍ତି। ବର୍ତ୍ତମାନ ବିବାହର ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ପ୍ରଶଂସକ ସହ ଅନେକ ସେଲିବ୍ରିଟିମାନେ ତାଙ୍କୁ ଶୁଭେଚ୍ଛା ଜଣାଇଛନ୍ତି ।
wp:embed {"url":"https://www.prameyanews7.com/akshay-kumar-might-join-bjp-in-lok-sabha-elections/","type":"wp-embed","providerNameSlug":"prameya-news-7"}
