ନୂଆଦିଲ୍ଲୀ: ଦେଶରେ ବର୍ତ୍ତମାନ ଆଇପିଏଲ୍ ଫିବର। ଦୁନିଆର ସବୁଠୁ ବଡ଼ ଟି-୨୦ ଲିଗ୍ରେ ଦେଖିବାକୁ ମିଳୁଛି ଗୋଟିଏ ପରେ ଗୋଟିଏ ବଡ଼ ରୋମାଞ୍ଚର ମୁକାବିଲା। ଆଉ ଏହା ମଧ୍ୟରେ ଚାଲିଛି ଟି-୨୦ ବିଶ୍ଵକପ୍ ଚର୍ଚ୍ଚା। କାରଣ ଆଉ କିଛି ଦିନ ଭିତରେ ବିସିସିଆଇ ଟି-୨୦ ବିଶ୍ଵକପ୍ ପାଇଁ ଭାରତୀୟ ଦଳ ଘୋଷଣା କରିବ। ଏହି କ୍ରମରେ ପୂର୍ବତନ ଭାରତୀୟ ଅଲରାଉଣ୍ଡର ଇରଫାନ ପଠାନ ୨୦୨୪ ଟି-୨୦ ବିଶ୍ଵକପ୍ ପାଇଁ ନିଜ ପସନ୍ଦର ୧୫ ଜଣିଆ ଦଳ ଚୟନ କରିଛନ୍ତି। ଇରଫାନ ନିଜ ଦଳରେ ଚକିତ କରିଦେବା ପରି ଖେଳାଳିଙ୍କୁ ସାମିଲ୍ କରିଛନ୍ତି।
Also read: ଆରସିବି ପରେ IPLରୁ ବାଦ୍ ପଡ଼ିବ ପଞ୍ଜାବ କିଙ୍ଗ୍ସ ? ମୁମ୍ବାଇ-ଦିଲ୍ଲୀ ଉପରେ ଝୁଲିଲା ଖଣ୍ଡା
ଏହି ପୂର୍ବତନ ବାମହାତୀ ଅଲରାଉଣ୍ଡର ଟି-୨୦ ବିଶ୍ଵକପ୍ ପାଇଁ ବହୁତ ଶକ୍ତିଶାଳୀ ଦଳ ଚୟନ କରିଛନ୍ତି। ସେ ଏହି ଦଳରେ ହାର୍ଦ୍ଦିକ ପାଣ୍ଡ୍ୟାଙ୍କୁ ଗୋଟିଏ ସର୍ତ୍ତରେ ରଖିଛନ୍ତି। ଇରଫାନ କହିଛନ୍ତି ଯଦି ହାର୍ଦ୍ଦିକ ପାଣ୍ଡ୍ୟା ଲଗାତାର ବୋଲିଂ କରିବେ ତେବେ ତାଙ୍କୁ ଟି-୨୦ ବିଶ୍ଵକପ୍ ଦଳରେ ସ୍ଥାନ ମିଳିବା ଉଚିତ୍। ଅର୍ଥାତ ଇରଫାନ ହାର୍ଦ୍ଦିକଙ୍କୁ କେବଳ ବ୍ୟାଟର ଭାବେ ଦଳରେ ସାମିଲ କରାଯିବା ସପକ୍ଷରେ ନାହାନ୍ତି।
ସେ ନିଜ ଦଳରେ ବିରାଟ କୋହଲିଙ୍କୁ ସ୍ଥାନ ଦେଇଛନ୍ତି। ଏହା ବ୍ୟତୀତ ଚଳିତ ଆଇପିଏଲ୍ରେ ବଡ଼ ବଡ଼ ଛକା ମାରୁଥିବା ଶିବମ ଦୁବେଙ୍କୁ ଦଳରେ ରଖିଛନ୍ତି। ଦ୍ରୁତ ବୋଲର ୟୁନିଟରେ ବୁମରା, ଅର୍ଶଦୀପ ସିଂ ଓ ମହମ୍ମଦ ସିରାଜଙ୍କୁ ଦଳରେ ସାମିଲ କରିଛନ୍ତି। ଇରଫାନ ଶୁଭମନ ଗିଲ୍ ଓ ସଞ୍ଜୁ ସାମସନଙ୍କ ମଧ୍ୟରୁ ଜଣଙ୍କୁ ଦଳରେ ସାମିଲ କରାଯିବାର ବିକଳ୍ପ ରଖିଛନ୍ତି।
ଟି-୨୦ ବିଶ୍ଵକପ୍ ପାଇଁ ଇରଫାନଙ୍କ ୧୫ ଜଣିଆ ଦଳ
ରୋହିତ ଶର୍ମା(ଅଧିନାୟକ), ଯଶସ୍ଵୀ ଜୟସ୍ଵାଲ, ବିରାଟ କୋହଲି, ସୂର୍ଯ୍ୟକୁମାର ଯାଦବ, ଋଷଭ ପନ୍ତ(ଓ୍ଵିକେଟ୍ କିପର), ଶିବମ ଦୁବେ, ହାର୍ଦ୍ଦିକ ପାଣ୍ଡ୍ୟା(ଯଦି ବୋଲିଂ କରିବେ), ରିଙ୍କୁ ସିଂ, ରବୀନ୍ଦ୍ର ଜାଡ଼େଜା, କୁଲଦୀପ ଯାଦବ, ଯଶପ୍ରୀତ ବୁମରା, ଅର୍ଶଦୀପ ସିଂ, ମହମ୍ମଦ ସିରାଜ, ଶୁଭମନ ଗିଲ୍/ସଞ୍ଜୁ ସାମସନ, ରବି ବିଷ୍ନୋଇ/ୟୁଜବେନ୍ଦ୍ର ଚହଲ।
