ମୁମ୍ବାଇ, ୨୯|୦୪: ଜୟପୁର ଥିଏଟରରୁ ବଲିଉଡ ଓ ହଲିଉଡରେ ନିଜର ପ୍ରତିଭା ପ୍ରଦର୍ଶନ କରିଥିବା ଫିଲ୍ମ ଅଭିନେତା ଇରଫାନ୍ ଖାନ ଶେଷ ନିଶ୍ୱାସ ତ୍ୟାଗ କରିଛନ୍ତି  । ସେ  ୫୩ ବର୍ଷରେ ପ୍ରାଣ ତ୍ୟାଗ କରିଛନ୍ତି  । ସ୍ୱାସ୍ଥ୍ୟ ଖରାପ ହେତୁ ତାଙ୍କୁ ମୁମ୍ବାଇର କୋକିଳାବେନ୍ ହସ୍ପିଟାଲରେ ଭର୍ତ୍ତି କରାୟାଇଥିଲା  । ସେ ଦୀର୍ଘ ଦିନ ଧରି ବ୍ରେନ୍ କ୍ୟାନସରରେ ପୀଡିତ ଥିଲେ  । ତେବେ ଲଣ୍ଡନରେ ସେ ନିଜ ଚିକିତ୍ସା କରିଥିଲେ  । ମଙ୍ଗଳବାର ତାଙ୍କୁ କୋଲନ୍ ଇନଫେକ୍ସନ କାରଣରୁ ଆଇସିଯୁରେ ଭର୍ତ୍ତି କରାଯାଇଥିଲା  । ତେବେ ସେ ପ୍ରାଣ ହରାଇଥିଲେ  ।

ଲଣ୍ଡନରୁ ଭଲ ହୋଇ ଆସିବା ସମୟରେ ତାଙ୍କ ମାଆ ସୟିଦା ବେଗମ ଅନେକ କିଛି ଆଶା କରିଥିଲେ  । ଶନିବାର ସେ ମୃତ୍ୟୁ ପୂର୍ବରୁ ନିଜ ଶେଷ ଇଛା ବିଷୟରେ ସୂଚନା ଦେଇଥିଲେ  । ଲକଡାଉନ ପାଇଁ ଇରଫାନ୍ ତାଙ୍କ ମାଙ୍କ ଅନ୍ତିମ ସଂସ୍କାରରେ ଯୋଗ ଦେବାକୁ  ମୁମ୍ବାଇରୁ ଜୟପୁର ଆସିପାରି ନଥିଲେ  । କିନ୍ତୁ ତାଙ୍କ ମା ଶେଷ ସମୟରେ ମଧ୍ୟ ଇରଫାନଙ୍କ ପାଇଁ ପ୍ରାର୍ଥନା କରୁଥିଲେ  । ଇରଫାନ ଭିଡିଓ କଲିଂ  ଯୋଗେ ମାଆଙ୍କ ଶେଷ ଦର୍ଶନ କରିଥିଲେ  । ମୃତ୍ୟୁ ପୂର୍ବରୁ ମାଆ ନିଜ ଶେଷ ଇଛା ଜାହିର କରିଥିଲେ  ।ଇରଫାନଙ୍କ ଭାଇ ସଲମାନ କହିଛନ୍ତି ଯେ,  ଇରଫାନ ଅତିଶୀଘ୍ର ସୁସ୍ଥ ହୋଇ ଫେରିବା ମାଆଙ୍କର ଶେଷ ଇଚ୍ଛା ଥିଲା  ।

୨୦୧୮ରେ ଇରଫାନ ପ୍ରଥମ ଥର ପାଇଁ ବ୍ରେନ୍ କ୍ୟାନସର ବାବଦରେ ଜାଣିବାକୁ ପାଇଥିଲେ  । ଏହାପରେ ପ୍ରାୟ ଗୋଟିଏ ବର୍ଷ ସେ ବିଦେଶରେ ରହିଥିଲେ  । ତାଙ୍କୁ ନ୍ୟୁରୋ ଇଣ୍ଡୋକ୍ରାଇନ୍ ନାମକ ଏକ ରୋଗ ହୋଇଥିଲା  । ତେବେ ଇଂଲିସ୍ ମିଡିୟମ ଜରିଆରେ ସେ ବଲିଉଡକୁ ଫେରିଥିଲେ  ।