ମୁମ୍ବାଇ ୨୫।୧୧ : ଡିସେମ୍ବର ୧୯ରେ ଆଇପିଏଲ୍-୧୭ ପାଇଁ ମିନି ନିଲାମ । ଚଳିତଥର ଦୁବାଇରେ ଅନୁଷ୍ଠିତ ହେବ ନିଲାମ କାର୍ଯ୍ୟକ୍ରମ। ଏବେଠୁ ୧୦ଟି ଯାକ ଫ୍ରାଞ୍ଚାଇଜ୍ ଶକ୍ତିଶାଳୀ ତଥା ସନ୍ତୁଳିତ ଦଳ ଗଠନ କରିବାରେ ଲାଗି ପଡ଼ିଛନ୍ତି । ନିଲାମ ପୂର୍ବରୁ ଖେଳାଳି ପ୍ରତିଧାରଣ ପ୍ରକ୍ରିୟା ଜୋରଦାର ହୋଇଛି । ସବୁ ଫ୍ରାଞ୍ଚାଇଜ୍ ପୂର୍ବ ବର୍ଷର ଦଳରୁ କିଛି ଖେଳାଳିଙ୍କୁ ରଖି ବାକି ଖେଳାଳିଙ୍କୁ ନିଲାମ ପାଇଁ ବାଦ ଦେବାକୁ ପ୍ରସ୍ତୁତ ହେଉଛନ୍ତି । ଗୁଜରାଟ ଟାଇଟନ୍ସକୁ ଚାମ୍ପିଅନ୍ କରାଇଥିବା ଅଧିନାୟକ ହାର୍ଦ୍ଦିକ ପାଣ୍ଡ୍ୟା ୨ ବର୍ଷ ପରେ ପୁନର୍ବାର ମୁମ୍ବାଇ ଇଣ୍ଡିଆନ୍ସକୁ ଫେରୁଥିବା ଚର୍ଚ୍ଚା ହେଉଛି । ଖେଳାଳି ଅଦଳ ବଦଳ ପ୍ରକ୍ରିୟାରେ ସେ ମୁମ୍ବାଇ ଇଣ୍ଡିଆନ୍ସକୁ ପ୍ରତ୍ୟାବର୍ତ୍ତନ କରିବେ । ଏପିରିକି କିଛି ଖେଳାଳିଙ୍କ ଅଦଳବଦଳ ହୋଇସାରିଲାଣି । ଆଉ କିଛି ଷ୍ଟାର୍ ଖେଳାଳିଙ୍କୁ ଫ୍ରାଞ୍ଚାଇଜ୍ମାନେ ବାଦ ଦେବାକୁ ଯୋଜନା କରୁଛନ୍ତି । ଖେଳାଳି ପ୍ରତିଧାରଣର ଶେଷ ତାରିଖ ୨୬ ନଭେମ୍ବର ରହିଛି । ଆଉ ଦିନକ ମଧ୍ୟରେ ପୁରା ଚିତ୍ର ସ୍ପଷ୍ଟ ହୋଇଯିବ।
wp:embed {"url":"https://www.prameyanews7.com/gautam-gambhir-returns-to-kkr/","type":"wp-embed","providerNameSlug":"prameya-news-7"}ଖବର ଅନୁଯାୟୀ, ଗତ ସିଜନରେ ସବୁଠୁ ଅଧିକ ଦାମରେ ବିକ୍ରି ହୋଇଥିବା କିଛି ଖେଳାଳିଙ୍କୁ ନିଜ ନିଜ ଫ୍ରାଞ୍ଚାଇଜ ବାଦ ଦେବାକୁ ନିଷ୍ପତ୍ତି ନେଇଛନ୍ତି। ଏମାନଙ୍କ ମଧ୍ୟରେ ଆଗରେ ରହିଛନ୍ତି ଇଂଲଣ୍ଡର ବ୍ୟାଟିଂ ବିସ୍ମୟ ହ୍ୟାରୀ ବ୍ରୁକ୍ ଓ ଅଲ୍ରାଉଣ୍ଡର ସାମ କୁରାନ। ଗୁଜରାଟ ଟାଇଟନ୍ସ ଅଧିନାୟକ ହାର୍ଦ୍ଦିକ ପାଣ୍ଡ୍ୟା ପୁନର୍ବାର ମୁମ୍ବାଇ ଇଣ୍ଡିଆନ୍ସକୁ ଫେରୁଥିବା ଆଲୋଚନା ହେଉଛି । ସେହିପରି ମୁମ୍ବାଇ ଇଣ୍ଡିଆନ୍ସ ଅଧିନାୟକ ରୋହିତ ଶର୍ମାଙ୍କୁ ରୟାଲ୍ ଚ୍ୟାଲେଞ୍ଜର୍ସର ଜଣେ ଖେଳାଳିଙ୍କ ସହ ବଦଳାଇବାକୁ ଉଭୟ ପକ୍ଷ ମଧ୍ୟରେ ବୁଝାମଣା ହୋଇଥିବା ମଧ୍ୟ ଶୁଣା ଯାଉଛି । ଖେଳାଳି ବଦଳକୁ ନେଇ ପ୍ରତ୍ୟେକ ଫ୍ରାଞ୍ଚାଇଜ୍ ଚୁପ୍ ରହିଛନ୍ତି । ରୋହିତଙ୍କ ନେତୃତ୍ୱରେ ମୁମ୍ବାଇ ଇଣ୍ଡିଆନ୍ସ ୫ଥର ଆଇପିଏଲ୍ ଚାମ୍ପିଅନ୍ ହୋଇଛି ।
wp:embed {"url":"https://www.prameyanews7.com/australian-left-handed-batter-travis-head-set-to-play-ipl-2024/","type":"wp-embed","providerNameSlug":"prameya-news-7"}ଦୁର୍ଦ୍ଦର୍ଷ ଅଲ୍ରାଉଣ୍ଡର ଆନ୍ଦ୍ରେ ରସେଲଙ୍କୁ କୋଲକାତା ନାଇଟ୍ ରାଇଡର୍ସ ଏଥର ଦଳରୁ ବାଦ ଦେବ ବୋଲି ଚର୍ଚ୍ଚା ହେଉଥିଲା । ମାତ୍ର ତାଙ୍କୁ ଛାଡ଼ିବାକୁ ଚାହୁଁନଥିବା ନାଇଟ ରାଇଡର୍ସ ସ୍ପଷ୍ଟ କରିଛି । ବଦଳରେ ଦଳ ପେସ୍ ବୋଲର ଲୋକି ଫର୍ଗୁସନ, ଟିମ ସାଉଦି ଓ ସର୍ଦୁଲ ଠାକୁରଙ୍କୁ ବାଦ ଦେବାକୁ ଯୋଜନା କରୁଛି । ନାଇଟ ରାଇଡର୍ସ ୧୦.୭୫ କୋଟି ଟଙ୍କାରେ ସର୍ଦୁଲଙ୍କୁ ଓ ୧୦କୋଟି ଟଙ୍କାରେ ଫର୍ଗୁସନଙ୍କୁ କିଣିଥିଲା ।
ହ୍ୟାରୀ ବ୍ରୁକ୍ଙ୍କୁ ସନରାଇଜର୍ସ ହାଇଦ୍ରାବାଦ ୧୩.୨୫ କୋଟି ଟଙ୍କା ମୂଲ୍ୟରେ କିଣିଥିଲା । ତାଙ୍କ ମୂଳ ଦର ଥିଲା ୧.୫କୋଟି ଟଙ୍କା । ସନରାଇଜର୍ସର ନୈରାଶ୍ୟଜନକ ପ୍ରଦର୍ଶନ ପରେ ବ୍ରୁକ୍ଙ୍କୁ ବିଦା କରିବା ପାଇଁ ଫ୍ରାଞ୍ଚାଇଜ୍ ଯୋଜନା କରିଛି । ଅବଶ୍ୟ ନିଲାମରେ ତାଙ୍କୁ ପୁଣି ଥରେ କିଣିବା ସମ୍ଭାବନା ରହିଛି । ପଞ୍ଜାବ କିଙ୍ଗ୍ସ ଗତ ବର୍ଷ ୧୮.୫୦ କୋଟି ଟଙ୍କା ମୂଲ୍ୟରେ କୁରାନଙ୍କୁ କିଣିଥିଲା । ମାତ୍ର ତାଙ୍କ ପ୍ରଦର୍ଶନ ନୈରାଶ୍ୟଜନକ ରହିଥିଲା । ଏଥର ପଞ୍ଜାବ କିଙ୍ଗ୍ସ ତାଙ୍କୁ ବାଦ ଦେବା ନିଶ୍ଚିତ ।
wp:embed {"url":"https://www.prameyanews7.com/ben-stokes-to-miss-ipl-2024-due-to-workload-fitness-management/","type":"wp-embed","providerNameSlug":"prameya-news-7"}ରୟାଲ୍ ଚ୍ୟାଲେଞ୍ଜର୍ସ ଏଥର ୱାନିଣ୍ଡୁ ହସରଙ୍ଗା ଓ ହର୍ଷଲ ପଟେଲଙ୍କୁ ବାଦ ଦେବାକୁ ନିଷ୍ପତ୍ତି ନେଇଛି । ଉଭୟଙ୍କୁ ୧୦.୭୫ ଟଙ୍କା ଲେଖାଏଁ ମୂଲ୍ୟରେ ଆରସିବି କିଣିଥିଲା । ମୁମ୍ବାଇ ଇଣ୍ଡିଆନ୍ସ ଜୋଫ୍ରା ଆର୍ଚର ଓ ଦିଲ୍ଲୀ କ୍ୟାପିଟାଲ୍ସ ଆନରିଚ ନର୍ଜଙ୍କୁ ବାଦ ଦେବାକୁ ଯାଉଛନ୍ତି । ଆସନ୍ତା ସିଜିନରେ ଉଭୟ ଖେଳିବା ନେଇ ଆଶଙ୍କା ରହିଛି । ଆର୍ଚର ଆହତ ଥିବା ସତ୍ତେ୍ୱ ମୁମ୍ବାଇ ଇଣ୍ଡିଆନ୍ସ ତାଙ୍କୁ ୮କୋଟି ଟଙ୍କାରେ କିଣିଥିଲା । ୨ଟି ସିଜନ ମଧ୍ୟରେ ସେ ମାତ୍ର ଗୋଟିଏ ମ୍ୟାଚ୍ ଖେଳିଛନ୍ତି । ନର୍ଜଙ୍କୁ ୬.୫କୋଟି ଟଙ୍କାରେ ଦିଲ୍ଲୀ କ୍ୟାପିଟାଲ୍ସ କିଣିଥିଲା । ଗତ ବିଶ୍ୱକପ୍ ପୂର୍ବରୁ ସେ ଆହତ ହୋଇଥିଲେ । ଆଗାମୀ ଆଇପିଏଲ୍ ବେଳକୁ ସେ ଫିଟ୍ ହେବାର ଆଶା କ୍ଷୀଣ । ତେଣୁ ତାଙ୍କୁ ବାଦ ଦେବାକୁ ଫ୍ରାଞ୍ଚାଇଜ ଚିନ୍ତା କରୁଛି ।
ଚେନ୍ନାଇ ସୁପରକିଙ୍ଗ୍ସ ଏଥର ୩୦କୋଟି ଟଙ୍କା ନେଇ ନିଲାମରେ ସାମିଲ ହେବାକୁ ଚିନ୍ତା କରୁଛି । ତଥାପି ଫ୍ରାଞ୍ଚାଇଜ୍ ସମସ୍ତ ପ୍ରମୁଖ ଖେଳାଳିଙ୍କୁ ଦଳରେ ରଖିବାକୁ ଯାଉଛି । ଗତ ସିଜନ ଖେଳିଥିବା ଅଲ୍ରାଉଣ୍ଡର ବେନ ଷ୍ଟୋକ୍ସ ଏଥର ଓହରି ଯାଇଛନ୍ତି । ବ୍ୟସ୍ତପୂର୍ଣ୍ଣ କ୍ରିକେଟ୍ ସିରିଜ ଓ ମାତ୍ରାଧିକ କାର୍ଯ୍ୟଭାରକୁ ନଜରରେ ରଖି ଷ୍ଟୋକ୍ସ ଆଇପିଏଲ୍ ନଖେଳିବାକୁ ନିଷ୍ପତ୍ତି ନେଇଛନ୍ତି । ଷ୍ଟୋକ୍ସଙ୍କୁ ଗତ ସିଜନରେ ଚେନ୍ନାଇ ସୁପରକିଙ୍ଗ୍ସ ୧୬.୨୫ କୋଟି ଟଙ୍କା ମୂଲ୍ୟରେ କିଣିଥିଲା । ମାତ୍ର ଆହତ ସମସ୍ୟା ଓ ଫର୍ମ ହାନୀ ଯୋଗୁଁ ସେ ବହୁ ମ୍ୟାଚ୍ ଖେଳିପାରି ନଥିଲେ । ତାଙ୍କ ବିନା ମଧ୍ୟ ସୁପରକିଙ୍ଗ୍ସ ଚାମ୍ପିଅନ୍ ଆଖ୍ୟା ଅର୍ଜନ କରିଥିଲା । ଷ୍ଟୋକ୍ସ ଓହରି ଯିବାରୁ ଏହି ଅର୍ଥ ସୁପରକିଙ୍ଗ୍ସ ପର୍ସକୁ ଫେରିଛି ।
ଷ୍ଟୋକ୍ସଙ୍କ ବ୍ୟତୀତ ଅମ୍ବାତି ରାୟୁଡୁ ମଧ୍ୟ ବାଦ ପଡ଼ିଛନ୍ତି । ସେ ଗତ ବର୍ଷ ଆଇପିଏଲ୍ ଖେଳି ଅବସର ନେଇଥିଲେ । ରାୟୁଡୁଙ୍କୁ ୬.୭୫କୋଟିରେ ସୁପରକିଙ୍ଗ୍ସ କିଣିଥିଲା । ସେ ଅବସର ନେବା ଫଳରେ ସୁପରକିଙ୍ଗ୍ସ ପର୍ସକୁ ଏହି ଅର୍ଥ ଫେରିଛି । ଏହା ବ୍ୟତୀତ ଡ୍ୱେନ ପ୍ରିଟୋରିୟସ, ସିସାଣ୍ଡା ମାଗାଲା ଓ କେଲି ଜାମିସନଙ୍କ ମଧ୍ୟରୁ ୨ଜଣଙ୍କୁ ବାଦ ଦେବାକୁ ସୁପରକିଙ୍ଗ୍ସ ଯୋଜନା କରୁଛି ।
ଏଥର ନବାଗତ ଭାବେ ନ୍ୟୁଜିଲାଣ୍ଡ ଓପନର ରଚିନ ରବିନ୍ଦ୍ର ଓ ଦକ୍ଷିଣ ଆଫ୍ରିକା ଅଲ୍ରାଉଣ୍ଡର ଗେରାଲ୍ଡ କୋଏଜି ଚଢ଼ା ଦାମରେ ବିକ୍ରି ହେବେ ବୋଲି ଆଶା କରାଯାଉଛି । ଏମାନଙ୍କ ବ୍ୟତୀତ ବିଶ୍ୱକପ୍ ହିରୋ ଟ୍ରେଭିସ୍ ହେଡ୍ ମଧ୍ୟ ଆଇପିଏଲ୍ ନିଲାମରେ ନିଜ ନାମ ଲେଖାଇ ସାରିଛନ୍ତି । ନ୍ୟୁଜିଲାଣ୍ଡ ବ୍ୟାଟର ଡାରିଲ ମିଚେଲ ମଧ୍ୟ ନିଲାମରେ ସାମିଲ ହେଉଛନ୍ତି ।
ଆସନ୍ତା ବର୍ଷ ମାର୍ଚ୍ଚ ତୃତୀୟ ସପ୍ତାହରୁ ଆଇପିଏଲ୍ ଆରମ୍ଭ ହେବାର ସମ୍ଭାବନା ରହିଛି । ମାର୍ଚ୍ଚ ୧୧ରେ ଭାରତ-ଇଂଲଣ୍ଡ ଟେଷ୍ଟ ସିରିଜ ଶେଷ ହେବ । ଏହାପରେ ଆଇପିଏଲ୍ ଆରମ୍ଭ ହେବ । ଜୁନ୍-ଜୁଲାଇରେ ଟି-ଟ୍ୱେଣ୍ଟି ବିଶ୍ୱକପ ରହିଥିବାରୁ ପ୍ରତ୍ୟେକ ଦେଶର ସିନିୟର ଖେଳାଳିମାନେ ଆଇପିଏଲ ଖେଳିବାକୁ ମନ ବଳାଇଛନ୍ତି । ଫ୍ରାଞ୍ଚାଇଜଙ୍କ ପର୍ସରେ ୧୦୦କୋଟି ଖେଳାଳି କିଣିବା ପାଇଁ ଅର୍ଥ ବୃଦ୍ଧି କରାଯାଇଛି । ଗତ ସିଜିନରେ ଫ୍ରାଞ୍ଚାଇଜ୍ଙ୍କ ନିଲାମ ପର୍ସରେ ୯୫କୋଟି ଟଙ୍କା ରହିଥିଲା । ଏଥର ୫କୋଟି ଟଙ୍କା ବୃଦ୍ଧି କରାଯାଇଛି ।
ଗତ ସିଜନର ନିଲାମ ପରେ ପଞ୍ଜାବ କିଙ୍ଗ୍ସ ପର୍ସରେ ସର୍ବାଧିକ ୧୨.୨୦ କୋଟି ଟଙ୍କା ବଳକା ରହିଛି । ଏଥର ଖେଳାଳିଙ୍କୁ ବାଦ ଦେବା ପରେ ପର୍ସରେ ଅର୍ଥ ବୃଦ୍ଧି ପାଇବ । ସେହିପରି ମୁମ୍ବାଇ ଇଣ୍ଡିଆନ୍ସ ପର୍ସରେ ସର୍ବନିମ୍ନ ୦.୦୫କୋଟି ଟଙ୍କା ରହିଛି । ଅନ୍ୟ ଫ୍ରାଞ୍ଚାଇଜଙ୍କ ମଧ୍ୟରେ ସନରାଇଜର୍ସ ହାଇଦ୍ରାବାଦ ପର୍ସରେ ୬.୫୫କୋଟି, ଗୁଜରାଟ ଟାଇଟନ୍ସ ଓ ଦିଲ୍ଲୀ କ୍ୟାପିଟାଲ୍ସ ପର୍ସରେ ୪.୪୫କୋଟି, ଲକ୍ଷେ୍ନø ସୁପରଜାଏଣ୍ଟ୍ସ ନିକଟରେ ୩.୫୫କୋଟି, ରାଜସ୍ଥାନ ରୟାଲ୍ସ ନିକଟରେ ୩.୩୫କୋଟି, ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ନିକଟରେ ୧.୭୫କୋଟି, କୋଲକାତା ନାଇଟ ରାଇଡର୍ସ ନିକଟରେ ୧.୬୫ କୋଟି ଓ ଚେନ୍ନାଇ ସୁପରକିଙ୍ଗ୍ସ ନିକଟରେ ୧.୫କୋଟି ଟଙ୍କା ରହିଛି ।
wp:embed {"url":"https://www.prameyanews7.com/bigg-boss-17-salman-khan-vicky-jain-get-break-downs-meeting-his-mom/","type":"wp-embed","providerNameSlug":"prameya-news-7"}
