ମୁମ୍ବାଇ ୦୨।୦୪ : ଆରମ୍ଭ ହୋଇଛି ଆଇପିଏଲ୍ ୨୦୨୩ ସିଜିନ୍ । ଆଇପିଏଲ୍ର ତୃତୀୟ ଦିନରେ ଦୁଇଟି ମ୍ୟାତ୍ ରହିଛି । ପ୍ରଥମ ମ୍ୟାଚ୍ ସନରାଇଜର୍ସ ହାଇଦ୍ରାବାଦ୍ ଓ ରାଜସ୍ଥାନ ରୟାଲ୍ସ ମଧ୍ୟରେ ଭେଟିବେ । ବାକି ୨ୟ ମ୍ୟାଚରେ ମୁମ୍ବାଇ ଇଣ୍ଡିଆନ୍ସ ଏବଂ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ମଧ୍ୟରେ ହେବ ଲଢେଇ ।
ତେବେ ରବିବାର ଅପରାହ୍ନ ୩.୩୦ ମିନିଟ୍ରେ ଘରୋଇ ସନରାଇଜର୍ସ ହାଇଦ୍ରାବାଦକୁ ଭେଟିବ ପୂର୍ବ ସିଜିନ୍ର ରନର୍ସ ଅପ୍ ରାଜସ୍ଥାନ ରୟାଲ୍ସ । ହାଇଦ୍ରାବାଦ୍ ରାଜୀବ ଗାନ୍ଧୀ ଷ୍ଟାଡିୟମ୍ରେ ମୁହାଁମୁହିଁ ହେବେ ଦୁଇ ଦଳ । ହାଇଦ୍ରାବାଦ୍ର ଅଧିନାୟକ ଆଡେନ୍ ମାରକ୍ରମ୍ ଭାରତରେ ପହଞ୍ଚିନାହାନ୍ତି । ଯାହାଫଳରେ ଦଳର ଦ୍ରୁତ ବୋଲର ଭୁବନେଶ୍ୱର କୁମାର୍ଙ୍କୁ ଅଧିନାୟକ ଦିଆଯାଇଛି ।
ସେହିପରି ରାଜସ୍ଥାନ ଟିମ୍ ବେଶ୍ ଶକ୍ତିଶାଳୀ ମନେ ହେଉଛି । ଖାସ୍ କରି ଜୋ ରୁଟ୍ଙ୍କ ଉପସ୍ଥିତି ଦଳର ଶକ୍ତି ବୃଦ୍ଧି କରିଛି । ଏହି ଦଳର ଅଧିନାୟକ ଦାୟିତ୍ୱ ସଞ୍ଜୁ ସାମ୍ସନ୍ଙ୍କ ହାତରେ ରହିଛି । ଏହା ବ୍ୟତୀତ ଜୋସ୍ ବଟଲର, ସିମରନ୍ ହେତମେୟର, ଯଶସ୍ୱୀ ଜୈସ୍ୱାଲ୍, ପରି ଦମ୍ଦାର୍ ଖେଳାଳି ଅଛନ୍ତି । କୌଣସି ବି ପରିସ୍ଥିତିରେ ମ୍ୟାଚ୍ ରୂପରେଖ ପରିବର୍ତ୍ତନ କରିବାରେ ଏହି ସବୁ ଖେଳାଳି ମାହିର । ତେଣୁ ଆଜିର ମ୍ୟାଚ୍ ବେଶ୍ ସଂଘର୍ଷପୂର୍ଣ୍ଣ ହେବ ବୋଲି ଆଶା କରାଯାଉଛି ।
ସନରାଇଜର୍ସ : ଭୁବନେଶ୍ୱର କୁମାର (ଅଧିନାୟକ), ମୟଙ୍କ ଅଗ୍ରୱାଲ୍, ଅଭିଷେକ ଶର୍ମା, ରାହୁଲ ତ୍ରିପାଠୀ, ହ୍ୟାରୀ ବ୍ରୁକ, ଗ୍ଲେନ ଫିଲିପ୍ସ, ଅବଦୁଲ ସମଦ, ୱାସିଂଟନ ସୁନ୍ଦର, ଅକିଲ ହୋସେନ, ଟି ନଟରାଜନ, ଉମ୍ରାନ ମଲିକ ।
ରାଜସ୍ଥାନ ରୟାଲ୍ସ: ଯଶସ୍ୱୀ ଜୈସ୍ୱାଲ, ଜୋସ ବଟଲର, ସଞ୍ଜୁ ସାମସନ (ଅଧିନାୟକ), ସିମରନ ହେତମେୟର, ଜାସନ ହୋଲ୍ଡର/ଜୋ ରୁଟ୍, ରିୟାନ ପରାଗ, ଆର ଅଶ୍ୱିନ, ୟୁଝବେନ୍ଦ୍ର ଚହଲ, ଟ୍ରେଣ୍ଟ ବୋଲ୍ଟ, ନବଦୀପ ସାଇନି, କୁଲଦୀପ ସେନ ।
