oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକ : ଶାଶୂ ଘର ଛାଡିଲେ ଅଭିନେତ୍ରୀ ବର୍ଷା ପ୍ରିୟଦର୍ଶିନୀ, ୩୦ ସୁଦ୍ଧା ଘର ଛାଡିବାକୁ ନିର୍ଦ୍ଦେଶ ଦେଇଥିଲେ ହାଇକୋର୍ଟ
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୧୩୧ କୋଭିଡ୍ ପଜିଟିଭ୍
  • ||
  • ମୁମ୍ଵାଇ : ଠକେଇର ଶିକାର ହେଲେ ଅନ୍ନୁ କପୁର, KYC ଅପଡେଟ୍ ବାହାନାରେ ଲୁଟି ନେଲେ ୪.୩୬ ଲକ୍ଷ ଟଙ୍କା
  • ||
  • ଲମତାପୁଟ : ରାଜ୍ୟ ବାହାରକୁ ହେଉଥିଲା ଚାଲାଣ, ଚେକିଂ ବେଳେ କାର୍‌ରୁ ବାହାରିଲା ୧୦ଲକ୍ଷ ଟଙ୍କାର ଗଞ୍ଜେଇ
  • ||
  • ଭୁବନେଶ୍ୱର : ରାଜଧାନୀର ବିଭିନ୍ନ ବାର୍‌ରେ ରେଡ୍‌, କଟକଣା ପରେ ବି ମାନୁନଥିଲେ ମାଲିକ
  • ||
  • ଇଣ୍ଡୋନେସିଆ : ରକ୍ତ ରଞ୍ଜିତ ହେଲା ଖେଳ ପଡ଼ିଆ; ଫୁଟବଲ ମ୍ୟାଚ୍ ଚାଲିଥିବା ବେଳେ ଦଙ୍ଗା, ୧୨୭ ମୃତ, ଏକାଧିକ ଆହତ
  • ||

ତେଓ୍ଵତିଆ ଓ ରିୟାନଙ୍କ ଦମଦାର ବ୍ୟାଟିଂ: ସନରାଇଜର୍ସ ହାଇଦ୍ରାବାଦଠୁ ବିଜୟ ଛଡାଇ ଆଣିଲା ରାଜସ୍ଥାନ ରୟାଲ୍ସ

11/10/2020 at 7:23 PM

ଦୁବାଇ ୧୧।୧୦: ଦୁବାଇରେ ଖେଳାଯାଇଥିବା ଆଇପିଏଲର ୨୬ତମ ରୋମାଞ୍ଚକର ମୁକାବିଲାରେ ରାଜସ୍ଥାନ ରୟାଲ୍ସ ସନରାଇଜର୍ସ ହାଇଦ୍ରାବାଦକୁ ୫ ଓ୍ଵିକେଟ୍‌ରେ ପରାସ୍ତ କରିଛି। ତେଓ୍ଵତିଆ ଓ ରିୟାନ ପରାଗଙ୍କ ଦମଦାର ବ୍ୟାଟିଂ ବଳରେ ରାଜସ୍ଥାନ ରୟାଲ୍ସ ହାଇଦ୍ରାବାଦଠୁ ବିଜୟ ଛଡାଇ ଆଣିଛି।  ଏହି ବିଜୟ ସହିତ ରାଜସ୍ଥାନର ପ୍ଲେଅଫ ପାଇଁ ଆଶା ଉଜ୍ଜୀବିତ ରହିଛି। ସପ୍ତମ ମ୍ୟାଚ୍‌ରୁ ରାଜସ୍ଥାନ ତୃତୀୟ ବିଜୟ  ହାସଲ କରିଥିବା ବେଳେ ସନରାଇଜର୍ସ ହାଇଦ୍ରାବାଦର ସେହି ସମାନ ମ୍ୟାଚ୍‌ରୁ ଚତୁର୍ଥ ପରାଜୟ ଭୋଗିଛି। ପ୍ରଥମେ ବ୍ୟାଟିଂ କରି ସନରାଇଜର୍ସ ହାଇଦ୍ରାବାଦ ମନୀଷ ପାଣ୍ଡେଙ୍କ ୫୪ ରନ ଓ ଡେଭିଡ୍ ଓ୍ଵାର୍ଣ୍ଣରଙ୍କ ୪୮ ରନ ବଳରେ ୪ ଓ୍ଵିକେଟ୍ ହରାଇ ନିର୍ଦ୍ଧାରିତ ଓଭରରେ ୧୫୮ ରନ କରିଥିଲା। ଜବାବରେ ରାଜସ୍ଥାନ ରୟାଲ୍ସ ରାହୁଲ ତେଓ୍ଵତିଆଙ୍କ ଅପରାଜିତ ଦମଦାର ୪୫ ରନ ଏବଂ ରିୟାନ ପରାଗଙ୍କ ଉପଯୋଗୀ ୪୨ ରନ ବଳରେ ୧୯.୫ ଓଭରରେ ୫ ଓ୍ଵିକେଟ୍ ହରାଇ ଲକ୍ଷ୍ୟ ହାସଲ କରିଥିଲା। ରାହୁଲ ତେଓ୍ଵତିଆ ପୁଣି ଥରେ ମ୍ୟାଚ୍‌ ବିଜୟୀ ଇନିଂସ ଖେଳିଛନ୍ତି।

୧୫୯ ରନର ବିଜୟ ଲକ୍ଷ୍ୟକୁ ପିଛା କରିଥିବା ରାଜସ୍ଥାନର ରୟାଲ୍ସର ଆରମ୍ଭ ନୈରାଶଜନକ ଥିଲା। ଚଳିତ ଆଇପିଏଲରେ ପ୍ରଥମ ମ୍ୟାଚ୍‌ ଖେଳିଥିବା ବେନ ଷ୍ଟୋକ୍ସ ୫ ରନ କରି ବିଦାୟ ନେଇଥିଲେ। ଏହା ପରେ ଦଳ ସଅଳ ଆଉ ଦୁଇଟି ଓ୍ଵିକେଟ୍ ହରାଇଥିଲା। ୨୫ ରନ ସ୍କୋରରେ ଅଧିନାୟକ ଷ୍ଟିଭ୍ ସ୍ମିଥ୍ ରନ ଆଉଟ୍ ହେବା ଦଳକୁ ଜୋରଦାର ଝଟକା ଲାଗିଥିଲା। ଜୋସ ବଟଲର ୧୩ ବଲରୁ ୧ ଚୌକା ଓ ୧ ଛକା ସହ ୧୬ ରନ କରି ଖଲିଲ ଅହମ୍ମଦଙ୍କ ଶିକାର ହୋଇଥିଲେ।

୨୬ ରନରେ ୩ ଓ୍ଵିକେଟ୍ ହରାଇବା ପରେ ସଞ୍ଜୁ ସାମସନ ଓ ରବିନ ଉଥପ୍ପା ଦଳକୁ ସମ୍ଭାଳିବାକୁ ଚେଷ୍ଟା କରିଥିଲେ। ଦୁଇ ବ୍ୟାଟସମ୍ୟାନ ଚତୁର୍ଥ ଓ୍ଵିକେଟ୍ ପାଇଁ ୩୭ ରନ ଯୋଡିଥିଲେ। ୬୩ ରନ ସ୍କୋରରେ ରବିନ ଉଥପ୍ପା ୧୫ ବଲରୁ ୧୮ ରନ କରି ଆଉଟ୍ ହୋଇଥିଲେ। ରବିନଙ୍କ ପରେ ଫର୍ମରେ ଥିବା ସଞ୍ଜୁ ସାମସନ ପଞ୍ଚମ ବ୍ୟାଟସମ୍ୟାନ ରସିଦ ଖାନଙ୍କ ଶିକାର ହୋଇଥିଲେ।

୭୮ ରନରେ ୫ ଓ୍ଵିକେଟ୍ ହରାଇ ବଡ ସଙ୍କଟରେ ପଡିଥିବା ରାଜସ୍ଥାନ ପରାଜୟ ମୁହଁରେ ରହିଥିଲା। ହେଲେ ରାହୁଲ ତେଓ୍ଵତିଆ ଓ ରିୟାନ ପରାଗ ଚମତ୍କାର ବ୍ୟାଟିଂ କରି ଦଳକୁ ବିପର୍ଯ୍ୟୟରୁ ଉଦ୍ଧାର କରିଥିଲେ। ଉଭୟ ବ୍ୟାଟସମ୍ୟାନ ଉତ୍ତମ ସମନ୍ଵୟ ରଖି ଦଳକୁ ବିଜୟ ଆଡକୁ ଅଗ୍ରସର କରାଇଥିଲେ। ବିଶେଷ କରି ରାହୁଲ ତେଓ୍ଵତିଆ ଦ୍ରୁତ ବ୍ୟାଟିଂ କରି ସନରାଇଜର୍ସ ହାତରୁ ବିଜୟ ଛଡାଇ ଆଣିଥିଲେ। ତେଓ୍ଵତିଆ ୨୮ ବଲରୁ ୪ ଚୌକା ଓ ୨ ଛକା ସହ ଦ୍ରୁତ ୪୫ ରନ ଏବଂ ରିୟାନ ପରାଗ ୨୬ ବଲରୁ ୨ ଚୌକା ଓ ୨ ଛକା ସହ ୪୨ ରନର ଅପରାଜିତ ଇନିଂସ ଖେଳି ଦଳକୁ ବିଜୟୀ କରାଇଥିଲେ। ତେଓ୍ଵତିଆ ଓ ପରାଗ ଅବିଭାଜିତ ଷଷ୍ଠ ଓ୍ଵିକେଟ୍‌ରେ ୮୫ ରନ ଯୋଡିଥିଲେ। ଦୁଇ ବ୍ୟାଟସମ୍ୟାନଙ୍କ ମ୍ୟାଚ୍ ବିଜୟୀ ଇନିଂସ ବଳରେ ରାଜସ୍ଥାନ ରୟାଲ୍ସ ୧୯. ୫ ଓଭରେ ୫ ଓ୍ଵିକେଟ୍ ହରାଇ ମ୍ୟାଚ୍‌କୁ  ଜିତି ନେଇଛି।

ହାଇଦ୍ରାବାଦ ପକ୍ଷରୁ ରସିଦ ଖାନ ଓ ଖଲିଲ ଅହମ୍ମଦ ପ୍ରତ୍ୟେକ ଦୁଇଟି ଲେଖାଏଁ ଓ୍ଵିକେଟ୍ ନେଇଥିଲେ।

   Related Posts