କୋଇଡା ୨୭|୧: ସୁନ୍ଦରଗଡ ଜିଲ୍ଲା କୋଇଡାରେ ଗୋଟିଏ ପରିବାରର ୫ ଜଣଙ୍କ ମୃତ୍ୟୁ ଘଟଣା ଏବେବି ରହସ୍ୟ ଘେରରେ ରହିଛି । କୋଇଡ଼ା ପୋଲିସ ସାଇଣ୍ଟିଫିକ୍ ଟିମ୍ ସହିତ ଘଟଣାସ୍ଥଳରେ ପହଞ୍ଚି କୂଅରୁ ମୃତଦେହ ଉଦ୍ଧାର କରିବା ସହ ତଦନ୍ତ ଆରମ୍ଭ କରିଛି । ଆଜି ସମସ୍ତଙ୍କ ପୋଷ୍ଟମର୍ଟମ କରାଯିବ ।
{"id":78515}![](https://www.prameyanews7.com/wp-content/uploads/2019/01/vlcsnap-2019-01-27-09h04m55s823.jpg)
ବଡ଼ଇନ୍ଦୁପୁର ଗାଁ କନ୍ଦାସାହିର ସୁଦାମ ମୁଣ୍ଡାଙ୍କ ପତ୍ନୀ କୁନି ମୁଣ୍ଡା ଏବଂ ତାଙ୍କର ଦୁଇପୁତ୍ର ଓ ଦୁଇ କନ୍ୟାଙ୍କୁ ହତ୍ୟା କରାଯାଇଛି । କୁନି ମୁଣ୍ଡା ପିଲାମାନଙ୍କୁ ଧରି ଘରେ ଏକୁଟିଆ ଥିବା ବେଳେ ବିଳମ୍ବିତ ରାତିରେ ସେମାନଙ୍କୁ କେହି ହତ୍ୟା କରି ନିକଟରେ ଥିବା ଏକ କୂଅରେ ପକାଇଦେଇଥିଲା । ଶନିବାର ସକାଳେ ଘର ଭିତରେ ରକ୍ତ ଛିଟା ଦେଖିବା ପରେ ଘଟଣା ଜଣାପଡ଼ିଥିଲା ।
{"id":78124}![](https://www.prameyanews7.com/wp-content/uploads/2019/01/vlcsnap-2019-01-26-10h02m39s011.jpg)
ସେପଟେ କୁନି ମୁଣ୍ଡାଙ୍କ ସ୍ବାମୀ କହିଛନ୍ତି ଯେ, ଗୁଣି ଗାରେଡ଼ିକୁ ସନ୍ଦେହ କରି ଏମାନଙ୍କୁ ହତ୍ୟା କରାଯାଇଛି । କିଛି ଦିନ ପୂର୍ବରୁ ପଡ଼ୋଶୀ ଦେବ୍ରା ମୁଣ୍ଡାଙ୍କ ଝିଅ ପ୍ରାଣ ହରାଇଥିଲା। ସେବେଠାରୁ ସେ କୁନି ଉପରେ ସନ୍ଦେହ କରୁଥିଲେ । ଏହି ଘଟଣା ପରେ ଦେବ୍ରା ଫେରାର ହୋଇଯାଇଛନ୍ତି। ଡାହାଣୀ ସନ୍ଦେହରୁ ଏହି ହତ୍ୟାକାଣ୍ଡ ଘଟିଛି ନା ଆଉ କିଛି କାରଣ ରହିଛି ତାର ତଦନ୍ତ ଚଳାଇଛି ପୋଲିସ ।