କଟକ ୧୧/୦୬: ଓଡ଼ିଶା ଶିକ୍ଷକ ଯୋଗ୍ୟତା ପରୀକ୍ଷା (ଓଟିଇଟି)-୨୦୨୨ ପରୀକ୍ଷା ଲାଗି ଇଣ୍ଟିଗ୍ରେଟେଡ୍ ବିଏଡ୍ ଏବଂ ଏମ୍ଏଡ୍ ଡିଗ୍ରୀଧାରୀଙ୍କୁ ସୁଯୋଗ ଦିଆଯାଇଛି । ପୂର୍ବରୁ ଉକ୍ତ ଡିଗ୍ରୀଧାରୀମାନେ ଓଟିଇଟି ଆବେଦନରୁ ବଞ୍ଚିତ ହୋଇଆସୁଥିଲେ । ତେବେ ଏମାନଙ୍କୁ ଓଟିଇଟି ପରୀକ୍ଷା ଦେବା ପାଇଁ ସୁଯୋଗ ଦେବା ଲାଗି ରାଜ୍ୟ ବିଦ୍ୟାଳୟ ଏବଂ ଗଣଶିକ୍ଷା ବିଭାଗ ନିଷ୍ପତ୍ତି ନେବା ପରେ ଆସନ୍ତା ୨୩ ତାରିଖରେ ମାଧ୍ୟମିକ ଶିକ୍ଷା ପରିଷଦ(ବୋର୍ଡ)ଦ୍ୱାରା ପରିଚାଳିତ ହେବାକୁ ଥିବା ଓଟିଇଟି-୨୦୨୨କୁ ଜୁଲାଇ ୧ ତାରିଖକୁ ଘୁଞ୍ଚାଇ ଦିଆଯାଇଛି ।
ଏ ନେଇ ବୋର୍ଡ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି । ନୂତନ ବିଜ୍ଞପ୍ତି ଆଧାରରେ ଫର୍ମ ପୂରଣ କରିପାରିନଥିବା ଇଣ୍ଟିଗ୍ରେଟେଡ୍ ବିଏଡ୍ ଏବଂ ଏମ୍ଏଡ୍ ଯୋଗ୍ୟତାଧାରୀମାନଙ୍କୁ ଆବେଦନ ଲାଗି ବୋର୍ଡ ପକ୍ଷରୁ ସମୟ ଦିଆଯାଇଛି । ଆସନ୍ତା ୧୨ ତାରିଖରୁ ୧୬ ତାରିଖ ରାତି ୧୨ଟା ପର୍ଯ୍ୟନ୍ତ ସେମାନେ ଆବେଦନ କରି ପାରିବେ ।
ଓଟିଇଟି-୨୦୨୨ର ଦ୍ୱିତୀୟ ପର୍ଯ୍ୟାୟ ପରୀକ୍ଷାର କାଟାଗୋରି-୧ରେ ଆବେଦନ ଲାଗି ପ୍ରାର୍ଥୀ ୩ ବର୍ଷୀୟା ଇଣ୍ଟିଗ୍ରେଟେଡ୍ ବିଏଡ୍ ସହ ପିଜିରେ ୫୫ ପ୍ରତିଶତ ନମ୍ବର କିମ୍ବା ଏମ୍ଏଡ୍ ଡିଗ୍ରି ହାସଲ କରିଥିବା ଆବଶ୍ୟକ । କାଟାଗୋରି-୨ରେ ଆବେଦନ ଲାଗି ଦୁଇ ବର୍ଷୀୟା ବିଏଡ୍ ଡିଗ୍ରୀ ସହ ପିଜିରେ ୫୦ ପ୍ରତିଶତ ନମ୍ବର କିମ୍ବା ୩ ବର୍ଷୀୟା ଇଣ୍ଟିଗ୍ରେଟେଡ୍ ବିଏଡ୍ ସହ ପିଜିରେ ୫୫ ପ୍ରତିଶତ ନମ୍ବର କିମ୍ବା ଏମ୍ଏଡି ଡିଗ୍ରୀ ରହିଥିବା ଆବଶ୍ୟକ ।
you can read...
wp:embed {"url":"https://www.prameyanews7.com/nmc-proposed-joint-counseling-for-admission-process-in-medical-college/","type":"wp-embed","providerNameSlug":"prameya-news-7"}
