ଭୁବନେଶ୍ବର: ରାତି ପାହିଲେ ଦେବ ଦେବ ମହାଦେବଙ୍କ ଜାଗର ଯାତ୍ରା । ଏଥିପାଇଁ ଚଳଚଞ୍ଚଳ ହୋଇପଡ଼ିଛି ଶୈବ ପୀଠ । ସବୁଠି ଉତ୍ସବର ମାହୋଲ। ଏହିକ୍ରମରେ ଜଣେ ଯୁବକ କାଚ ବୋତଲ ଭିତରେ ଏକ ଶିବ ମୂର୍ତ୍ତି କରିଛନ୍ତି । ଯୁବକ ଜଣଙ୍କ ହେଲେ ଜଣାଶୁଣା ଶିଳ୍ପୀ ତଥା ଜଟଣୀ ଅନ୍ତର୍ଗତ ଗୋପିନାଥପୁରର ଏଲ ଇଶ୍ବର ରାଓ । ୭୫୦ଏମଏଲର ବୋତଲ ଭିତରେ ରହିଛି ଏହି ଶିବ ମୂର୍ତ୍ତି । ଯାହା ସମ୍ପୂର୍ଣ୍ଣ ମାଟିରେ ତିଆରି ହୋଇଛି । ଏଥିରେ କଟନ, ପେପର, ମାଟି ବ୍ୟବହୃତ ହୋଇଛି । ଉଚ୍ଚତା ରହିଛି ୫ଇଞ୍ଚ । ଯୁବକଙ୍କୁ ପାଖାପାଖି ୧୦ଦିନ ସମୟ ଲାଗିଛି ଏହି କଳାକୃତି ବନାଇବା ଲାଗି । ପୂର୍ବରୁ ମଧ୍ୟ ସେ ଏଭଳି ଅନେକ ସୁକ୍ଷ୍ମ କଳାକୃତି କରିଛନ୍ତି ।  

wp:html /wp:html