ନୂଆଦିଲ୍ଲୀ: ପାର୍ବଣ ସମୟରେ ଟ୍ରେନ୍‌ରେ ଅଧିତ ଭିଡ଼ ହୋଇଥାଏ । ଦୀପାବଳି ଓ ଛଟ୍ ପର୍ବରେ ବାହାରେ ରହୁଥିବା ଲୋକ ନିଜକୁ ଫେରିଥାନ୍ତି । କିନ୍ତୁ ଏହି ସମୟରେ ଟ୍ରେନ୍‌ରେ କନଫର୍ମ ଟିକଟ ମିଳିବା ପ୍ରାୟତଃ ଅସମ୍ଭବ ହୋଇଥାଏ । ଏହି କାରଣରୁ ଅନେକ ଲୋକ କାଉଣ୍ଟରରୁ ୱେଣ୍ଟିଂ ଟିକଟ୍ ନେଇ ଟ୍ରେନ୍‌ରେ ଛିଡ଼ା ହୋଇ ଯାତ୍ରା କରିବାକୁ ବାଧ୍ୟ ହୋଇଥାନ୍ତି । ଭାରତୀୟ ରେଲୱେ ଏବେ ଏହି ସମସ୍ୟାକୁ ଶେଷ କରିବାକୁ ଯାଉଛି । ରେଲୱେ ସୂତ୍ର ଅନୁସାରେ, ଆସନ୍ତା ଚାରି ବର୍ଷରେ ଅର୍ଥାତ୍ ୨୦୨୭ ସୁଦ୍ଧା ସମସ୍ତ ଯାତ୍ରୀଙ୍କୁ ଟ୍ରେନ୍‌ରେ କନଫର୍ମ ଟିକଟ ମିଳିବ । ସୂତ୍ର ଅନୁସାରେ ରେଲୱେରେ ୩ ହଜାର ନୂଆ ଟ୍ରେନ୍ ସାମିଲ କରାଯିବ ।

ରେଲୱେ ମନ୍ତ୍ରାଳୟ ସୂତ୍ର ସୂଚନା ଆଧାରରେ ଏନଟିଡିଭି ରିପୋର୍ଟ ଅନୁସାରେ, ବର୍ତ୍ତମାନ ସମୟରେ ଦୈନିକ ୧୦,୭୪୮ ଟ୍ରେନ୍ ଚାଲୁଛି । ଏହାକୁ ୧୩୦୦୦ ଟ୍ରେନ୍ ଯାଏ ବଢାଇବାକୁ ଲକ୍ଷ୍ୟ ରଖାଯାଇଛି । ରେଲୱେ ପ୍ରତିବର୍ଷ ଟ୍ରାକ୍ ମଧ୍ୟ ବଢାଉଛି । ବର୍ତ୍ତମାନ ସମୟରେ ୪ରୁ ୫ ହଜାର କିଲୋମିଟର ଟ୍ରାକର ନୂଆ ରୁଟ୍ ବିଛା ଯାଉଛି । ଆସନ୍ତା ୩-୪ ବର୍ଷରେ ଅଧିକ ୩ ହଜାର ନୂଆ ଟ୍ରେନ୍‌କୁ ଟ୍ରାକରେ ଓହ୍ଲାଯିବ ।

ପଢନ୍ତୁ: ଦୀପାବଳିରେ ଫେରିପାରିଲେନି ଘରକୁ, ରେଳବାଇକୁ କହିଲେ ଟଙ୍କା ଫେରାଅ

ରେଲୱେରୁ ମିଳିଥିବା ସୂଚନା ଅନୁସାରେ ପ୍ରତିବର୍ଷ ପ୍ରାୟ ୮୦୦ କୋଟି ଯାତ୍ରୀ ଟ୍ରେନ୍‌ରେ ଯାତ୍ରା କରିଥାନ୍ତି । ଏହି ସଂଖ୍ୟାକୁ ୧୦୦୦ କୋଟି ଯାଏ ବଢାଇବାକୁ ଲକ୍ଷ୍ୟ ରଖାଯାଇଛି । ସୂତ୍ର ଅନୁସାରେ ଯାତ୍ରା ସମୟର କମ କରିବା ଉପରେ ମଧ୍ୟ କାର୍ଯ୍ୟ ଜାରି ରହିଛି । ଏହାସହ ଟ୍ରାକ୍ ବଢାଇବା, ସ୍ପିଡ୍ ବଢାଇବା ଓ ଏସକ୍ସିଲରେସନ ଓ ଡେସିଲରେସନକୁ ବଢାଇବା ଉପରେ ମଧ୍ୟରେ ଜୋର ଦିଆଯାଇଛି । ଏହାଦ୍ୱାରା ଟ୍ରେନ୍ ରହଣୀ ଓ ସ୍ପିଡ୍ ଧରିବା ସମୟ ପୂର୍ବ ତୁଳନାରେ କମ ଲାଗିବ । ସୂତ୍ର ଅନୁସାରେ ବର୍ତ୍ତମାନ ସମୟରେ ବର୍ଷକୁ ଏଲଏଚବି କୋରର ପ୍ରାୟ ୨୨୫ ଟ୍ରେନ୍ ନିର୍ମାଣ କରାଯାଉଛି । ଏଥିରେ ପୁସ୍-ପୁଲ୍ ଟେକନିକ୍ ବ୍ୟବହାର କରାଯାଉଛି ।

Also Read: ସମାନ ରୁଟ୍, ସମାନ ଟ୍ରେନ୍; ଗଲେ ୨୦, ହେଲେ ଫେରିବା ସମୟରେ ଗଣିବାକୁ ପଡ଼ୁଛି ୪୦ ଟଙ୍କା